مزدا 3 ولا لانسر عوزكم تفكرو معايا

[mesho70]

يابنى روح ذاكر
انا عارف انك من عشاق الانسر
ولو فكرت فى 1600 بالفتيس الجديد ( ستريبترونك ) هتلاقى فيها كل طلباتك

[miroseba]

سيبك من الاوكتافيا ولانسر والمازدا والكلام الفارغ ده والله انت لو جبت السوبارو مش هيبقى ليك حل وعربيه تعمل كل النتا عاوزه بس اعرف انتا التحكم فيها وشكلها تحفه وادائها جبار وكفايه انها عربيه سباق بس ماتورها 1500 سى سى



شوفه شكلى هخليك تشتريها بعد ما تخلص الفيديو بس انتا متعرفش تعمل عشر الى عملوا الواد هههههههه

http://www.youtube.com/watch?v=2UA62Hj7rws

[hazem_khidr]

اولا مافيش لانسر 1600 مانيوال علي حد علمي
ثانيا المازدا مش تقنيه الماني ولا حاجه
المازدا 3 و الفولفو اس 40 و الفورد فوكاس مبنيين علي قاعده عجلات واحده
و التلات عربيات لا يوجد صله بينهم و بين التقنيه الالمانيه من قريب او بعيد.
بالنسبه لاختياراتك خليك في عربيه تعرف تبيعها و تشتريها لانك من النوع اللي مش بيحب يحتفظ بعربيه لمده طويله
غير كده لو علي التخميس و كده مافيش اي عربيه فعلا تستحمل زي ما لاكي باشا بيقول
علشان تركب عربيه تستحمل الكلام دا يبقي في الفئه العائليه الكبيره
زي الكامري و الالتيما و العربيات دي.

[مهند سالم]

أنا في واحد جاري عارض عربية سيات موديل 81 للبيع، بس عربية طلقة، متسقط ليها موتور 127، ولسة عامل عمرة صارفة عليه ييجي بالصلاة على النبي كدة 1000 جنيه، ومركب بربريز جديد بس العيال كسروه، عشان بيركنها في الشارع، هي بس عايزة شوية سمكرة وعايزة فرش، وعايزة دهان، وعايزة جنوت، يعني وشوية حاجات بسيطة كدة، لو موافق أخلص ليك فيها، يعني ممكن كدة نخلص على ثلاثة ونص، قلت إيه؟؟؟؟؟؟؟؟؟؟؟
وبصراحة أنا مش عارف هي سيات ولا فيات 126، هي عربية كدة في الحجم أصغر من التوكتوك، باب واحد بيتقفل برزة وقفل، آه والله برزة وقفل، وبرده الشنطة والكبوت ليهم رزة وقفل، يعني حاجة أمان على الآخر، لا تقولي مرسيدس ولا كامري ولا بي أم.
وأظن دي بق تخميس وتسديس وإلا حضرتك عايزة مش هتقول لأ، عربية تولع الأسفلت، فكر كدة ورد علي؟؟؟

[miroseba]

المشاركة الأصلية كتبت بواسطة مهند سالم أنا في واحد جاري عارض عربية سيات موديل 81 للبيع، بس عربية طلقة، متسقط ليها موتور 127، ولسة عامل عمرة صارفة عليه ييجي بالصلاة على النبي كدة 1000 جنيه، ومركب بربريز جديد بس العيال كسروه، عشان بيركنها في الشارع، هي بس عايزة شوية سمكرة وعايزة فرش، وعايزة دهان، وعايزة جنوت، يعني وشوية حاجات بسيطة كدة، لو موافق أخلص ليك فيها، يعني ممكن كدة نخلص على ثلاثة ونص، قلت إيه؟؟؟؟؟؟؟؟؟؟؟ وبصراحة أنا مش عارف هي سيات ولا فيات 126، هي عربية كدة في الحجم أصغر من التوكتوك، باب واحد بيتقفل برزة وقفل، آه والله برزة وقفل، وبرده الشنطة والكبوت ليهم رزة وقفل، يعني حاجة أمان على الآخر، لا تقولي مرسيدس ولا كامري ولا بي أم. وأظن دي بق تخميس وتسديس وإلا حضرتك عايزة مش هتقول لأ، عربية تولع الأسفلت، فكر كدة ورد علي؟؟؟

عندك حق عربيه تستاهل فعلا السعر ده وتخمس وتجرى وتجيب 220 وبصراحه تستاهل انو صرف عليها 1000 تمن فانوس الاشاره بتاع المازدا وبصراحه حرام العربيه تباع بتمن اكصدام الميتسوبيشى متزعلش انا بهزر