المشاركة الأصلية كتبت بواسطة mazen mazen
عايز احجز
واللى عجبنى فيها من تقارير الاستلام الاوليه ان صوت الماتور العالى اختفى عن المانيوال
وتقل الدركسيون قل شويه
ناقص الفتيس يكون مش بينتش (عليها اختلاف ما بين انها طبيعيه وما بين ان اللوجان زياده شويه)
اصل انا ميهمنيش العربيه كام حصان ولا بتجيب 100 فى كام ثانيه ولا الكلام ده
انا بحب اوى الروقان وامشى باشا وميطلعش عيب ينغص عليا عيشتى
وتكون
عفشه ناعمه
تكييف قوى
مفيش عيوب تقفيل زى صوت القزاز اللى بيزن والباب بيزيق
استهلاك بنزين قليل
انا كل مشاويرى فى القاهره شوارع مكسره على عين قط و زحمه وحر وقرف واستهلاك بنزين عالى من الزحمه
|
بص ياباشا، هو كل إللى إنت عايزه موجود في اللوجان، بس متتوقعش إستلاك بنزين قليل من أي عربية أوتو، أي أوتو بتستهلك بنزين أكتر من نفس العربية لو مانوال، والإختيار ليك.
نتشه الفتيس أنا بصراحه مشفتش غير العضو محمد صلاح الدين إﻷي إشتكى منها وتقريبا مشكلته هي إﻷى الكل بيتكلم عليها، أقصد محش تاني قال أنا عندي كده، فغالبا لو كان عنده مشكله فهي مشكله فرديه
ومشاكل التقفيل وعيوب الصناعة دي أرزاق وبقت منتشره في كل الماركات دلوقت ونحمد ربنا إن الوكيل بيطلع محترم في معظم أو كل المشاكل وبيغير المطلوب من غير نقاش ولا مقاوحه وعموما دي حالات معدوده مقارنة بالتوتال.
أتمنى أكون أفدتك مؤقتا، ونصيحة متستسلمش لوسواس العيوب عشان متطلعلكش مهما كان إختيارك، سيبها على الله وإستخير قبل كل شئ.