#1441
|
رد: أدب الرحلات
مقالة (5 )
الســيرك يااخى تحس اننا فى مصر عايش فى سيرك كبير والكارثة ان الجمهور كله قرفان بلا استثناء ماعدا قلة قليلة هم أصحاب النفوذ والمستفيدين من استمرار هذا السيرك والكارثة الأكبر ان الجمهور القرفان مفيهوش حد عايز يقول سيما اونطة عايزين فلوسنا بل الكل مواظب على العرض وكأنه ادمان الأونطة المغضوب عليها غريبة وعجيب أمر هذا الشعب فمثلا اقرأ اليوم خبرا يقول السكة الحديد تعترف بعجزها عن نقل 3 مليون صعيدى الى عائلاتهم فى العيد يبقى كنتم بتنصبو علينا لما كنتم بتمدحو فى منصور وزير النقل السابق اومال ايه التطوير اللى عمله سيادته وهللو له فى الجرايد لما السكة الحديد عاجزة وتذاكرها تباع باضعاف تمنها فى السوق السودا وان كنت اول مرة احترم وزير النقل الحالى لهذا الاعتراف رغم قناعتى انه مش فاهم حاجة فى النقل وهياخد وقت على م يفهم اى حاجة لانه كان من كبار رجال البريد قبل النقل وعندك كمان سيرك الانتخابات لا الشعب حاسس ولافاهم حاجة ولا الانتخابات ليها اى صوت بل ان النكتة ان اعضاء الحزب الوطنى اللى اختارهم الحزب الوطنى مجرد اختيار لخوض الانتخابات وزعو الشربات وضربو نار احتفالا بالاختيار معنى كده انهم فاهمين انهم خلاص دخلو مجلس الشعب صحيح عندنا فى الزيتون الدنيا ربيع والجو بديع وكله مقفل على كل المواضيع مهو مين هيجرؤ ويرشح نفسه قصاد رئيس الديوان الملكى (اقصد الجمهورى ) زكريا بك وصحيح اننى لم أر ولايافطة دعاية واحدة لسيادته ربما لانه وحده فى الملعب وتوفيرا للمصاريف مهو كده كده ناجح وربما اكون سيادتى من كتر الكتابة هنا مبقتش بشوف وان اليفط مالية المنطقة بس انا اللى مش لابس نضارة اليفط وتروح الجامعة تلاقى واد بتلاتة تعريفة لابس تى شيرت ضيق ورافع رفعتين حديد فى الجيم وعامل فيها أبو دراع قبل م يتقطع دراعه ف حادثة كده عامل خناقة وضارب شوية من زملاؤه وشوية من اساتذته والأمن لم يتدخل علشان يقولو لنا مش عايزين تمشونا من الجامعة اشربو بقى وواضح انه ربما يكون هذا البلطجى نفسه مزقوق من المخابرات اوالامنى لان الموضوع بيتلم وعمالين يلمو فيه طب ازااااااااااااى وتركب المترو او الاتوبيس او اى مواصلة تلاقى كام واحد كلهم مشغلين اغانى او اى حاجة من الموبايلات بتاعتهم وكأنهم راكبين وحدهم مش معاهم ركاب تانية قد تختلف اذواقهم عن هؤلاء وبالتالى مفروض كل واحد يسمع لوحده عن طريق السماعات وخصوصا ان الموبايلات الصينى افضل مافيها سماعاتها فهى قوية جدا تخرم اى ودن وتدخل على طبلة ودنك تعمل زلزال بمقياس 77 ريختر يعنى ودنك راحت فى داهية واذا ركبت سيارتك الخاصة فانه يجب ان تكون لديك مهارات خاصة (غير مهارة القيادة طبعا ) حتى تستطيع مجاراة بتوع الميكروباس والاتوبيس واللوارى وماشابه من فتوات الشارع بالأضافة الى الفلاسفة الذين يتسببون فى عطلة الطريق والسلوكيات العبيطة والهبلة وشغل الاستعباط والاستهبال الذى يؤدى الى