|
#1451
13-11-2010, 07:49 PM
|
||||
|
||||
رد: أدب الرحلات
أبو موسـى
شخصية لذيذة ظريفة صعيدى جدع لكن كالعادة به عنطزة الصعايدة او هنقول كبرياء الصعايدة (علشان قرايبى هنا ميزعلوش بس ) شكاااااااااااااااااااااك بطريقة بشعة نسااااااااااااااااااااااا اااى بطريقة ابشع قصير وذكى جدا لكنه لايعطيك فرصة للكلام (مستفز ) يسألك السؤال وحينما تبدأ فى الاجابة وبعد كلمتين بالعدد يقفز عليك فى الكلام ويرد على نفسه حين تراه تحس نفسك امام المطرب الصعيدى الوحيد فى تاريخ الاغنية عمر الجيزاوى وكان هذا المطرب دائما يأتى مع فرقة الصعايدة بتوع الرحيمية جبلى (قبلى / بتوع تتصرف كيف ياعبد الرحيم ) وكنت مسافرا الى اسيوط وقابلته فى القطار جاء حجز كرسيه بجوارى بعد محطة الجيزة لازلت صامتا أبو موسى بلهجة صعيدى / ازيك ياأستاذ انا / اهلا بيك يا أخى أخى دى بيجولوها بتوع الجماعات لبعض انت تبع جماعة ايه؟؟؟؟؟؟؟؟؟ ضحكت / هههههههههههه تبع جماعتنا باهتمام / وجماعتكم دول اسمهم ايه ؟؟؟؟؟ جماعة خليفة بتفكير وهرش فى دماغه / دى جماعة جديدة اول مرة اسمع عنهم ياعم دى قديمة من اكتر من 450 سنة وهما فى مصر كيف ده ؟؟؟؟؟ وانا معرفهومش ؟؟؟؟؟؟؟؟ بهزار / علشان سمعك تقيل بس هههههههههههههه بسخرية / م انت حلو وعتهزر اهو اومال جاعد من بدرى م عتجولش ولاكلمة ليه زى م تكون راكب وحدك وهقول ايه ؟؟؟؟؟ بغضب / جول اى حاجة بدل م انت جاعد زى الكرسى اللى انت جاعد عليه كظمت غيظى / ماشى ياعم......... متشكرين انكسف ابو موسى وأحس بالاحراج وقال بلهجة صعيدى / يا اخى احرجتنى ياأخى طب رد عليا متسيبنيش أكده انا / عايزنا نتخانق و........ قاطعنى محدش يجدر يتخانج معاى ماشى ياعم البطل بس انت فارد صدرك علينا وانت كلك على بعض متجيبش 150 سم طول ههههههههههههههههههههه متجولش 150 سم بابتسامة لاتخلو من سخرية /اومال كام ؟؟؟؟ نقول 160 لا 163 ههههههههههههههه ماشى ياعم انا حبيتك يااستاذ والله .........انت منين ؟؟؟؟؟؟؟؟ من اسيوط خبط كفا على كف وقا ل / يادى الفجر (الفـقـر ) الأزلى خير ياعم فى حا............. قاطعنى يا اخى ان كل م اجابل واحد من اسيوط يطلع جدع اومال أيه السمعة دى اللى طالعة عليكو دى؟؟؟؟؟؟؟ هههههههههههه مش انت قلت سمعة؟؟؟؟؟؟؟ يبقى ............ قاطعنى ايوه جلت (قلت ) سمعة اومال انا هجيب الكلام ده منين ؟؟؟؟ هــأ لف من عندى ؟؟؟ ياعم مش قصدى انا أقصد ........... قاطعنى ياعم والا تجصد يعنى احنا هنناسبوك(هنناسبك / هنبقى نسايب يعنى ) بدأ صبرى ينفد فشخطت فيه / ياعم خلينى اقول جملة واحدة مفيدة انت عتزعج (بتزعق )فيا طيب طلاج تلاتة بالله العظيم ......... قاطعته استنى دول يمينين فى بعض مش يمين واحد جبت التوليفة دى منين؟؟؟؟؟؟؟؟؟؟؟ انت عتتمجلت (بتتريق ) عليا؟؟؟؟؟؟؟ وبعدين ازاى تجاطعنى فى الكلام؟؟؟؟؟؟؟؟؟ ياعم م انت بتقاطعنى من الصبح هو انا شفتك الصبح ؟؟؟؟؟؟؟؟؟؟؟؟ احسست بالصداع من هذا النقاش العـقـيـم سكـتـت وبعد 5 دقايق ساكت ليه يااستاذ احسست بدخان طالع من نافوخى فقلت / والله مفيش كلام اقوله ليه هو الكلام عيخلص (بيخلص ) يادى السفرية الطين ياعم سيبنى ف حالى واسيبك ليه وانت جاعد جنبى هههههههههههههههههه ضحكت وقلت / ماشى ياعم........ تشرب شاى؟؟؟؟؟؟؟؟ لا........ نيسكافييـيـيـيـيـيـيـييـي ـيـيـييــه (قالها ممدودة هكذا ) هههههههههههههه كمان ؟؟؟؟ صعيدى وبتشرب نيسكافيه ؟؟؟؟؟؟ ليه وهو النيسكافيه لبتوع مصر بس والا ايه ؟؟؟؟ طيب م تزعلش .........انا............. .. قاطعنى مش زعلان بس انت استفسيتنى (استفزيتنى ) اسمها استفزيتنى بغضب /انت هتعلمنى العربى والا ايه ؟؟؟؟ لاااااااااااااا دى الصعايدة عرب وهم ابو اللغة العربية كلها احسست بصداع طلبت الشاى والنيسكافيه اثناء شرب الشاى ابو موسى / م اتشرفتش باسم حضرتك خالد اهلا بيك وانا ابو موسى اهلا بيك نورتنا منورة بيك وساعة الحساب قلت لعامل البوفيه / كام الحساب ؟؟؟ ابو موسى / عليا الطلاج م حد يدفع غيرى انت مجنون والا ايه ؟؟؟؟تعزمنى فى بلدنا؟؟؟ ده واجب علينا وبعدين فى الراجل ده اللى نص كلامه حلو ونصه التانى عايز ضرب النار عليه انا / ياعم عيب م يصحش ثم فين بلدكو دى احنا فى القطر لا..... احنا دخلنا مغاغة و..دى اول مراكز بلدنا (المنيا) تبجى انت عندنا ثم أكمل كلامه عيب عليك انت و....زقنى وقعنى على الراكب اللى فى الكرسى اللى جنبنا وقمت لاعتذر له ...ونظرت اليه فوجدته فطسااااااااااااان على روحه من الضحك على هذا الرجل الكريم جدا المدب فى كلامه وقمة صبرى عليه تحس لوريل وهاردى او توم وجيرى مثلا وبعدها بشوية متشكرين ياابو موسى على ايه ياراجل ده انت نورتنا والله منورة بيك........ والله انا ....... قاطعنى ده انت اهل النور كله لازم تزورنى ان شاء الله انا جاعد فى الجيزة عينى ياابو موسى ده انت ............ قاطعنى ربنا يخليك ياباشا انا بشتغل فى تجارة الأراضى الزراعية على طريج (طريق ) الصعيد (وقتها كنت اعمل فى تجارة العطور وتصنيعها ) وانا صاحب مصنع عطور تشرفنا ... ومصنعك فين ؟؟؟ الله يكرمك ... فى اكتوبر (وتعلمت اختصار الكلام لانى مبقولش جملة على بعضها) فى اكتوبر ازاى ؟؟؟؟؟اكتوبر كبيرة المنطقة الصناعية واتنرفذ أبو موسى ياراجل انت عايز تنجطنى (تـنـقـطـنـى ) بالكلام بتاعك ده عايز ايه بس ؟؟؟؟ يعنى لو نزلت اكتوبر ...اول م ازعج واجول ياخالد يابتاع العطور هلاجيك (هلاقيك) ؟؟؟؟؟ طبعا...... بس انزل انت اكتوبر واعمل كده هتلاقي مليون واحد يوصلوك ليه يابوى عضو مجلس الشعب ؟؟؟؟والا ممثل ؟؟؟ والا لعيب كورة؟؟؟؟؟؟؟؟ انا اجدع منهم بمجاملة / طبعا.... انت احسن منهم كلتهم (كلهم ) ربنا يخليك واخيراااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااا وصلنا محطة المنيا وتنفست الصعداء أخيرا سأتخلص من ابو موسى ولكنه ابى ان تنتهى الرحلة هكذا فضل يرغى حتى بدأ القطار فى التحرك الى اسيوط متنساش تزورنى انا جاعد فى حتة اسمها حدائق الاهرام فى ضهر اكتوبر ماشى خد تليفونى اهو وكتب تليفونه واداه لى (اعطاه لى ) ثم شخط فيا فين تليفونك اعطيته كارت من كروتى الشخصية متشكرين يااستاذ خالد هتوحشنى والله وانت كمان ..... الحق انزل ..... القطار اتحرك ..... ولايهمك ..... متخافش .....