الديفيل ملهوش اى شكمونيت لازمة غير الصداع و وجع الدماغ
بص بأختصار كده انت عندك الموتور ده اعبره زى قلب الأنسان بياخد دم فيه هواء و غذاء و يطلع دم فيه ثانى اوكسيد كاربون نفس الكلام فى الموتور بياخد خليط فيه بنزين و هواء و يخرج عادم فى اكاسيد كاربون و رصاص
عشان القلب يشتغل افضل بيقولك اتنفس بطريقة افضل و ده بالظبط اللى لازم يحصل فى الموتور لو عاوز ادائه يعلى طيب يتنفس ازاى ياخد هواء بمعدل كافى عن طريق تربو و تنظيم عملية دخول الهواء و يخرج هواء ازاى عن طريق مناخير مناسبة - شكمان يعنى - و لو طالبه معانا اوى نحط فاكيم قبل علبة الشكمان شغلتها ايه ببساطة كده تشفط الهواء يبقى لو عندى تربو و فاكيم بدخل هواء بمعدل اكبر و بشفط هواء بمعدل اكبر صح - لا مش صح - لازم اظبط دخول الهواء بمعدل " كافى " و اخرج هواء بمعدل " كافى " عشان ده يحصل لازم التربو يكون عليه MFS يعنى بالبلدى كده سينسور يقيس الهواء اللى داخل و يعرف الموتور و يكون الشكمان عليه HOS و ده بالبلدى سينسور يقيس الاكسجين المسخن اللى خارج على الشكمان و يفهم الموتور ينظم دورته ازاى
و همسة بسيطة التربو و الفاكيم الصح عمرهم ما يعملو صوت مزعج و لو عاوز تعمل حركات و يكون ليها فايده فى العربية حط ALS او الانتى لاج سيستم او بيتقال عليه بردو ADS انتى ديلاى سيستم و ده بيركب على دورة الانجكشن و بيعالج الديلاى اللى بيحصل مع تربو الموتور القياسى فى نقل الغيارات و لما بيركب بيعمل حركات كويسه على الشكمان تلاقيه بيطلع نار و هادئ و فى ناس بتعمله مواسير من الجنب و اشتغلات و حركات لكن بتأثر بالايجاب فى اداء الموتور
اعمل سيرش بالجملة دية على اليوتيوب و عيش حياتك car anti lag system