نمرة العربية 25 JANUARY

[hazem_khidr]

قله ادب و عالم تموت في الفوضي
و الله حسني مبارك كان عنده حق لما قال ان الشعب غير مؤهل للديموقراطيه
اصل المشكله ان النمره دي بتشوفها علي عربيات من اول السيات لحد الاوكتافيا و المرسيدس
بمعني اوضح جميع المستويات الجتماعيه و الماديه عندها نفس الفكر
بمختلف مستواهم التعليمي
حسبي الله و نعم الوكيل في البلد دي

[mesho70]

الموضوع دة ظهرت بوادرة اثناء الثورة ومع اختفاء المرور
- وكانت الفوضى وعدم احترام الاشارات شىء مستفز جدا ً
- تفضل واقف فالاشارة وتلاقى اغلب الناس بتكسر الاشارة
- والسير عكس الاتجاة ودى مصيبة
- وكثير جدا ً ( الا من رحم ربى )

والله المفروض يطلع قرار ان اي حد مغطي نمر العربية باللوحه بتاعت 25 يناير يتغرم 1500 جنيه زيه زي اللي ماشي عاكسي

[Mohamed Elhasafy]

فعلاً الموضوع منتشر و أنا شفت عربية ميتسوبيشى باجيرو كانت راكنة و السايس بيقشر الإستيكر من على اللوحة الخلفية و تصادف مرور مجند فى الجيش و قال للسايس بتعمل إيه؟ ... قام السايس رد و قاله: يا باشا ... فى ناس ما بتخافش ربنا
أنا كنت معدى من جنبه فى اللحظة دى و هو بيتكلم مع رجل الجيش ... و بعدين أخدت بالى من نوع العربية
بصراحة حاجة تحزن لما تلاقى بلدك بقت كده و ده اللى بيأكد إننا لسه قدامنا شوية كمان علشان نبقى بلد متقدمة

المشاركة الأصلية كتبت بواسطة corsair والله المفروض يطلع قرار ان اي حد مغطي نمر العربية باللوحه بتاعت 25 يناير يتغرم 1500 جنيه زيه زي اللي ماشي عاكسي

فلوس مين يا عم كورسير
اذا كان اساسا اتصدر قرار بمنع اي فلوس تتلم من اي مواطن في المرور تقولي انت 1500 جنيه صباحك قشطه البلد خربت و لله الحمد عشان ناس تعرف بس و تفهم كان قصدنا اي