|
#1491
16-11-2010, 08:36 PM
|
||||
|
||||
رد: أدب الرحلات
المقالة ( 7 )
غريب فى بيتى (2) ذهبت مع احد أصدقائى الى الجيزة وسألنى فى الطريق / احنا رايحين فين الجيزة فين فى الجيزة عند السفارة الاسرائيلية وغضب وانتفش وقال / انت مجنون ؟؟؟؟ انا ممعاييش بطاقة متخافش مخافش ازاى ؟؟؟؟ انت هتحبسنا والله ..... لامعايا بطاقة ولا رخصة ولابس شبشب فى رجلى طالما لابس شبشب متخافش انت بتهزر وانا متعفرت وذهبنا الى هناك كنت اريد ان انقل عنوان شركة ورقم تليفونها من على يافطة لها هناك بجوار عمارة السفارة ومن فرط خوفه حين نظر الى اليافطة حفظها وقال/ اطلع بسرعة ان حفظتها أيه ده للدرجة وصلت غربتنا فى بلدنا وللحقيقة حين شاهدت فيلم السفارة فى العمارة اعتقدت انه احدى سخافات عادل امام المشهور بها فى كل افلامه فنحن دولة ذات سيادة على الأقل داخلية يعنى بيننا وبين بعض مهو احنا مش بنتشطر غير على بعض لكن حتى السيادة الداخلية ليست لنا بل لألد اعدائنا على نيلة ايه ؟؟؟ دول 15 مليون متنطورين فى كل بلاد الدنيا واحنا ماشاء الله 80 مليون ملمومين فى مليون كيلو متر مربع متجمعين عند النبى ان شاء الله بس احنا مهلهلين مفككين مهزومين داخليا ونفسيا هم احترمو الانسان عندهم فدانت لهم الدنيا رغم انهم اعداء الحياة والحضارة وكل شىء ولجأو الى افساد حكامنا بالرشوة والأرهاب وكل شىء ولجأ حكامنا الى سياسات القمع احيانا والعصا والجزرة احيانا اخرى وأذكر استاذى فى كلية الحقوق والذى كان يدرس لنا مادة القانون الدستورى الدكتور محمد ميرغنى خيرى فى مقدمة كتابه حين قال ان شعبا من الخراف ....... يخلق حكومة من الذئاب وشعبا من الذئاب .... يخلق دولة من الفوضى لقد لجأ الحكام الى سياسة تمعيز الشعوب أى تحويلهم الى مجموعة من المعيز التى تأكل وتشرب وتمأمأ فقط وراقبو كل شىء حتى الانفاس الخارجة من صدورنا من المحمول الى النت الى الهاتف الارضى الى كل شىء وأذكر هنا قصيدة للشاعر احمد مطر وهو احد المغضوب عليهم والضالين فى امتنا العربية لانه قال رأيه بصراحة وأحيانا بوقاحة (بالنسبة لحكام العرب ) يقول فيها قال لى الطبيب..... خد نفسا فكدت من فرط اختناقى من ألأسى والقهر ....ان أستجيب لكننى خشيت ....ان يلمحنى الرقيب وقال مم تشتكى ....أردت أن اجيب لكن ... خشيت ان يسمعنى الرقيب وعندما حيرته بصمتى وجه ضوءا باهرا لمقلتى حاول رفع هامتى لكننى خفضتها ولذت (فررت الى ) بالنحيب قلت له معذرة ياسيدى اريد ان ارفع رأسى عاليا لكننى أخاف ان يحذفه الرقيب عارف ان كثيرين سيقولون واحنا نعمل ايه هذه روح انهزامية دسوها فينا لكى يبقو على عروشهم وتنتفخ كروشهم ونبقى نحن مهزومين مطحونين وغرباء فى بيتنا ومعدودة علينا انفاسنا ولكن ان غدا لناظره قريب 
|
|
#1492
16-11-2010, 09:11 PM
|
||||
|
||||
رد: أدب الرحلات
