ارشيف احداث عام 2009

[Kossama]

أظن الهدف إن ماحدش يبقى فاهم حاجة
وأهو يشغلوا الناس شوية عن البلاوى الحقيقية

[Dr. Bolbolan]

والله حاجه تضحك ! اذا كان هيئة الكهرباء ليس معها ميزانيه لحراسة المكان !

أمال ح يبنوا المشروع النووى ازاى و منين ؟؟ الا اذا كان معمول من نوى التمر أو المشمش !

و سلموا لى على توشكا أو أنوشكا موش فارقه !

ح تودينا فى داهيه يابو يوسف ! ptmnlo123per1147

Dr. Bolbolan

[salahabdelnabi]

يادكتور بالطريقة بتاعتهم دى البلد كلها ها تروح فى داهية ptmnlo123per1135

[wawoo]

دماء و قتل و عنف و همجية .

هذا هو فيلم ابراهيم "الابيض" الذيى شاهد معظمكم اعلاناتة على الشاشات الصغيرة و دخل الفيلم
البعض الاخر .

انا عاوز اعرف بس هو فين الابيض دة فى فيلم كلة دماء حمراء و قتلو ذبح فى كتير من مشاهدة.

صناع الفيلم يتفاخرون انهم تمكنو و لاول مرة بالسينما المصرية , بتصوير مشاهد المعارك بشكل طبيعى و ان الدماء ستكون صادقة جدا , و تم الاستعانة بخبراء اجانب لاظهار الدماء طبيعية و القتل حقيقى قدر الامكان .

انا الحقيقة مش عارف هو اية الهدف من كل هذا العنف , و مين يدفع فلوس من جيبة الخاص عشان يدخل يتفرج على كل هذة الدماء و كل هذا العنف .

صحيح ان هناك عشوائيات و هناك عنف موجود فى بعض المناطق , لكن ما هى المتعة فى اظهار هذة التشوهات على شاشة السينما .

شوفو الخبر دة :

طالب يقلد "إبراهيم الأبيض" و يقتل "نقاشا" في البساتين قررت نيابة البساتين حبس الطالب المتهم بقتل صديقه النقاش، حيث أفادت تحقيقات وتحريات المباحث العامة أن المتهم أشهر سلاحا أبيض ، وراح يهدد المارة به فى الشارع، بعد أن حلق شعر رأسه تماما مقلدا شخصية "إبراهيم الأبيض" فى الفيلم السينمائى الذي يلعب بطولته النجم أحمد السقا ، وعندما تدخل الضحية لمنعه سدد له طعنات، نقل على إثرها إلى مستشفى قصر العينى ولفظ أنفاسه.
وجرت التحقيقات بإشراف المستشار ممدوح وحيد المحامى العام بالإنابة وتقرر انتداب الطب الشرعى لتشريح الجثة وبيان سبب الوفاة، وحبس المتهم ٤ أيام على ذمة التحقيقات.


ادى نتيجة مباشرة لثقافة العنف اللى زادت بسبب الفيلم مش العكس , ارجو بس ان صناع السينما يفكرو و لو لدقائق قبل ما يوفقو على انتاج اى فيلم بهذا العنف .

[AbOnOrA]

اتفق معاك تماماً وللاسف ديه مشكلة عامة وظاهرة فى افلام كتير كلها تتبارى فى عرض السلبيات بابشع صورها ... فقط !!!