رعب كل مرة احاول اسافر فيها ؟؟؟؟؟؟؟؟؟؟

[amr elsisi 1]

مافيش كلام بعد كلام الاخوة الاعضاء
ولاكن مع تكرار السفر ان شاء الله مع التعود حتتعود
واهم حاجة طالما بتسافر لازم يكون معاك نمر اوناش انقاذ
وربنا يسترها معانا جميعا

[mahranahm]

المشاركة الأصلية كتبت بواسطة amr elsisi 1 مافيش كلام بعد كلام الاخوة الاعضاء ولاكن مع تكرار السفر ان شاء الله مع التعود حتتعود واهم حاجة طالما بتسافر لازم يكون معاك نمر اوناش انقاذ وربنا يسترها معانا جميعا

ربنا ييسر الامر ان شاء الله ولا نحتاج لموضوع الاوناش ده
طيب بالمناسبة بم ان الموضوع اتثار من كذا عضو او اخ فى المنتدى
حد يعرف تكلفة الاوناش دى كام بالظبط لو حصل حاجة لقدر الله

[amr elsisi 1]

علي حسب المسافة طبعا
طبعا انت من الاسكندرية
1:مرة حصلت معاية من الكافوري الي العجمي 150ج
2:ومرة مع اخي من وادي القمر الي سيدي بشر 200ج
بس لازم الفصال الفصال الفصال الفصال
طالما بتخرج برة حدودك لازم يكون معاك رقم ونش
ودي نمرة واحد علي الدولي والصحراوي
01225815383_01223522173
اسمة حمدي الحلواني

[bobo3650]

المشاركة الأصلية كتبت بواسطة فهمى عدم الثقه ( الأعتماديه ) فى السيارة يتولد من كثره أعطالها أو انك تكون حديث العهد بهذه السياره ولم تختبرها فى مواقف صعبه كالسير لمسافات طويله او حموله زايده الخ ................. أنا كان معايا سيارة ريتمو 75 مو 79 ده من حوالى 17 سنه كنت أخاف اسافر بيها وأخاف من الكبارى الضيقة والأنفاق ذات الحارة المروريه الواحده ( كوبرى أمبابه لو تعرفه ) لأنها لو عطلت ها توقف الكوبرى كله وأخاف من الكبارى المعدنيه مثل كوبرى السيده عيشه لأنها مغطاه بمادة لما تبدأ تتاكل بتعمل مشاكل مع العربيات التعبانه فكنت اتنفس الصعداء بمجرد خروجى من النفق او الكوبرى وكذلك الخوف من انى أخد معايا أمى وأختى ومراتى فى العربيه لأن ساعتها الكوتش ها يحك فى المساعد وتشم ريحة شياط والناس فى الطريق تقولك الحق الكوتش بيطلع دخان الحق الرادياتير بيغلى كان ليا معاها حكايات الحمد لله غارت فى داهيه . العربيه اللى معايا دلوقت ربنا يحفظها ليها معايا 17 سنه بأروح بيها أسيوط ومرسى مطروح دايركت بدون توقف وكل ما بتحملها ثباتها بيزيد . فالعربيه ها تفضل خايف منها لغايه ماتحفظها وتعرف مشاكلها أذا كان ممكن حلها كان بها ما كانش أخلص منها وخد بالك الزيرو زيرو ولو كان سيات .اللى مفروض تعمله قبل السفر طبيعى انك بتبص على مستوى سائل التبريد زيت الفرامل ضغط الهواء فى الأطارات بالأضافه الى الصيانه الدوريه اللى مفروض يتغير كل 5000 غيره كالزيوت مثلا واللى يتعمل كل عشر الاف كالفلاتر والبوجيهات يتعمل سير الكاتينه يختلف من 60000 كم تيل الفرامل لما لما يتاكل بالأضافه للحاجات اللى بتظهر مع التشغيل أسطوانه الدبراج غسيل الرادياتير او أستبداله اذا لزم الآمر بعد 15 سنه من الأستعمال ............ البوبينه ........ الألكترونى ........... اما أذا كانت السياره أبلاتين وكوندسر فدولت حكايتهم طويله ممكن العربيه كل أسبوع تعطل لأن المضروب فيهم كتير وأنا أنا أنصح بنظام الأشعال الألكترونى أريح بكتير والله المستعان

استاذ فهمى انا معايا ريتمو موديل 79 بقالها حولى 6 سنين كانت مع والدى واخدتها منه وكل سنه فى ال6 سنين لازم تسافر على الاقل مرتين الساحل او اسكندرية والحمد لله عمرها ما عملت الى حضرتك بتقوله وكمان بحمل عليها شنط السفر + 4 افراد

[epnmasr]

بعد التأكيد على كلام الزملاء الأعزا

أذكرك أخي العزيز بالتوكل على الله دائماً . ولا تنسى دعاء السفر ودعاء ركوب الدابه
ولقد سمعت أن سيدنا أبو هريره قال من قرأ سورة الكافرون ثم الفتح ثم قل هو الله أحد والمعوزتين (أي آخر أربع صور في القرآن بدون صورة تبت يدى أبة لهب) ويسمي الله بعدهم ويحدث له مكروه فليقتص منّي يوم القيامه ( هكذا قال أبو هريره كما سمعت والله أعلم )
وعموماً أؤكد عن أن لا تنسى دعاء السفر ودعاء ركوب الدابه (وَمَنْ يَتَوَكَّلْ عَلَى اللَّهِ فَهُوَ حَسْبُهُ)