رابطة ملاك ومحبى السفينه فيات 132

[محمدصلاح القاضى]

انا بقى لسه صاحى نااااااااااو
بس بامانه ربنا كان يوم ابن حلال
مصطفى اللى كان بيتريق على الراجل وبيقوله كاستر الف خيرك وشكلنا احنا اللى كان هيتكسر عضمنا
وايمن اللى مروحنى من التجمع لحد الدقى فى 1/2 ساعه وكان مخيط الطريق شمال ويمين
وهشام اللى كان بيسقط مننا امبارح من شده التعب
والله كان يوم جميل وياريت تيجو المره اللى جايه طنطا عشان هتنبسطوا كتيييييير عندنا وبالمره نعمل لايمن السقف والصالون
وسلام عشان رايح اركب المساحات واغير بكات الكربراتير

[Hisham.Elgazzar]

حمدا لله على السلامة يا شباب يارب متجمعين دايما على خير
وكل سنة ونتوا طيبين

[mOuStaFa_ERTU]

المشاركة الأصلية كتبت بواسطة محمدصلاح القاضى انا بقى لسه صاحى نااااااااااو بس بامانه ربنا كان يوم ابن حلال مصطفى اللى كان بيتريق على الراجل وبيقوله كاستر الف خيرك وشكلنا احنا اللى كان هيتكسر عضمنا وايمن اللى مروحنى من التجمع لحد الدقى فى 1/2 ساعه وكان مخيط الطريق شمال ويمين وهشام اللى كان بيسقط مننا امبارح من شده التعب والله كان يوم جميل وياريت تيجو المره اللى جايه طنطا عشان هتنبسطوا كتيييييير عندنا وبالمره نعمل لايمن السقف والصالون وسلام عشان رايح اركب المساحات واغير بكات الكربراتير

توكل على الله وابقى قولنا عملت ايه وبكام ؟
وفعلا يوم جامد وان شاء الله يتكرر

[mOuStaFa_ERTU]

المشاركة الأصلية كتبت بواسطة Hisham.Elgazzar حمدا لله على السلامة يا شباب يارب متجمعين دايما على خير وكل سنة ونتوا طيبين

واحشتنى الشويه دول
والطلعه اللى جايه فين يا كبير انا معاك لاخر الدنيا
بس كان يوم عنب وخصوصا كوباية الحلابسه اللى على صبح دى كانت فى الجون

[محمدصلاح القاضى]

انا بقى النهارده
كنت هتجنن
العربيه اكلت منى صفيحه بنزين فى مشوار 10 كيلو بمعدل 2 لتر للكيلو
والشكمان كان زى الفل طبعا مهبب بس ايه ؟؟! طبقات
روحت لبتاع الكربراتيرات قولته الشغل دا مينفعش العربيه تبقى متفوله امبارح مسافه ما امشى 10 كيلو امون صفيحه المهم انا شديت شويه عليه وفك الكربراتير وبعد فحص وتمحيص وتدوير اكتشف ان ابرة البنزين معلقه يعنى العربيه بتغرف بنزين بالعبيييييييييط طول ما هى دايره المهم فكها لقينا الابره حواليها وساخه التنك الصدا والرمل الناعم دا
قالى انت تفك الخراطيم عند واحد بتاع كاوتش من عند الرداخ والتانك وتديهم نفخه تمام وتغير الفلتر اللى راكب يوم الاحد اللى فات وتركب كمان فلتر بعد الرداخ طبعا تركيب فلتر للرداخ دا لو مجبتش فلتر حديد زى دا
مش هركب البلاسيتك دا عشان الحراره وممكن ما يسعفش الكربراتير ويخنق العربيه
ومن ناحيه المساحات
كنت النهارده فى قلب الوكاله عندنا فى طنطا
ولقيت يا معلم حاجات تحفه بامانه ربنا احتمال اعملها
فرش ابواب2000 فبريقه 600 جنيه بدون المقابض هركبه بأذن الله
تابلوه 132 2000 فبريقه بالعدادات نسيت اسأل على تمنه لكن هركبه برضه بس هديله اللى عندى وادفع فرق 100 او 150 جنيه لو اكتر مش هغير
فبر الدركسيون لاى عربيه موجود وخصوصا الفيات
طارات الدركسيون زيرو برضه موجوده
شبكه 132 النيكل بالاربع فوانيس زيرو بتوع الفبريقه 600 جنيه
انا بأذن الله هاخد واحد حبيبى وانزل اعمل مقايسه يوم الجمعه ان شاء الله
واللى عاوز حاجه معينه يكلمنى وانا هظبط واشوف