بس فعلا كلامك صح احنا بقينا غرباء فى وطننا
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1493
16-11-2010, 11:17 PM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: أدب الرحلات
المقالة (8 )
غريب فى بيتى ( 3) رغم خلافى الرهيب مع الشاعر السورى / نزار قبانى وحكم الأزهر عليه بالزندقة وحكم بعض علماؤنا عليه بالخروج من ملة الأسلام ورفض الناس للصلاة عليه عند موته او دفنه فى مقابر المسلمين الا انى وجدت له هذه القصيدة التى تعبر عن هذا المقال وحال الأمة العربية والقصيدة بعنوان /انا مع الارهاب والقصيدة تقول
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
#1494
17-11-2010, 04:52 AM
|
||||
|
||||
|
رد: أدب الرحلات
أبو موسى وتايسون
فى يوم كنت نايم ومريح فى البيت ...... ورن جرس الموبايل نظرت فى الشاشة فاذا هو أبو موسى ييييييه مش هنخلص وفيها عزومة وانا ببقى راجع من عنده بطنى واجعانى وقررت الا أرد لكن أبو موسى لم يتركنى ..........طلبنى أكتر من 10 مرات وأخيرا رديت نعم بجى (بقى ) م عايزش (مش عايز) ترد عليا ؟؟؟ مين قال كده ؟؟؟؟ طلبتك عشرتاشر مرة (قالها كده) مرديـتـش يمكن كان صامت صامت ازاى ؟؟؟؟؟ خرست التليفون عشان تجيب حجة ؟؟؟؟؟ ياعم نايم ومريح وطبيعى انى اعمله صامت طيب تعالى نتغدى سوا اعمل معروف اعتـقـنى لوجه الله اعتجك (اعتقك ) ليه ياعم هو انتى محبوس عندى ؟؟؟؟ هنـتـغدو يعنى هـنـتـغدو ياعم ارحمنى معرفة ايه اللى تأ خر دى تأخر والا تجدم (تقدم ) هتيجى هتيجى مش النهاردة اومال ميتى (امتى ) ؟؟؟؟ السنة الجاية متهزرش علشان مجيش اخدك بالجوة (بالقوة ) دلوك (دلوقت ) هجى بس مش هنـتـغدى خليها الأسبوع الجاى بالليل طلاج تلاتة بالله العظيم م يحصل هيحصل لانى انا ............. قاطعنى كعادته يمين كبير من بيتى مايحصل ياعم انت ........... قاطعنى طلاج تلاتة بالله العظيم ابدا وتجيب عامود النور اللى اسمه جمال هستناكو الجمعة الجاية طبعا بلغت جمال وجمال فى الأكل ميرفضش طلب ابدااااااااااااا اتصلت بيه جمال الجمعة الجاية انا وانت معزومين على الغدا عند أبو موسى بس انا عندى شغل و......... وانا م صدقت قال الجملة دى وقاطعته انا قلت كده برضه خلاص خليها وقت تانى لكن جمال لحق نفسه بس انا اجلت الشغل والا اقول لك هلغيه خالص يمكن أبو موسى يعزمنا الجمعه اللى وراها ههههههههههههههه ياخرررررررررررررررررراااا ااااااااااااااااااااااااا ااااابى على البطن الحمراء(تعبير صعيدى يدل على الطفاسة) هههههههههههههههههههه ياعم ده بيأكلنا بقيمة 10 بنديرات يبقى هو اولى وتقابلنا يوم الجمعه وذهبنا سويا وما أن رآنا ابو موسى حتى أخدنا بالاحضان الصعيدية التى كسرت ضلوعى كالعادة ثم نظر الى جمال وقال بحزم / ابجى (ابقى ) هات معاك سلم لما تكون جاى لى هو انت غاوى تحرجنى جدام (قدام ) الناس ضحك جمال هههههههههههههههههههههه انت علشان توصل لى عايز سلم 10 متر والعربية م تشيلوش تصدج (تصدق ) انك مش مرباى ( مش متربى ) هههههههههههه ياراجل اسكت انا اهلى تعبو فيا ولو عندهم واحد مش باين من الارض زيك مكانوش تعبو كان كل م يتكلم يدوله بالشبشب واتنرفذ أبو موسى تصدج ياحمار انت انا هوريك ....