انحراف السيارة مع الضغط على الفرامل

[finance]

المشاركة الأصلية كتبت بواسطة midooo82 مساء الفل يا باشا انا مش فاهم مشكلتك بالظبط بس لو انت بدوس على الفرامل العربية بتحدف منك يمين او شمال مثلا و بتحدف اكتر عند الفرامل الجامدة فده معناه ان فى فردة بتفرمل اكتر من التانية و لو الحدفه جامدة يبقى فردة مش بتفرمل خالص مثلا يعنى لو بتفرمل العربية تحدف يمين يبقى العجل اليمين بيفرمل و الشمال لأ علشان كده لازم تراجع الفرامل تانى الفرامل مش بس تيل و خلاص فى كمان ماستر الفرامل و دا ليه 2 نوع العمومى و الفرعى يعنى عندك مثلا العمومى فى الكبوت من جوه و الفرعى دا عند كل عجلة و اعتقد ان هو دا اللى بايظ عندك اتمنى اكون ساعدتك و مطولتش عليك شكرا

شكرا جزيلا ياميدو على اهتمامك بالمشكلة وأنا سعيد بمشاركتك
بص ياسيدي انا لما بدوس فرامل جامد وعلى سرعة عالية مثلا 80 كم العربية بتلف من ورا في اتجاه اليسار ومن قدام في اتجاه اليمين تمام كده يعني كأن العربية بتعمل دائرة لما تيجي تقف وطبعا الوضع الطبيعي انها تقف في مكانها يارب كده أكون وضحتلك المشكلة .
بالنسبة لاختبار الماستر الرئيسي والفرعي والخراطيم أنا عملت كل ده بنفسي من خلال إني كنت باخد هواء لكل عجلة وأشوف هل هيطلع زيت من مسمار الهواء بتاع العجلة ولا لا وفعلا ال 4 عجلات جابوا زيت فعلشان كده استبعدت ان يكون فيه مشكلة في الماستر الرئيسي او الخراطيم .
وكمان الميكانيكي أكد لي ان الفرامل تمام وقالي ركب كاوتش عريض في الخلف بس طبعا هو بيتفي .
هي ممكن تكون فيه مشكلة في العفشة بس انا عملت شيك اب على العفشة بالكامل .
كده بقى انا عملت كل حاجة ناقص بس اني اغير العربية هههههههههههههه بس الأول اعرف المشكلة وبعدين اغيرها .
تقبل تحياتي ياصديقي

[mody112]

بالمرة بقى بصيت على الطنابير

[finance]

اه بصيت على الطنابير وبدل التيل اليمين مكان الشمال ده بالنسبة للطنابير الأمامية والخلفية صنفرها

[midooo82]

المشاركة الأصلية كتبت بواسطة finance شكرا جزيلا ياميدو على اهتمامك بالمشكلة وأنا سعيد بمشاركتك بص ياسيدي انا لما بدوس فرامل جامد وعلى سرعة عالية مثلا 80 كم العربية بتلف من ورا في اتجاه اليسار ومن قدام في اتجاه اليمين تمام كده يعني كأن العربية بتعمل دائرة لما تيجي تقف وطبعا الوضع الطبيعي انها تقف في مكانها يارب كده أكون وضحتلك المشكلة . بالنسبة لاختبار الماستر الرئيسي والفرعي والخراطيم أنا عملت كل ده بنفسي من خلال إني كنت باخد هواء لكل عجلة وأشوف هل هيطلع زيت من مسمار الهواء بتاع العجلة ولا لا وفعلا ال 4 عجلات جابوا زيت فعلشان كده استبعدت ان يكون فيه مشكلة في الماستر الرئيسي او الخراطيم . وكمان الميكانيكي أكد لي ان الفرامل تمام وقالي ركب كاوتش عريض في الخلف بس طبعا هو بيتفي . هي ممكن تكون فيه مشكلة في العفشة بس انا عملت شيك اب على العفشة بالكامل . كده بقى انا عملت كل حاجة ناقص بس اني اغير العربية هههههههههههههه بس الأول اعرف المشكلة وبعدين اغيرها . تقبل تحياتي ياصديقي

هو انت ممكن تعمل حاجة بسيطة تعرف منها المشكلة من الفرامل و لا لا انت ممكن تفك التيل الامامى اليمين و الشمال و تشوفهم قد بعض و لا لا و كمان بالمرة تنضفهم كويس ممكن يكون عليهم شحم و لا شوية زيت بيخليها متقفش كويس بس لو اللتنين قد بعض يبقى انت الفرامل يتاعتك تمام و المشكلة دى مش من الفرامل نهائى
و عايز افكرك كمان بحاجة بسيطة اكيد انت جربتها انك تظبط الهوا بتاع العجل كله قد بعضه علشان لو فى عجلة منم اللى قدام نايمة العربية بتحدف نحيتها
و كمان فى حاجة اخيرة مش معنى ان الماستر بيجيب زيت يبقى سليم ممكن يكون بيهرب زيت من جوه فيجيب زيت برضه
فى الاخر طبعا العفشه
انا عارف المشكلة دى غلسة قوى عاعموم ربنا معاك انشاء الله و تحلها

[finance]

المشاركة الأصلية كتبت بواسطة midooo82 هو انت ممكن تعمل حاجة بسيطة تعرف منها المشكلة من الفرامل و لا لا انت ممكن تفك التيل الامامى اليمين و الشمال و تشوفهم قد بعض و لا لا و كمان بالمرة تنضفهم كويس ممكن يكون عليهم شحم و لا شوية زيت بيخليها متقفش كويس بس لو اللتنين قد بعض يبقى انت الفرامل يتاعتك تمام و المشكلة دى مش من الفرامل نهائى و عايز افكرك كمان بحاجة بسيطة اكيد انت جربتها انك تظبط الهوا بتاع العجل كله قد بعضه علشان لو فى عجلة منم اللى قدام نايمة العربية بتحدف نحيتها و كمان فى حاجة اخيرة مش معنى ان الماستر بيجيب زيت يبقى سليم ممكن يكون بيهرب زيت من جوه فيجيب زيت برضه فى الاخر طبعا العفشه انا عارف المشكلة دى غلسة قوى عاعموم ربنا معاك انشاء الله و تحلها

شكرا ياميدو على الرد والاضافة بس فعلا الميكانيكي بدل التيل بتاع الفردتين اللي قدام مكان بعض وده فعلا ممكن يكون بسبب عدم تساويهما وده فعلا معناه ان مشكلة في فردة منهم وان سيادته بيثبتني بالنسبة للماستر الرئيسي مش فاهم نقطة انه يجيب زيت ديه بس لو فيه مشكلة في الماستر الرئيسي ده معناه ان الدواسة بتاعت الفرامل ممكن تكون خفيفة لكن العكس الدواسة تمام وقوة الفرامل في العربية تمام بس المشكلة الوحيدة في عدم ثباتها في خط مستقيم اثناء الضغط على الفرامل وانحرافها .
عامة انا شاكر جداً ليك ولآرئك وان شاء الله جاري البحث عن السبب وشكرا للأخوة الكرام اللي مروا على الموضوع