تسارع الاكسنت

[accent boy]

المشاركة الأصلية كتبت بواسطة sergeant الا كسنت ادئها في الاوتو قوي بس في المنول صدقوني مفيش 1.6 حتجيبك حتي ال 316 مش حشوف دهرك وعن تجربه

والله العظيم العربيه دى فعلا ناقصلها شاحن تيربو ف حدود كده 8000 ترفع العربيه مثلا ل 180 190 حصان مع موتور زى ده هتلاقيها بتطلع من 0 ل 100 ف خمس ثوانى ان شاء الله انا لابس وش فى التيربو

[sergeant]

المشاركة الأصلية كتبت بواسطة accent boy والله العظيم العربيه دى فعلا ناقصلها شاحن تيربو ف حدود كده 8000 ترفع العربيه مثلا ل 180 190 حصان مع موتور زى ده هتلاقيها بتطلع من 0 ل 100 ف خمس ثوانى ان شاء الله انا لابس وش فى التيربو

اكسنت بوي
بص يا باشا
احب اقلوك انك عشان تركب تربو التكلفه مش حتقل عن 30000 ج مابين التربو بمستلزماتو والكوتش والعفشه وتعديل الفرامل والجنوط وتعديلات المتور والشكمان كامل والفتيس طبعا ودا عشان متورك مبيبوظ لان عربيتك انت بتركبها مش حتعمل بيها ريس وترميها بعد كده لانك ممكن تركب تربو ب 8000 بس دا ممكن يكون على اللوسيز بتاع المتور بس ممكن يزود بتاع 25 % من قدرت المتور بس على حساب عمر الماكينه والفتيس ودا انا من نصحكش بيه
لان الشغل لازم يبقا مظبوط عشان تبقا ضامن عربيتك وتعيش معاك متبوظ وتندم بعد كده وتبقا خرده وهي جديده

[f3lix]

المشاركة الأصلية كتبت بواسطة sergeant اكسنت بوي بص يا باشا احب اقلوك انك عشان تركب تربو التكلفه مش حتقل عن 30000 ج مابين التربو بمستلزماتو والكوتش والعفشه وتعديل الفرامل والجنوط وتعديلات المتور والشكمان كامل والفتيس طبعا ودا عشان متورك مبيبوظ لان عربيتك انت بتركبها مش حتعمل بيها ريس وترميها بعد كده لانك ممكن تركب تربو ب 8000 بس دا ممكن يكون على اللوسيز بتاع المتور بس ممكن يزود بتاع 25 % من قدرت المتور بس على حساب عمر الماكينه والفتيس ودا انا من نصحكش بيه لان الشغل لازم يبقا مظبوط عشان تبقا ضامن عربيتك وتعيش معاك متبوظ وتندم بعد كده وتبقا خرده وهي جديده

اي تيربو بيضاف للموتور بيأثر بالسلب عليه مهما تعمل
بس 30 الف دي كتير اوي
الفكرة ان اسعار التيربو في مصر بتبدا من 4000 جنيه وانت طالع على حسب النوع وفعلا محتاج تعديل عفشة وشدادات وفرامل لكن الاهم ومهما ترفع التكلفة فده بيقلل من العمر الافتراضي للموتور

[sergeant]

المشاركة الأصلية كتبت بواسطة f3lix اي تيربو بيضاف للموتور بيأثر بالسلب عليه مهما تعمل بس 30 الف دي كتير اوي الفكرة ان اسعار التيربو في مصر بتبدا من 4000 جنيه وانت طالع على حسب النوع وفعلا محتاج تعديل عفشة وشدادات وفرامل لكن الاهم ومهما ترفع التكلفة فده بيقلل من العمر الافتراضي للموتور

اولا 30000 مش كتير ثم اني مش بفضل الي مصر افضل يجي استيراد لانو حيبقا كامل من التربو لحد الكوليه مرورا بالرشاشات والمواسير والكمبيوتر والمنول وغيرو ودا لضمان تلافي انهاك المتور والمحافظه على عمرو بس برضو طبيعي انو يأثر بس احنا بحول نقلل التأثير لأقل درجه ممكنه

بس برضو مش المشكله في الفلوس المهم الفنين المدربين والي يقدرو يركبو تربو ويظبطو ويكون تركيب متلافي للأخطاء ودل الي قليلين في مصر والكويسين مصنعيهم غاليه جدا

وبعدين بالنسبه لل 4000 وال 8000 وال 30000 لو حضرتك قريت ردي السابق حتلاقي ان كل تربو وليه اداء وبعدين التربو كيت مش بس التوربينه دا كل مستلزمات التربو حتا تكبير حزان زيت المتور والكولر تبع التربو كيت في التركيب وبعدين هو انا يعني حجيب توربينه وحطها ودور العربيه وأمشي ولا ايه دا حتى القديم لازم تتعدل العربيه كلها اقصد الكربراتير ...

[accent boy]

فعلا لو التيربو بيعمل 30000 كتير جدا طبعا بس لو فعلا زى ما سيرجنت قال انو يتجاب استيراد بحجاتو كلها ويعملو 7000 يبقي ميه ميه ومش مهم يزودك 25 % بس لانك كده هيبقي معاك تقريبا 150 حصان وف عربيه بموتور زى ده اعتقد المجمل العام من حيث القوه هيختلف تماما .