اخوك متين وقفز من القطار وانقلب على الأرض ولكن وهو على الارض شاور لى بأيده وهو يقول / مع السلااااااااااااااامة توصل بالسلامة وضحكت كثيرا عليه لكن حمدت الله انى تخلصت منه ولـــــــــــــــــــــــ ـــــــــــــــــــــــــ ــــــــــــكن قابلته بعد ذلك كثيرا وكانت معه مشاكل أسوأ من جمال ههههههههههههههههههههههههه ههههههههههه التعديل الأخير تم بواسطة خالدخليفة ; 13-11-2010 الساعة 08:05 PM 
|
|
#1452
13-11-2010, 08:18 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1453
13-11-2010, 08:56 PM
|
||||
|
||||
|
رد: أدب الرحلات
عزومة بالأكراه
وفى يوم جائنى اتصال تليفونى على الموبايل ووجدته ابو موسى وللحق قلت فى نفسى / ييييه مش هنخلص النهاردة وكنت أنوى عدم الرد .....لكنها ليست عادتى رديت عليه باستعباط / اهلا وسهلا ....مين يافندم ابو موسى / مين ؟؟؟ ع تجول مين ؟؟؟؟ اجرى غور انده سيدك خالد بيه ضحكت وكتمت ضحكى وقلت / هو مشغول دلوقت لما يخلص شغل نقول له مين حضرتك ؟؟؟ جول له يسيب اللى فى أيده ويكلمنى وجول له عيب عليك اتلوم ( تعبير صعيدى معناه لوم نفسك ) كدت ان انفجر من الضحك وكتمت ضحكى وقلت / مينفعش طبعا بعد اذنك اتصل بيه وقت تانى بتهديد / والله لو م كلمنى م انا طالبه تانى فى بالى / طب وأيه يعنى ثم استدركت وقلت / ياعم انت لسه معرفـتـنـيـش ؟؟؟؟؟ انا خالد والله انا جلت أكده من الأول بس خفت يكون السكرتير بتاعك .......انت كلفتنا دجيجتين والدجيجة ب175 جرش (وقتها ) وهحاسبك عليهم ماشى انت تؤمر ...هو .... قاطعنى م يؤمرش عليك ظالم .....أسمع نعم انت معزوم عندى على الغدا بكرة بكرة مش هقدر هتيجى غصب عنك هيا عافية ؟؟؟؟ أه عافية ولو مشغول تسيب اللى ف ايدك وهو فيه حد احسن منى ؟؟؟ ههههههههههههههههههه لأ طبعا يبجى تيجى ماشى.... أجيلك فين ؟؟؟ حدايج(حدائق ) الأهرام هتنسى والا ايه ؟؟؟؟؟ لا مش ناسى بس انزل هناك واعمل ايه ؟؟؟؟ جول ابو موسى وهما يوصلوك........ هههههههههههه مش انت مشهور فى اكتوبر ؟؟؟ وانا مشهور هنا ماشى ياعم واخدت العنوان وروحت البيت واخد قطعة ارض هناك وبانيها كفيلا صغيرة ولكن من الداخل تحس انك فى بيت من بيوت الصعيد لايختلف كثيرا وللحق الراجل مكلف نفسه وعامل وليمة ضخمة ايه ده كله ياعم... ليه التكاليف دى؟؟؟؟ بزعيق / ياراجل اسكت ...هو انا هيجينى اعز منك ؟؟؟؟؟؟ ربنا يكرمك وحين بدأت فى الأكل م عتاكلش ليه ؟؟؟؟ هو انا لسه ابتديت طب ابتدى حاضر وبدأت فى الأكل وحين شبعت قمت وقلت / الحمد لله .... شكرا ياابو موسى.... ودعوت له وقلت / اللهم أطعم من أطعمنا واسقى من سقانا ....