اسلامي vs ليبرالي vs خدماتي

[تامر ديزل]

المشاركة الأصلية كتبت بواسطة Ahmed Anwer أيه الأخبار يا شباب مين انتخب النهاردة ؟؟؟ أحكوا تجاربكم

انا لسه جاي اهه من اللجنه لاني روحت بعد ما خلصت الشغل وحظي لقيت الجنه شبه فاضيه ولقيت على بوابة المدرسة حوالي خمس عساكر جيش ودخلت اللجنه لقيت القاضي شباب ومحترم شاف البطاقه واداها لموظفتاني وادوني كشفين مضيت فيهم وبعدين ادوني ورقتين ....... هوووب حطيت صوتي وانا في قمة السعاده وعلى فكره دي مش اول مره انتخب انا مدمن انتخابات اساسا وياما اتعرضت لمضايقات من الامن علشان اقدر ادخل احط صوتي
نسيت اقول ان عندنا كان فيه لجنتين جنب بعض واحده للستات وواحده للرجاله ساعة ما روحت الساعه خمسه المغرب كانت لجنة الستات زحمه جدا ولجنة الرجاله شبه فاضيه بس الصندوق القزاز كان مليان لاخره
ياريت با استاذ احمد تقولنا برضه عملت ايه
وياريت كل اللي حط صوته يشاركنا

[تامين سيارات]

انا ذهبت و انتخبت بس من غير اقتناع الحقيقة لانى ارى مبارة بين الوسط و الحرية والعادالة و الموضوع دينى بحت دول مسلمين و دول مرشحين من الكنيسة لكن الحقيقة ما حدش قال منهم حاجة تستاهل انك تنتخبهم دة على القوائم

الفردى بقى مسخرة المترشحين لا يرقى اى منهم لان يكون مدير مركز شباب

هاحكيلكم حكاية ظريفة اوووى

من يومين كدة جة واحد من المرشحين و قعد معانا على القهوة اتكلم شوية مضمون الكلام الناس الكبيرة لازم تقعد فىالبيت كفاية كدة عليهم سننا قريب من بعض و لما تعوزنى هاتلاقينى
بالمناسبة هوة محام قال انا بفهم فىالقانون يبقى لازم ابقى جوة على شان افيدكم هههههههههههه

قلت اتكلم اشوف ارائة السياسية قلتلة اية رايك فى الوقفة فى ميدان التحرير رد قال مالناش دعوة بيهم خليهم واقفين سكت و عرفت انا بتكلم مع مين طبعا هوة .....

[nktis]

متابع

[تامر ديزل]

شكلهم وحش اوي اوي اوي من هنا لحد ميت سنه قدام ... النخبه اللي توقعت ان الانتخابات تفشل وكانوا مجهزين نفسهم النهارده علشان يطلعوا في الفضائيات ويشمتوا في الشعب ويشتموه
افتحوا التلفزيون دلوقتي هتلاقوهم في الفضائيات وشوشهم سودا ومش عارفين يقولوا ايه والتشنجات اللي كانت عندهم اختفت والصراخ والزعيق بح خلاص وعيونهم في الارض من اون تي في للحياه لدريم للمحور
دول رمونا بالمدفعيه التقيله 10 ايام علشان يعقدونا في الانتخابات ويخلونا ما نروحش ... ياللا هنقولهم ايه .. كفايه عليكم الكبسه .... يا اولاد النخبه

[Ahmed Anwer]

أنا صحيت الصبح بدري و الساعة 8 كنت قدام اللجنة علي اساس إني أذكي أخواتي

لقيت طابور داير ما يدور اللجنة ( مدرسة سيزا نبراوي بالقاهرة الجديدة )

طنشت و قولت بكره بقه و رحت قعدت علي قهوة ،،

كلمني صديقنا أيمن عبد الرازق معانا في المنتدي و معايا في نفس اللجنة

قالي أنا في الطاابووور أنتا فين

رحتله كان وصل نصف المسافة دخلني معاه ،، دخلنا مع بعض

بعد شوية بسيطة ،، دخلت في دقايق صوت و خرجت

أيمن بقه كان حظه عاثر و قعد فترة طويلة جدا عشان لجنته الفرعية كانت زحمة

المهم مرضيتشي استندل معاه و استنيته

أنا و ايمن صوتنا

لمصطفي النجار فئات ، عمرو عوده عمال ، قوائم حزب العدل