استلمت الكروز الحمد لله

[abdohtaby]

لو سمحت مش ممكن تصور العربيه من كل مكان معلش وتقولنا انطباعك عليها ايه والمطبات عامله ايه معاك والعربيه كلها عامله ايه والف مبروووووووك:T HUMBS~220:

[ahany]

الف مبروك
وربنا يديلك خيرها ويكفيك شرها

[sherifabden]

المشاركة الأصلية كتبت بواسطة zamOra طب هو منصور أحسن من غيروا .. ولا فيه احسن ولا كلوا تبع بعضوا ولا ايه بالظبط !!!!!

بص منصور وغبور وجهين لعملة واحدة وطبعا كلنا عارفنعم كويس جدا
لكن زي ما قلتلك مع جمعية حقوق المستهلك كل حاجة تمام
بس في توكيلات محترمة جدا زي توكيل كيا ورينو

[محمد فيصل]

1000000 مبروك
حفظك الرحمن ويسر لك طريقك

[shnobly]

المشاركة الأصلية كتبت بواسطة abdohtaby لو سمحت مش ممكن تصور العربيه من كل مكان معلش وتقولنا انطباعك عليها ايه والمطبات عامله ايه معاك والعربيه كلها عامله ايه والف مبروووووووك:T HUMBS~220:

غالي والطلب رخيص يا باشا

ان شاء الله اصورها بكره وهأرفع الصور

بالنسبه لأنطباعي عنها
الى الان مشيت 600 كيلو

1- الشكل الخارجي ممتاز وفعلا تحس بمتانة صاج العربيه بالمقارنه مع الهيونداي والكيا
2- الشكل داخلي مريح للعين والاضاءه بتاعته ممتازه مع توزيع ممتاز لأماكن الزراير بس مفيهاش اماكن كتير تحط فيها حاجاتك (مش لاقي مكان كويس للموبيل )
العزل بتاع العربيه كويس جدا بالنسبه للفئه دي

3- سحب العربيه أوقات احس انه ممتاز وأحيانا احس انها مش راضيه تمشي
بس اعتقد السبب اني مش متعود لسه ع الفتيس الست سرعات
لأن لما بقلب ع الستيب ترونيك العربيه مشاء الله بتسحب طبعا مبدوسش لسه عليها قوي

4- بأمانه ثبات العربيه دي أكبر ميزه فيها
بجد حاجه الماني فعلا لولا بس ان الكروز اللي في مصر من مصنع كوريا مكانش حد قدر يتكلم عنها في حاجه

5- الاستهلاك : خلصت التانك في 500 كيلو

6- المطبات : محكيتش في ولا مطب الى الان (انا طريقى عباره عن مطبات بينها شوية اسفلت )
بس طبعا باخد المطب هادي ومبرزعش العربيه

7- الفرامل : انطباعي الحالي انها قويه واعتقد اي حاجه هتبقى أقوى من النوبيرا
بس لسه مختبرتهاش اختبار حقيقي


9- العفشه كويسه جدا العربيه لا ناعمه زي الالنترا ولا ناشفه زي السيراتو
ماسكه العصايا من النص
بتديك ثبات ونعومه في نفس الوقت

ملحوظه :
الكاوتش مكتوب عليه يتظبط على 39psi for eco
or 32 psi for comfort
انا مخليه على حوالي 34 psi

سؤال :
انا ازاي أفصل صوت الحزام الرخم دا من ال setting؟
هل في امكانيه اني افصل ال Airbag اللي جنب السواق ولا لأ ؟

وشكرا...