|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
![]() |
|
أدوات الموضوع |
#11
|
||||
|
||||
![]()
يا جماعة اللهم بلغت اللهم فأشهد
مفيش حد ينزل يوم الجمعة 4/2/2011 لانها هتبقى مجزرة و الى بيشرب مية معدنية دة رغم أنة مركب فلتر يدى الغلبان من الفلوس الى هو من الواضح مش عارف يصرفها فين بدل ما ينزل فى المظاهرة
__________________
|
#12
|
||||
|
||||
![]()
كلنا مع الشباب وربنا يرحم الشهداء الى ضحو باروحهم
بس واخرتها نفضل قاعدين فى ميدان التحرير نائب الرئيس اكد على مطالب الشباب وانو ها ينفزها وضعا المعارضة بما فيهم الاخوان وشباب من مجموعة 25 واحد زى عمر سيلمان عمرو ما هيضحى باسمو ولا تاريخو علشان حرمية الحزب الوطنى الراجل دة صادق هوة واحمد شفيق يبقى ندى فرصة للحوار والميدان مش هايروح بعيد لو الكلام معجبناش اهو موجود متعبش على الناس الى بتقول حلنا وقف الناس دى عندها اولاد ومفيش مرتبات وفى بيوت خربت نحكم صوت العقل لازم يبقى فى حوار البلطجية الى ضربو الناس امبارح دول بلطجية رجال الاعمال الى فى مجلس الشعب ورجالة حبيب العدلى عاوزين يعملو فتنة مهو بعد الخطاب كانت الامور ها تتحل كان قصدهم يخربوها ويحرجو حسنى
__________________
|
#13
|
||||
|
||||
![]()
انا مرحتش ميدان التحرير و كنت من الناس الى بيتابعو الموضوع فى التلفيزيون انا مش عارف اقول ايه للناس الى كانو فى ميدان التحرير غير انهم هما الى عملو للشعب ده كرامه و من غيرهم مكنش الجبل اتحرك من مكانه و الى كان بيفرض ابنه علينا بكل ثقه كأنه حاكم شويه غنم لقا نفسه بيحارب علشان يكمل الكام شهر الى فاضلين
الموقف كان مفاجئ للجميع و كان حضارى بشكل لا يتصور حتى دخل الرعاع من زبانيه النظام عموما انا لسه حالا شايف كلام الشيخ القرضاوى بخصوص الخروج بكره و ده نص الكلام للى يحب يقراه نقلا عن موقع مصراوى كتب - مصطفى مخلوف: قال العلامة الدكتور يوسف القرضاوي أن الرئيس مبارك "بدأ يذبح شعبه"، تعليقًا على المواجهات والمصادمات بين مؤيدي مبارك ومعارضيه في ميدان التحرير الأربعاء. وتسائل رئيس الاتحاد العالمي لعلماء المسلمين: "كيف لمبارك إذا كان يحب هذا الشعب أن يذبحه, وكيف يسلط بعض هذا الشعب على بعض, كما فعل فرعون بقوم موسى عندما جعل أهل الأرض "شيعا يستضعف طائفة منهم". وشدد القرضاوي على دعوته لجميع فئات الشعب المصري إلى الانضمام للمتظاهرين في ميدان التحرير بالقاهرة لتضميد جراح المتظاهرين, وطالب الجيش بالتدخل لحماية الشعب من المهاجمين المندسين, متهمًا مبارك بأنه "بدأ يذبح شعبه". وأشاد القرضاوي - في مداخلة عبر قناة الجزيرة الفضائية- بالشباب المشاركين في المظاهرات على ثباتهم وعدم مغادرتهم أماكن التظاهر, وحثهم على الاستمرار في ذلك, قائلا إنهم "إما أن يعيشوا سعداء كرماء، وإما أن يموتوا شهداء"، كما حث القوى السياسية المصرية على الوقوف صفا واحدا لنصرتهم. وشدد على أنه لا يجوز أن يختلف هؤلاء السياسيين, بل يجب أن يتفقوا معتبرا أن "هؤلاء الشباب هم الحكم، وعلى كل السياسيين أن ينزلوا عند رأيهم، إذ إنهم أصبحوا هم السادة بدمائهم وليس بكلامهم". وأضاف القرضاوي -وهو يخاطب مبارك- "حرام عليك أن تقتل أبناء شعبك", محذرًا إياه من عاقبة الظلم، مطالبًا الهيئات الإسلامية والعربية والدولية بالتدخل لحماية الشعب المصري مما يتعرض له من بغي وظلم. ودعا القرضاوي الخطباء والأئمة والأطباء والصحفيين وغيرهم إلى نصرة الشباب المتظاهرين في مصر, وإلى النزول معهم إلى الشارع يوم الجمعة. وكان القرضاوي قد قال إن المتظاهرين، المطالبين بحقوقهم المشروعة، مواطنين شرفاء كانوا على مستوي عالٍ من الأخلاق ولم يرتكبوا أي خطأ يعاب عليهم، وكان كل همهم الاحتجاج علي المظالم التي تتم منذ سنين طويلة في حقهم، مشيراً إلى أن تلك المظالم ربما كانت خلال السنوات ألأولى من حكم مبارك أقل ظلماً، لكن في السنوات الأخيرة كل شيء زاد عن حده حتى طفح الكيل وبلغ السيل الزبى كما يقول العرب.
__________________
سبحان الله و بحمدة
سبحان الله العظيم |
#14
|
||||
|
||||
![]() انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم .. الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين ومعرفش قرار الحربيه بامكانية انهم يروحوا غير لما راح عند اقارب ليه فى غمره وبيتوسل للتليفزيون انه يوصل التحرير دلوقتى ويبلغ الشباب بالقرار دا فين ناس كتير جدا عايزه تروح وخايفه من امن الدوله بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل وقال انهم قالولهم ان بكره جمعه الوداع .. وداع لمين ؟؟؟ وانهى مكالمته وهو فى حالة اعياء من كتر البكاء بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض _________________________ _________________________ ____ انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب ......... وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى حرب اباده للشباب اللى رفعوا اسم مصر فوق قوى . حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره دمهم هيروح هدر مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم يارب حافظ علينا وعلى بلدنا وابعد عنا اى شر .. اللهم اضرب الظالمين بالظالمين واخرجنا منهم سالمين يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين يارب انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه
|
#15
|
||||
|
||||
![]()
احنا النهاردة : يوم الجمعة 4 فبراير 2011
اخر يوم من ايام الثورة المثقفة المصرية الرافضه للظلم و الاستبداد! لو باقي طبقات المجتمع لم تخف على نفسها او على بلدها فقد بلغ المتظاهرين و عملوا اللي عليهم و الشعب المصري لا يستحق و مبروك عليهم عمر سليمان رمز النزاهة و الديموقراطية و مبروك عليهم احمد شفيق رمز الشفافية و الصراحة انتهى الكلام... فعلا انتهى |
![]() |
|
|