أكل طعامكم الأبرار وصلت عليكم الملائكة الاخيار وذكركم الله فيمن عنده وأفطر عندكم الصائمون أبو موسى / رايح فين ؟؟؟ و أيه خطبة الجمعة دى؟؟ كمل أكل الحمد لله والله لايمكن لازم تاكل البطاية (البطة ) دى مش قادر مش جادر كيف ؟؟؟ هو انت كلت ....عليا الطلاج قاطعته خلاص .....هات البطة ........واكلت منها ورك وتركتها والله اللى ياكلها غيرك يطفحها ايه ياعم .........انت كده بتعلـفـنى ..مش بتأكلنى اعلــفك كيف هو انت جاموسة لامؤاخذة فى بالى / هو انت خليت فيها لامؤاخذة المهم قمت وانا عندى احساس ان بطنى تسير امامى ونفسى مكروش وعرق غزير نازل أبوموسى / أيه ده يابوى ؟؟؟؟؟؟؟ انت كنت عتحارب (بتحارب ) والا ايييه؟؟؟ شورتك المهببة ولايهمك الشاى هينزل كل ده ازاى بقى ؟؟؟؟ هو الشاى بتاعكو بيجيب اسهال ؟؟؟؟؟؟؟ ههههههههههه تصدج (تصدق )لذيذ انت والله .....ابجى سيب لنا نكتــتين جبل(قبل ) م تمشى علشان م نبطلوش ضحك وأكمل كلامه تعرف .... والله ياشيخ لو اعرف انك مسلى اكده مكنتش اشتريت ربع الكيلو اللب ووفرت فلوسه هههههههههههههههههههههه المهم دخلت غسلت ايدى وجلسنا نتحدث وجاء الشاى انا / الشاى ده خفيف ....هات معلقة ونص كمان ليه يابوى ....انت اكده واجع (واقع ) علينا بخسارة خسارة فى معلقة الشاى ايوه يابوى ونظرا لانى عارفه يحب الهزار ولكن بيدب الكلام ف مكنتش بزعل منه ولكن فجأة دخل أحد ابناؤه ابو موسى / عايز ايه ياد يابن ........ انا / ايه ده ياعم ..... هو لسه عمل حاجة بزهو / م يجدرش يعمل اى حاجة ياعم وهو انا ........ قاطعنى اسكت اما نشوفه عايز ايه طلب الولد جنيه ليشترى به كيس شيبسى ابو موسى / كيس الشيبسى بربع جنيه (وقتها )عايز باجى (باقى ) الجنيه ليه جر(أقـر )واعترف الولد / معلش يابا انا / ياعم سيبه ....خد يابنى جنيه اهو و..... قاطعنى انت عتشجع (بتشجع ) الواد انه يكسر كلامى ؟؟؟؟؟ ياعم متحسبهاش كده بلهجة صارمة / بجول لك ايه ؟؟؟؟ تيجى اهنه (هنا ) متلخبطش نظام البيت فاهم والا لأ ؟؟؟؟؟ فقلت / حقك عليا .... انا ماشى انت زعلت والا ايييه ؟؟؟؟يااخى م انت عارفنى مش زييييك (زيك) م عنديش صنعة الكلام ماشى ياعم ولكنه طول الوقت يقوم ويجلس ثم يقوم ويجلس ويقاطعنى فى كلامى حتى زهقت لانى لم اتم ولاجملة مفيدة وكلما حاولت الأستئذان يقسم بأغلظ الأيمان م انا ماشى ويتحدث بطريقة تحسسك كأنك واقف امام ظابط مباحث وانا ارد عليه ثم زهقت وقلت / هو انت شاكك فيا ياعم لا انا طريجتى اكده طريقة ايه دى بس ؟؟؟؟ ثم نسى انه قابلنى فى القطار وقال / اتسدج (تصدق ) ياراجل والله ايام زمان دى كانت ايام جميلة صح ازاى يعنى فاكر لما كنا عنلعب سوا جدام البيت فى البلد فى المنيا وامك الله يرحمها كانت تيجى تضربنى اولا / امى لسه عايشة (وقتها / رحمة الله عليها ) ثانيا /..... قاطعنى عايشة كيف وانا دفنتها بأيدى يادى النيلة ...... ياعم دى واحدة تانية ؟؟؟؟ ليييه ؟؟؟ هو انت ليك كام أم ؟؟؟؟ بغيظ /واحدة بس وماتت ودفنتها بأيدى ياعم مش دى ثم انا مش من بلدكو خالص اومال انت منين من أسيوط باستغراب / كيف ده؟؟؟ ....انا معرفش حد من اسيوط ياعم انت قابلتنى فى القطار أأأأأأأأأأأأأأأأأه ه ه خااااااااااااااالد بتاع الريحة ايوه ياعم بتاع الريحة حمدا لله على السلامة ايه ياعم هو انا جاى من الحجاز هو انت تطول تحج ؟؟؟ اوعدنا يارب اللهم آمين وفييييييييين على م عرفت اخلع منه تحس انى كنت أسير مش معزوم على الغدا ماشى من بيتنا الساعة 11 صباحا وطبعا رايح بالمواصلات لان م كانش فيه عربية وقتها واخدت حوالى 3 ساعات فى السكة ومشيت من عنده 11 بالليل بالعافية وهو مصر انى لازم اقعد كمان شوية وبعدها نمت عيان لمدة يومين بسبب الأكل الكتير اللى أصر انى أكله ههههههههههههههههههههههه
|
|
#1454
13-11-2010, 10:09 PM
|
||||
|
||||
|
رد: أدب الرحلات
أبو موسى وجمال
فى يوم استعدينا للسفر انا وجمال وركبنا التاكسى بتاعه وطلعنا على الصعيد ومتفهمش ازاى أبو موسى شم ريحتنا اتصل بيا على الموبايل انت فين يا أستاذ خالد انا عند نادى الرماية كده يـبــجـى نتغدى سوا ياعم انا طالع شغل خلاص يبجى نشرب الشاى سوا مينفعش ..... اصل انا........ قاطعنى مفيش أصل ولافصل عليا الطلاج تلاتة بالله العظيم ......... قاطعته خلاص ياعم جاى بس هشرب الشاى بس علشان ..... قاطعنى ماشى بس تعالى انت بس وقلت لجمال / خش بينا على حدائق الاهرام وضحك جمال ههههههههههه انت رايح عند الست التانية وقلت له / انت عارف كويس ان مفيش تانية يمكن عملتها من ورايا ياعم بطل هزار وقلت فى نفسى / سبحان الله من أبو موسى لجمال ياقلبى لاتحزن ودخلنا على ابو موسى وشافنى وهيص اهلاااااااااااااااااااااا اااااااا ازيك يااستاذ خالد وسلم عليا بكف جااااامد طرقع جامد خلى ايدى بقت حمراااا وجمال واقف يتفرج المهم بعد السلامات والتحيات التفت ابو موسى الى جمال وقال / مين الجدع الطويل جوى (قوى / اوى ) ده (جمال كان طويل جدا وابو موسى كان قصيرا جدا وتخيلو ال2 جنب بعض ) وضحكت وقلت / هو مش طويل اوى بس انت قصير شوية وهو طويل شوية بحزم / انا مش جصير (قصير ) جمال / ده انت ياراجل مش باين من الارض ....ده انا خايف اتحرك من مكانى ادوس عليك ..... وتانى مرة متقفش جنب الحيطة ....احسن يفتكروك برص ويضربوك بالشبشب ............ههههههههههههه هههههه يخرب عقلك ياجمال تخش فى الراجل شمال وانت متعرفوش؟؟؟؟؟؟؟؟ وتكهرب الجو وغضب أبو موسى ودخل يجرى الى بيته وعاد ومعه بندقية انا هموتك دلوك(دلوقت) ع تتمجلت (بتتريق ) عليا ياللى لو وجفت شوية ممكن تخبطك طيارة .......ياللى أطول من نخلة مرات أبويا بشوية انا ضاحكا / اشمعنى نخلة مرات أبوك اصلها اطول نخلة فى البلد ومصر يموت جمال وجمال خاف واستخبى ورايا ايه ياعم انت ده ؟؟؟؟ هو انت تعملها وتستخبى ورايا ؟؟؟؟؟ ايوه ياعم انت صعيدى قريبه وصاحبه مش هتهون عليه ايه الفلسفة دى ووجهت كلامى لابو موسى / اعقل ياابو موسى عليا الطلاج تلاتة بالله العظيم لاموته ياعم تموته ازاى بس ؟؟؟؟؟ لما توسع انت هموته وتفتكر انا هوسع طبعا .............اومال هتفضل واجف على طول أكده ؟؟؟ ياعم حقك عليا انا ابدا .... لازم ادفن الطويل النخلة ده فى البيت اهنه( هنا ) لا اله الا الله .... ياعم مش كده والله ابدا اوعى من جدامى وهجم ابو موسى وضرب بخلفية البندقية (الدبشك) ضرب قوية وتحاشاها جمال وزقنى امامه وجات فى دماغى ووقعت على الأرض واستشاط أبو موسى غضبا وقال / انت عتزجه (بتزقه ) جدامى علشان اموته صدجنى م انا سايبك وجرى عليه ابو موسى ومسكته من ديل الجلابية وانا واقع على الارض ووقع أبو موسى على الأرض وجمال مش يسكت ؟؟؟؟.......... لا طبعا ميبقاش جمال وهاااااااااااات ياضحك علينا احنا ال2 واتجنن أبو موسى وفيييييييييييييييييين على م هدى الموقف وصالحتهم وبعد الصلح فوجئت انهم اصبحو اصحاب واتفقو عليا وهاااااااااااات ياتريقة عليا هما ال2 ولما جينا ماشيين جمال بيقول لابو موسى /انا هسلم عليك بركبى علشان مش طايلك ابو موسى / والله ياحمار انت لولا طولك كنت اخدتك جلمين (قلمين ) على وشك (وجهك) بس أعمل ايه ؟؟؟؟...مش طايلك وزعل جمال لكن فهمته ان ابو موسى لايجيد الكلام وبيدب الكلام لكن قلبه ابيض ومشينا وطول السكة وجمال كل م يفتكره يضحك ويضحك ويضحك ويكرر جملة طلاج تلاتة بالله العظيم ويقول / ده بيحلف يمين دوبل ههههههههههههه ويكمل جمال كلامه / كل مرة نسافر فيها لازم نعدى عليه وقلت له / طبعا لأ ........ لاننا هنضيع نص اليو م عنده وانتو ال 2 هزاركو رخم ثم تعال هنا ازاى ساعة لما جه يضربك بالنار تستخبى ورايا؟؟؟؟ جمال / يعنى انت عايزه يموتنى ؟؟؟ اومال يموتنى انا ؟؟؟ ياعم انت صعيدى قريبه وصاحبه لكن انا مش ههون عليه طب ولو طلعت طلقة طايشة ههههههههههههههه هيا هتبقى عارفة السكة ومش هتيجى ناحيتك هههههههههههههههه حسبى الله ونعم الوكيل فيك ياشيخ التعديل الأخير تم بواسطة خالدخليفة ; 13-11-2010 الساعة 10:35 PM
|
|
#1455
14-11-2010, 06:02 AM
|
||||
|
||||
|
رد: أدب الرحلات
معركة أبو موسى
فى يوم سافرنا انا وجمال سواق التاكسى اللذيذ بتاعنا وسافرنا الى الصعيد واتصل بيا أبو موسى انت فين ؟؟؟؟ انا ف قبلى فين فى جبلى؟؟؟؟ هههههههههههههههههه هو تحقيق ؟؟؟؟ فى اسيوط بحزم / تحجيج (تحقيق ) طبعا وترد على كد ( أد / قد / قدر ) السؤال وضحكت لانى عارفه ماشى ياعم بتعمل ايه فى اسيوط ؟؟؟؟؟؟؟ هههههههههههههههههه هكون بعمل أيه يعنى؟؟؟؟؟؟ طبعا............ قاطعنى كعادته خلاص عرفت .........جاى ميتى (امتى )؟؟؟؟؟ خلال أسبوع خلاص نتغدو سوا لما تيجى وتجيب الهلف جمال (طبعا جمال كان جنبى وميعرفش هو قال ايه لحد دلوقت) ابتسمت وقلت / م افتكرش أنه ............. قاطعنى كعادته مفيش حاجة اسمها مفتكرش طلاج تلاتة بالله العظيم لو م جه لاطخك انت وهو .... بلاش جلة عجل (قلة عقل ) مبتسما / حاضر طبعا اى حد منكم يستعجب انا متحمل ده ليه ؟؟ وفى الحقيقة انا عرفت انه بيحبنى بلا اى غرض ولا مصلحة والنوعية دى قليلة شوية واللى بيعمله معايا نوع من الكرم والمحبة لكن طريقته كده فى الكلام ومفيش بنى آدم يخلو من العيوب وخلصت المكالمة وجمال جنبى حس وعرف مين الطرف التانى وسألنى / ده أبو موسى .... صح ؟؟؟ أيوه صح وتهللت اسارير جمال (زأطط بالبلدى) وقال / حلو....يبقى هنعدى عليه واحنا راجعين على جـثــتـى.... انت وهو بايظين ابقى ودينا للميكانيكى .......هههههههههههههههههه هههه وقعد يحايلنى شوية ..... ووافقت اخيرا .... رغم انى كنت موافق بالاكراه ساعة المكالمة من شوية وفعلا واحنا راجعين حسيت جمال عايز ياكل الأرض أكل وقلت / أيه يابنى الهمة دى فى السواقة أيوه ياعم تلاقى ابو موسى محضر لنا دكرين بط وانا واقع وهو انت محروم ياجمال م احنا بناكل احسن اكل الشهادة لله.... انت كريم ....بس أكل الفنادق غير أكل البيوت وفعلا وصلنا عند أبو موسى ....ونزل جمال ..... فارد صدره وطوله .....ولاكأنه فاتح عكا وجاء أبوموسى / ازيك يا استاذ خالد وحشتنى والله واحضان صعيدى جامدة تقدرو تقولو انها لخبطت المراوح على المفصلات (كسرتنى بالبلدى ) وبيحضن جمال .... وحدث موقف كوميدى أبو موسى مش طايل جمال فقال / أنزل يافجرى (يافقرى) مش طايلك جتك البلا وانت ناجص لك ( ناقص لك) لمبة وينورو بيك الشارع جمال / ياعم اسكت وانت لولا لسانك كنت افتكرتك قالب طوب مرمى فى الشارع واكمل كلامه فين الغدا ياأبو موسى اخوك واقع ابو موسى / انت م عتوكلوش (مش بتأكله ) والا اييييه ؟؟؟ انا / ياعم والله بياكل زى لامؤاخذة ........... ابو موسى / جصدك زى البهايم ههههههههههه ضحكت لانى عارف اسلوبه فى الكلام وفعلا جاب أبوموسى كل خيرات الطعام عنده واكلنا وحمدنا الله واثناء م احنا قاعدين نشرب الشاى دخل واحد على ابو موسى يجرى الحج (الحق ) ياابو موسى خير اخوك بيتخانج (بيتخانق ) بره وابو موسى هب وانتفض وانتفش واختفى داخل بيتهم دقيقتين وعاد ومعه 3 بنادق ورمى واحدة ليا ورمى التانية لجمال وشخط فينا / حصلونى أيه الكارثة دى هو عنده مخزن سلاح جوه؟؟؟ يعنى لو...كنا 10 مثلا كان جاب 10 بنادق ؟؟؟؟؟ ثم احنا هنعمل بيهم ايه ؟؟؟؟؟ بقى احنا هنضرب ونموت ؟؟؟؟طبعا لأ وأفقت من تفكيرى على زغدين محترمين من ابو موسى بجول لك (بقول لك ) حصلنى وانت سرحان ؟؟؟؟ وجرى امامى وانا وراه وفى الطريق فوجئت بجمال ينادينى ... ونظرت اليه فرمى عليا بندقيته وقال / هستناكو على القهوة ارجع ياجبان جبان جبان ... بس أعيش....ياعم انا مش عايز اموت قتيل وجريت ومعى البندقيتين على ارض المعركة وكانت ساحة او مكان خالى او ارض فضاء قريبة من البيت ووجدت خناقة شغالة وناس بتزعق لكن محدش معاه بنادق غيرى انا وابو موسى وفهمت ان الموضوع سوء تفاهم بسيط وشوية هيصة كعادة المصريين وهتنتهى بكام كلمة من ماركة معلش ومسكت البندقيتين ووقفت واختفى ابو موسى وسط الزحام ثم عاد بعد 5 دقايق انت واجف تتفرج على ايه ؟؟؟؟ هيا مرسحية (مسرحية / بس هو قالها كده) شغالة عايزنى اعمل ايه ؟؟؟ اضرب نار يا أخى ليه؟؟؟ أكده.......لازم نعرفهم شغلهم حبيت افرسه بسبب فلسفته الفارغة دى / واضرب نار على مين بقى ان شاء الله يااخى انت م عتفهمش والله .... هو ده وجت (وقت ) أسئلة .....اضرب يا اخى وضحكت على كلامه ولأنى عارفه مش هيتحمل مناقشتى فقلت له حاضر وروحت ضارب طلقتين لكن فى الهوا والعجيبة ان الخناقة توقفت وفى ناس جريت وعاد الهدوء وجاء أبو موسى / براوة (برافو ) عليك ....صعيدى أصيل والله ضحكت فأكمل كلامه / وضربت نار على مين ؟؟؟؟ فقلت / انا ضربت نار فى الهوا واستشاط غضبا بجى (بقى ) ماسك زفـتـتين (البنادق ) فى أيديك وفى الأخر تضرب نار فى الهوا؟؟؟؟ اومال انت عايز أيه ؟؟؟؟ والله الناس هتعايرنا كده بغيظ / مين الناس اللى تعايرك ؟؟؟؟ أذا كان كلهم جريو وفين جمال قاعد على القهوة واتجنن أبو موسى وسحب بندقيته وجرى على القهوة وجد جمال يشرب الشيشة ووجه كلامه الى جمال / انت ياطويل ياهبيل انت ؟؟؟ وضحك جمال........ مهو خلاص عرف طبيعته سايبنا فى العركة (الخناقة )وجاعد تشرب شيشة ؟؟؟؟ ببرود / اومال عايزنى اعمل لك ايه ؟؟؟؟ واتعفرت أبو موسى ومسك البندقية ووجهها ناحية جمال وجمال اتخض وانا جريت مسكت ابو موسى وقلت / أعقل يا ابو موسى هتعمل ايه طلاج تلاتة بالله العظيم لازم اعوره ليه علشان جبان وضحك جمال ... لانه شافنى بقيت بينه وبين أبو موسى اوعى .... سيبنى ده بيضحك علينا ونظرت لجمال وشخطت فيه اسكت ياجمال .... وبطل ضحك مش قادر ...أصله عامل زى عفريت العلبة وأبو موسى سمعها واتعفرت انا عفريت العلبة ؟؟؟؟؟ طب طلاج تلاتة بالله العظيم لازم اموته واتغظت من أبو موسى فهو قصير ومعفرتنا كلنا ونتشت منه البندقية بالعافية ..... وزقيته ..... فوقع على ألأرض وجمال ضحك وصفق بكلتا يديه وقال / ههههههههههههههه ........ قوم بسرعة من على الأرض ليفتكروك صرصار ويضربوك بالشبشب يخرب عقلك ياجمال ده وقت هزار بالذمة ؟؟؟؟ أبو موسى / انا صرصار يانخلة مرات ابويا وضحك جمال وقال / الحمد لله انى مش نخلة ابوك نفسه .....هههههههههههه وهنا ضحك أبو موسى متفهموش ليه وهدى الموضوع تعالو نشرب الشاى عندى فى البيت لا احنا هنمشى طلاج تلاتة ..... قاطعته أسكت شوية جمال / خلاص ياعم خالد نشرب الشاى ونمشى يادى النيلة يابنى هيا بطنك دى فيها خرم؟؟؟؟؟؟؟ أى اكل او شرب شغاااااااال مبتقولش شكرا ابدا ؟؟؟؟؟؟؟؟؟ وشربنا الشاى ومشينا واحنا فى الطريق جمال / انت كنت عايزنى اروح اضرب واقتل ؟؟؟؟؟ انا / ياعم انا م قلتش كده بس كنا هنروح نوري له ان احنا معاه ونقف بعيد ياسلام .... افرض جات الحكومة لقيو معانا البنادق دى كنت هتعمل ايه ياحدق ؟؟؟؟ كنت هـ اتحبس طبعا .............هههههههههههه ههههه لا ياعم اتحبس لوحدك...... انت اصلك غاوى هههههههههههههه يخر ب عقلك ياجمال ...... اول مرة يطلع عنده حق التعديل الأخير تم بواسطة خالدخليفة ; 14-11-2010 الساعة 06:26 AM
|
 |
|
|