ودخل يجرى على البيت لكن لحقته ومسكته م انا عارفه هيروح يجيب الزفتة البندقية ومش هنخلص انا / ياعم في أيه انت وهو ........بقى ده هزار ؟؟؟؟؟ أبو موسى / طلاج تلاتة بالله العظيم م انا سايبه انا / ولما انت مش هتسيبه اومال عازمنا ليه ؟؟؟؟واصريت انى اجيبه ليه ؟؟؟؟ اهو جلت (قلت ) يسلينا بدل م نجعد أكده (كده ) جمال / اسليكو ؟؟؟؟؟؟؟؟ هههههههههههههههههههه ابقى اشتريلك كيلو لب ااحسن لك انا / اسكت ياجيمى أبو موسى / سيبه والله انا عنحبه (بحبه ) البغل ده بس مشكلتى انه كل م يشوفنى يفكرنى بجصرى (قصرى/ انه قصير يعنى ) انا / وتوجعولى دماغى انتو الاتنين وشوية والأكل اتحط وكالعادة عامل وليمة تكفى 100 وأراد جمال ان يستفزه الأكل ده قليل كده ليه ؟؟؟؟ ابو موسى / طب طلاج تلاتة بالله العظيم لو رجع منه حاجة لاكون مبندجك (ضاربه بالبندقية ) يادى النيلة مشكلة تانية اهى هو انتو مبتبطلوش؟؟؟؟؟ المهم عدت العزومة بسلام وجلسنا نتفرج على التليفزيون وفوجئنا بمباراة لبطل الملاكمة تايسون وبعد ان طحن منافسه طحنة سودة فوجئت بأبو موسى منهمكا هو وجمال فى متابعة المباراة ثم اعلن المذيع ان المهزوم سيأخذ مبلغ على ما أذكر 3 مليون دولار والفائز 10 مليون دولار أبو موسى / يعنى الحمار اللى انضرب ده هياخد كد (قد / أد ) ايه بالمصرى انا / 10 ونص مليون جنيه (وقتها كان الدولار بــ 3.4 جنيه ) وفتح أبوموسى فمه على آخره يااااااااااااااابوووووووو ووووووووى بجى (بقى ) البغل اللى انضرب ده هياخد 10 ونص مليون ؟؟؟؟ أيوه جمال لأبو موسى / انت عايز الحق؟؟؟؟؟ سهلة جداااااااا جول يافجرى (قول يافقرى ) ازاى؟؟؟؟ انت كمان ممكن تاخدهم كيف ده ؟؟ (ازاى ) تقدم فى السفارة الامريكية هنا وتقول لهم انا عايز الاعب تايسون وتروح هناك تاكل العلقة وتاخد ال 10 مليون هتصرف ربع مليون على العلاج وتحوش الباقى عـتـتـكلم جد ؟؟؟؟ طبعا والسفارة الامريكاوية دى فين ؟؟؟؟ جاردن سيتى فين دى ؟؟؟ بعد ميدان التحرير على طول فى الاول كنت معتقد ان جمال وابو موسى بيهزرو لكن لقيت أبو موسى واخد الموضوع بجد وبيحط خطة ازاى يروح وجمال هيستناه يوم كذا ويوديه السفارة فتدخلت فى الحديث انتو مجانين؟؟؟؟ ........ انت مصدق ال........ قاطعنى ابو موسى بجوللك أيييه ..... مش عايز حكمك (جمع حكمة ) الفاضية دى .....نجطنا (نقطنا ) بسكاتك يابنى ده بيضحك عليك؟؟؟؟ كيف وهو هيروح معايا؟؟؟؟؟؟؟؟ نظرلجمال وقال / طلاج تلاتة بالله العظيم لو ضحكت عليا لاكون مبندجك ومريح نفسى والناس من شرك انا / وايه الشر اللى عند جمال و ناوى تريح الناس منه ؟؟؟ مليكش صالح انت (ملكش دعوة انت ) بعد اسبوعين اتصلت بيا زوجة ابو موسى خير ياام موسى ابو موسى خرج من 10 ايام ومعرفش عنه حاجة وتعبت من كتر التدوير عليه ( البحث عنه ) في بالى / يانها ر أبيض احسن يكون سمع كلام جمال وافقت من سرحانى على صوتها سامعنى يااستاذ خالد ايوه ......حاضر هشوفه لك واغلقت معها السكة واتصلت بجمال فين أبو موسى ؟؟؟؟ انا ايش عرفنى ؟؟؟؟ فتشنى ...فتش ههههههههه بتكلم جد .....فين ابو موسى؟؟؟؟ آخر مرة شفته امتى ؟؟؟؟ لما كنا مع بعض متشتغلنيش ياجيمى .......اخر مرة شفته امتى ؟؟؟؟ ليه ؟؟؟؟هو حصل ايه؟؟؟؟ مختفى من 10 أيام وانا شامم ريحتك فى الموضوع وانا مالى ياعم هو اللى مخه وسخ ااااااااااااااايوه اظهر وبان عليك الأمان .......مخه وسخ ليه ؟؟؟؟ اتلجلج جمال وقال/ انا معرفوش ومشفتوش متعرفوش ؟؟؟؟؟ بتنكر معرفتك بيه ؟؟؟؟ يبقى فيه مصيبة يابن الأيه ؟؟؟ اقوللك بس متجيبش سيرتى؟؟؟ قول طب احلف وحياة أبو زحلف ..... خلص ياجمال .......وهات من الأخر يبقى هتسلمنى ليهم هما مين ؟؟؟؟ أمن الدولة ؟؟؟؟ ليه ؟؟؟؟ شوف شفت فاكر موضوع تايسون آه اهو بعد م مشينا ....اتصل بيا أبو موسى تانى يوم وبعدين ؟؟؟؟ طلب منى اوديه سفارة امريكا علشان يروح يلاعب تايسون ويتغلب وييجى ب 10 ونص مليون جنيه وبعدين وافــقـتـه .... انت عارف مخه الوسخ ويمينه الدوبل ووديته السفارة ؟؟؟؟ لأ وقــفت على ناصية الشارع علشان ممنوع ادخل الشارع وشاورت له عليها وبعدين بصراحة مشيت لانى قلت يااما هيتقبض عليه يبقى اخلع انا ....او هيمشوه يبقى يروح بيتهم فى اى حاجة يانهارك أبيض ياجمال........انت بتستعبط؟؟؟؟؟ انا مالى ياعم.....مش هو اللى عايز كده ؟؟؟؟ وجلست افكر ....السفارة الأمريكية دى مشكلة اصلا فى مجرد الأقتراب منها لكن قلت خليها على الله ..... وذهبت الى هناك وحين حاولت الأقتراب فجأنى شخص لابس ملكى وفهمت انه مباحث عايز ايه يااستاذ ؟؟؟؟؟؟؟؟؟ ابدا ........ليا واحد قريبى صعيدى جه هنا من 10 ايام عايز يسافر امريكا بتاع تايسون ؟؟؟؟؟ بلعت ريقى /ايوه هو ده مجنون عايز يلاعب تايسون ويتغلب منه معلش ياباشا ......وهو فين دلوقت ؟؟؟؟ فى قسم عابدين (على ما اعتقد ) جريت على قسم عابدين قابلت الضابط النوبتجى فى واحد صعيدى هنا جاى من السفارة الامريكية ؟؟؟؟ بتاع تايسون ؟؟؟؟ آه حولناه للنيابة ....واخد حكم شهر حبس وهو فين دلوقت ؟؟؟؟ فى التخشيبة وهيا فين دى ؟؟؟ نظر اليا باستخفاف وكأنى حبسجى قديم وقال / فى حد ميعرفش التخشيبة فين ؟؟؟؟ معلش ياباشا فى القلعة آخر شارع محمد على اللى أوله فى ميدان العتبة ؟؟؟؟ أه وذهبت الى هناك وواضح انه كان مشهورا فبمجرد السؤال عنه انطلق الضحك عاليا ثم دخلت اليه فى الحجز نادى عليه الظابط انت يازفت يابتاع تايسون صوت ابو موسى / نعم زيارة مين؟؟ راجل شكله طيب وأشك انه يعرفك اصلا خرج ابو موسى متبهدل وتعبان وخاسس لكن لسانه زى ماهو فين الحمار جمال ؟؟؟ ياعم انت ف ايه والا ف ايه ؟؟؟ سيبك من جمال .... ايه اللى حصل؟؟؟؟؟ روحت السفارة الامريكاوية وبعدين جلت لهم عايز اجابل السفيرالامريكاوى وبعدين سألونى ليه ؟؟؟ جلت عايز الاعب تايسون هههههههههه وبعدين الظابط اللى هناك ضحك نفس الضحكة وجال (قال ) امشى ياراجل يامجنون من هنا وبعدين معجبتنيش الشتومة ولا الطرد رحت شتمته وهزجته يانهارك ابيض علشان كده اخدت شهر حبس ؟؟ أيوه طيب عايز أيه اجيبهولك معايا الزيارة الجاية ؟؟؟؟ عايز غيارات ...وشوية أكل حاضر وفعلا تانى يوم احضرت له ملابس واكل يكفى اسبوع كامل بعدها بيومين ذهبت لزيارته فوجدت ان الاكل قد نفد بالكامل وديت الأكل فين ؟؟؟ عزمت الحجز كله وخلص من امبارح من امبارح كمان ماشى انتو كام واحد جوه تجريبا (تقريبا ) 15 ماشى وبقيت اجيب اكل يكفى 15 لمد 3 ايام وبلغت جمال وقلت له واجب تزوره فى الأول تردد ثم وافق وقال / ماشى ولكن ونحن امام التخشيبة ربنا الهمنى بفكرة استنى ياجمال حاضر ودخلت لابو موسى جمال بره وعايز يزورك طلاج تلاتة بالله العظيم لو شفته لاجتله (هقـتـله ) واغور فيه فى داهية والشهر هـيـبـجى 10 سنين ياراجل ميبقاش قلبك اسود كده ..............عيب ده كان بيهزر معاك ابدا خلاص بلاش منه جمال واستمريت على هذا الحال ....حتى خرج ووصلته البيت وتركته ومشيت واتصلت بجمال عايزك خير لازم تعتذر لابو موسى لانه زعلان جداااااااا ياعم ده لو شافنى هيضربنى بالنار متخافش وذهبنا فجأة الى ابو موسى بدون ان يعرف اننا قادمين لزيارته ورنيت جرس الباب ...... ثم ناديت عليه بأعلى صوتى لانه بيت ريفى كبير ياأبو موسى ى ى ى ى ى ى خرج وما ان رأى جمال .......حتى دخل الى البيت جرى وبسرعة وفهمت وجريت وراه ولحقته والبندقية فى يده ياراجل عيب هتعمل ايه ؟؟؟؟؟ لازم ابندجه (اضربه بالبندقية ) ياراجل عيب ده ضيف عندك مهو خلانى ضيف على الداخلية شهر كامل هو جاى يعتذر ابدا واتـزفـلـط منى وجرى على جمال الغريبة ان جمال متفهموش من الخوف والا ايه ؟؟؟تسمر فى مكانه ولم يتحرك وابو موسى جرى عليه وصوب بندقيته الى صدر جمال وانا لم الحقه ثم اطلق الناااااااااااااار ووقع جمال على الأرض هنا اغمضت عينى فالموقف بشع ثم فتحتها على صوت اأبو موسى يضحك بهستيريا ويقول / آه ياجبان ولما انت مش كد (قد / اد ) الحركات بتعمل مجالب (مقالب ) فى الناس ليه ؟؟؟؟ سألته / أيه اللى حصل ؟؟؟ قال أبو موسى / طلجت (ضربت ) النار فى الهواء وجمال من الخوف أغمى عليه وحاول ابو موسى افاقته لم يقم جمال يادى النيلة هيا هتقلب بجد والا ايه ؟؟؟ قوم ياجمال ؟؟؟ مفيش اى حركة .... مش بيتحرك خالص انت قتلته ياابو موسى؟؟؟ ياعم والله انا ضربت الفرد (الطلقة ) فى الهوا تبقى سكتة قلبية سكتة جلبية كيف يعنى ؟؟؟ بعصبية / يعنى هو مات وانت اتحبست وانا استريحت منكو انتو ال 2 والله زهقـتـونى ف عيشتى ثم قام جمال يضحك بهستيريا ههههههههههههههههههههههه عليك وااااااحد هههههههههههههههه وانا اتغـظت وكظمت غيظى لانى عارف غباء ابو موسى ومخه الصغير ثم جرى عليه ابو موسى وسحب البندقية مرة تانية والله ياحمار ياجاموسة انت م تجعد فيها تانى جمال / هيا مين دى ؟؟؟؟ الدنيا ياعم اسكت بقى وحضر لنا غدا يخرب عقلك ياجمال ....فى عز الجو المكهرب ده وبتقول له على غدا ؟؟؟؟ الغريبة ان ابو موسى وافق وقال / ماشى نأجل وفاتك لبعد الغدا انا / يييييييييييييييييه مش هنمشى النهاردة وفعلا تم تجهيز الغدا فى خلال حوالى 3 ساعات..... وكالعادة وليمة ضخمة اكلنا منها حتى نمنا على الارض جمال بسبب طفاسته وانا بسبب ايمانات ابو موسى الدوبل على كل لقمة تفتكرو ابو موسى لو وافقت السفارة انه يسافر يلاعب تايسون كان هيرجع حى اصلا بعد مباراته مع تايسون ؟؟؟؟؟؟؟؟؟ ههههههههههههههههههههههههه هههههههههه التعديل الأخير تم بواسطة خالدخليفة ; 17-11-2010 الساعة 05:39 AM
|
|
#1495
17-11-2010, 09:51 AM
|
||||
|
||||
|
رد: أدب الرحلات
اسمحلى حضرتك اولا احييك على الموضوع الاكثر من رائع ده واللى استفدت منه كتير جدا .. واللى اثبتلى ان حضرتك شخصية لذيذة جدا ومحترمة ..
وانا بقالى اكتر من شهر متابع الموضوع وبقرأ فيه ومستنى لما اخلصه كله وابدأ النقاش عليه ..
اسمحلى حضرتك بس اصحح لحضرتك المعلومة دى .. كلمة بورسعيد او port said هى كلمة مركبة عبارة عن كلمتين (بورت او port ) بمعنى ميناء بالانجليزية و (سعيد said ) وهو حاكم مصر وقت بداياتها التاريخية .. ويرجع اصل التسمية الى اللجنة التى تكونت من انجلترا و فرنسا و روسيا و النمسا و اسبانيا و بيدمونت حيث قررت هذه اللجنة فى الأجتماع الذى عقد عام 1855 أختيار اسم ( بورسعيد ) على الثغر المقترح انشاؤه فى شمال القناة و ذلك تيمنا بالوالى ( محمد سعيد ) باشا والى مصر أنذاك و الذى أعطى فرديناند ديلسيبس حق امتياز حفر القناة وو صل ديليسبس الى الموقع الذى اقتنع بصلاحيته ليكون مدخل القناة و كان معه مرافقوه من الفنيين و مائة و خمسون من البحارة و العمال و فى صباح 25 أبريل 1859 رفع العلم المصرى على الموقع (وكان ذلك فى عهد محمد سعيد وليس اسماعيل) و القى ديليسبس كلمة وسط العمال و الفنيين من الأجانب و المصريين و بد أت أعمال الحفر 00 وده هو اصل التسمية المنطقى لمدينة بورسعيد .. لكن حكاية الفلاح الذى استصلح الاراضى البور دى غير صحيحة بالمرة ... واشكرك مرة ثانية على الموضوع القيم شكرا لا تستطيع الكلمات ان تعبير عنه ... ولى مداخلات حين انتهى من الموضوع باذن الله ..
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
 |
|
|