عطلة الشارع بالكامل وان ركبت الميكروباس تجد معاملة سيئة من السائق فان نزلت من الميكروباس مع اول لجنة تجد السائق نفسه يعامل معاملة أسوا من امين الشرطة فان عدت الى البيت تجد فاتورة الكهربا مبالغ فيها ثم تجد مضافا اليها بند الزبالة ثم تجد الزبال يطالبك بمبلغ شهرى واذا اعترضت لانك تدفع مع الكهربا فيقول مليش دعوة بالكهربا وتجد نفسك تدفعها مرتين ثم فى مجلس الشعب اما نوم .... واما شتائم متبادلة بين الاعضاء غالبا ما تنتهى بوصلة نفاق للسيد الرئيس ولا اعرف ماعلاقة الريس بهؤلاء وخناقاتهم طيب ايه هيصة الانتخابات دى لاجل نهب البلد والتخفى وراء الحصانة فقط فان ذهبت الى البنك .... اى بنك وقلت لهم / ادونى لله ....حسنة قليلة تمنع بلاوى كتيرة .... شاب وعايز اعمل مشروع بدل م اسرق يعقدوك ويكلكعوك .... ثم يرفضو طلبك بالكاااامل ويقول لك / الله يحـنـن عليك وممكن يدعو عليك بدل م يدعو لك بــيـدو قروض للقادرين فقط طيب مالقادرين اغنياء هتدوهم ليه ثم تجدو هؤلا ء زوغو كلهم بفلوس القروض ثم تجد المفارقة العجيبة الخضار اغلى من الفاكهة طول عمرنا نعرف ان الفاكهة بتتكلف فى زراعتها وبتاخد وقت اطول من الخضار فى الزراعة وعلشان كده دايما الفاكهة أغلى لكن عندنا الخضار أغلى من الفاكهة والاتنين فوق طاقة المواطن العادى ثم يطلع علينا 2 من قيادات الحكومة واحد فيهم يقول لا ...فض فوه ..ومات حاسدوه ان كل من كان دخله 165 جنيه فهو غير فقير ويبدو انه تأثر بالأغنية العبيطة التى تقول هما 165 جنيه مش عارف اعمل بيهم أيه والا ايه وهذا المطرب نفسه عبيط لانى سمعت له اغنيه اسمها عايز اخس وكنت فى محطة مترو التحرير (السادات) فتوقعت ان المغنى تخين جدا ولما نظرت اليه وجدته نحيف جدا وحالته تصعب على الكافر والمؤمن سوا ومحتاج حقن لحمة لمدة 5 سنين على الاقل كل يوم 10 حقن ويقترح اخر اقتراح عبقرى (مجرد اقتراح تحت المناقشة لسه ) ان..... لو ..لو ... رفعنا دخل الفرد الى 400 جنيه فهو مرتب يكفى ويزيد ياسلام أيه العبقرية دى ثم حالة الانفصال الشبكى التى يعيشها المصريون فالحكومة فى وادى ......... والشعب فى وادى آخر فالشخص الذى قال / ان اى مواطن دخله الشهرى 165 هو مواطن غير فـقير هونفسه دخله الشهرى يفوق الربع مليون جنيه ان كان وزيرا محترما اما ان كان وزير من اياهم فيمكن ان يصل دخله الشهرى اكثر من ذلك بكثيييييييير والباشا اللى اقترح رفع الحد الادنى لاجر المواطن الى 400 جنيه لانه يمكنه العيش بها هو نفسه دخله مثل الأول ونقترح على سيادتهم ان يجربو المعيشة بــ....600 جنيه لا بــ.....400 ولا بـــ ...165 لمدة شهر وياريت يحكو لنا كيف عاشو هذا الشهر وأذكر اننى ذهبت لزيارة الأهرامات فانا لم اراها من سنين طويلة فمنعونى بعدها بأسبوع ذهبت بسيارتى وارتديت بدلة وتنكرت فى زى البهوات فمنعونى برضه اذن العيب فيا كمصرى لايصح ان يرى الأهرامات وأذكر مرة ذهبت لاحجز فى قطار النوم فقالو /مفيش غير قطار الساعة 8 وربع وانا اعرف هذا القطار فهو قطار مكيف عادى به عربة واحدة نوم وهو مراكز من اول محطة ويأخذ الطريق الى اسوان فى 16 ساعة على الاقل ولما اعترضت وقلت /انا عايز تذكرة فى قطار النوم السريع سواء 7 او 7 ونص او 8الا ربع فقالو / دول للاجانب بس أيه ده هو الاجنبى احسن منى أنا صاحب البلد ؟؟؟؟؟؟؟؟؟؟؟؟؟؟ وتذكرت رجل صعيد ى فقير رأيته فى حى الحسين منذ عدة سنوات حين رأى مجموعة من السائحين وقال بصوت ضعيف خوفا من ان يسمعه اى حد جتكو البلاوى غليتو علينا المش وغيره ...وغيره ...وغيره ولو اتكلمت هتكلم للسنة اللى جاية فقط ربما بعدها يمشى صاحبنا اللى بالى بالكو او يستمر السيرك أيه السيرك ده ؟؟؟؟؟؟؟؟؟ وزمان كان يوسف وهبى الممثل المعروف له جملة شهيرة يقول فيها وما الدنيا الا مسرح كبير واستطيع انا كمان ان أقول وما .....مصر الا سيرك كبير التعديل الأخير تم بواسطة خالدخليفة ; 10-11-2010 الساعة 06:46 AM |
#1442
|
||||
|
||||
رد: أدب الرحلات
قلبت علينا المواجع على الصبح يا عم خالد بس دة مش سيرك دة مولد
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#1443
|
|||
|
|||
شكلنا كدا هنروح مارينا قريب وانتا هتكون رئيس البعثه ان شاء الله
ماشي يا عم خالد بس اما اشوفك لينا كوفي شوب يلمنا
ادعيلنا انتا بس يا دكتور وان شاء الله هنخسس حازم النص في مسح المراجيح بتاعتنا
طبعا ما بتصدق يا عم حازم وانا اللي كنت فاكرك ضهري في المنتدي التعديل الأخير تم بواسطة احمد بدر1978 ; 10-11-2010 الساعة 11:14 AM |
#1444
|
|||
|
|||
ههههههههههههههههههههههههه ههههه
شكلك كدا مبتسمعش شرين وهيه بتقول مشربتش من نيلها هههههههههههه ههههههههههههههههههههههههه هههههههههههههه انا خلاص هموت مش قادر امسك نفسي من الضحك الله يسامحك يا عم خالد شكل رفدي من الشغل هيكون علي ايدك
يسقط الظلم انا حاسس اني بشارك في الحزب الوطني مش في ادب الرحلات طيب مفيش من النظام ده دلوقتي ولا اللحمه غليت ومبقاش في كرم خالص ههههههههههههههه حرام عليكم ما تسيبوني في حالي اانا حاسس اني قلمي قصدي كيبوردي بقا يقلق من الكتابه في المنتدي ليجيله شوجر ولا حاجه يا عيني عليك يا دكتور فعلا انا لو مكانك مكنتش عرفت اتحرك خطوه واحده انا مش عارف انتا جيبت الصبر ده منين حسبي الله ونعم الوكيل هو انا ناقص تقليب مواجع ما احنا عارفين وساكتين وربنا ينتقم منهم شوفلنا يا عم خالد اي فقرة اعلانية كوميدية بدل النكد ده هههههههههههههههههه التعديل الأخير تم بواسطة احمد بدر1978 ; 10-11-2010 الساعة 10:01 PM |
#1445
|
||||
|
||||
رد: أدب الرحلات
يا استاذ خالد المصرى فى بلده مهان وفى الخارج ملوش كرامة واللى سافر بره يعرف سفارات الدول الأخرى بتهتم ازاى برعاياها ماعدا السفارات المصرية كل واحد يقول ورحت للسفارة والسفارة لم تقف بجانبى
__________________
د / محمد إن الله لا يصلح عمل المفسدين
|
|
|