|
#1406
05-11-2010, 04:07 PM
|
||||
|
||||
رد: أدب الرحلات
بــسـة والفـيومى
هما عيلين أشرار من أسوأ ماقابلت فى رحلاتى من حى المناخ ببورسعيد سبحان الله صفاتهم تقريبا واحدة الواحد فيهم طوله تقريبا 190 او 195 سم وضخم الجثة كما الممثل على الشريف زعيم العصابة فى فيلم المتسول لعادل أمام وصوتهم مثله من كثرة شرب المخدرات قابلتهم أول مرة فى قطار رقم 28 الذى يقوم من اسكندرية 8 ونص بالليل وهومراكز للقاهرة وهو يكون مزدحماجدا لكن هذين الشريرين كان لايهمهم شىء ورأونى وتلاقت نظراتنا وأحسست منهم بالاستغراب كيف لههذا الرجل صاحب المظهر الأنيق ان يركب هذا القطار وتوجسو منى خيفة ربما أكون مباحث ومتخفى ومع الوقت عرفونى وتانى مرة وتالت مرة واعتادو منظرى فى القطار واصبحو يمارسون نشاطهم عادى وهو شرب المخدرات فى القطار وتسريح النشالين الصغار وكنت الااحظ ان الكمسارى لايأتى الى هذه العربة ولا البائعين وان دخل احددهم فيعتذر ثم يستأذن لكى يبيع عجيبة من هؤلاء؟ لكى يخاف منهم الناس وفى يوم وجدته يضرب صبى عمره لايزيد عن 12 سنة لان ايراده ضعيف وكان الضرب قاسيا ولم يتحرك أحد وغلى الدم فى عروقى وذهبت اليه وكلمته بعصبية حرام عليك ياأخى الواد صغير بصوت اجش غليظ / خليك فى حالك يااستاذ اخلينى ف حالى يعنى ايه؟؟؟ لحد م تموت الواد؟؟؟؟ بنفس الصوت وبضيق / ياعم انت مال اهلك وانا لم اتحمل هذه الجملة ودفعته بكلتا يديا فوقع على الأرض واخدت الولد بالقوة وللحق لو رأيتم المنظر لضحكتم فأنا كما الفأر الذى يتشاجر مع فيل ورأيت الشرر يتطاير من عينيه وهجم عليا وقبل ان يصل الي كن قد عاجلته بضربة بكف يدى فى وجهه ثم قفزت برأسى فى بطنه ووقعنا سويا على الأرض وسمعت صوت نصفه الثانى ينادى من بعيد / فى ايه يابسة (بكسر الباء ) بسة / الواد ابن .........ده بيتحشر بينى وبين صبيانى وامسكته من ياقة قميصه وقلت له / انا همسحك بيك الأرض واسلمك للشرطة لانك واطى وعايز ضرب الجزمة ووجدت الجميع تراجعو (جابو ورا بالبلدى ) وفهمت انهم خافو ان الموضوع يكبر ووجدت بسة يقول للاخر / يافيومى هو يتحشر بينى وبين صبيانى ليه الفيومى / معلش قوم نفض هدومك وانت يااستاذ عايزك فى كلمتين انا / خير الفيومى / انت اول مرة تشوفنا ؟؟ لأ دى تالت او رابع مرة باستغراب / والله؟؟؟ ومخفتش ؟؟؟ وهخاف من ايه صحيح انت وهو شكلكم ضخم شوية لكن انا الموقف هو اللى استفزنى انت منين ؟؟؟؟؟؟؟؟؟؟؟؟ صعيدى عشان كده؟؟؟؟؟؟؟؟؟؟؟ الصعايدة دمهم حامى خد ولع مبشربش سجاير دى مغمسة يعنى ايه ؟؟؟؟؟؟؟؟؟؟؟؟؟ محشية حشيش شكرا مليش فيها لا هى ولا الحشيش وقام بسة مغتاظا / انت بتتساير معاه ؟؟؟؟؟ بدل م تجيبلى حقى ؟؟؟؟؟؟؟؟؟؟ ونظرت لبسة وقلت له / شوف يابنى المخدرات عمرها متعمل راجل وعلشان كده لاحجمك ولاصوتك المحشرج ده خوفونى واتجنن بسة لكن الفيومى هدأ من اعصابه ونظر لى الفيومى وقال / جرى ايه يااستاذ احنا بنعزم عليك وبنتكلم معاك مفيش داعى للغلط وتحدثنا كثيرا وفوجئت بـــ ....بسة مرة أخرى يقول حديثا مزورا للنبى عليه الصلاة والسلام فقلت له / النبى م قالش الكلام ده لا قاله مقالوش ولما تبقى جاهل ومش عارف م تصدرش دماغك وتقعد تتعلم وضحك الفيومى وقال / والله انت لذيذ يااستاذ انت عايز تعلم ده احاديث النبى ده آخره يقطع...... يرص... يوزن ..... انا / يقطع ايه ويرص ايه ويوزن ايه ههههههههههههههههههههه الحشيش طبعا بفخر / شوف يااستاذ احنا تجار مخدرات كبار اوى ومعلمين كبار اوى وميغركش قعدتنا هنا بس لما بنسافر مبنضيعش وقت بنقضيها شغل برضه بنسرح كام عيل فى القطار يجيبولنا قرشين من الركاب هههههههههههههههههههه انا / حرام عليك يااخى ده قطار الغلابة تنشل الغلابة ؟؟؟؟؟؟؟ تنشل الغلابة ؟؟؟؟ تنشل الغلابة ؟؟؟؟؟ حرام عليك الفيومى / طيب بس بقى قطعت قلبى بسة / انت هتحن والا ايه ؟؟؟؟؟؟؟؟؟ المهم اثناء المناقشة وصلنا دمنهور ونزلو الفيومى /مع السلامة يااستاذ هتوحشنا والله سلم على الباشا يابسة ميبقاش قلبك اسود كده هههههههههههههههههههه سبحان الله رغم انهم اشرار لكن عايز ينسى الخصام قبل م ينزل لكنهم من أعتى واسوأ ما قابلت فى رحلاتى وسمعت انهم هذه الأيام فى سجن بورسعيد العمومى وهم يتفاخرون انهم من اكثر من 20 سنة بيتسجنو هههههههههههههههههه ياله من فخر التعديل الأخير تم بواسطة خالدخليفة ; 05-11-2010 الساعة 04:14 PM 
|
|
#1407
05-11-2010, 04:17 PM
|
||||||||||
|
||||||||||
بس من ضمن الحاجات الغبية اللي بتحصل ان كل واحد قديم يحتل الماكن وكل حاجة ملكه هو وبس حتى لو مش من حقه اصلا واي حد يجي بعد منه يبقى بيديله الحاجة اللي اخدها وكانه بيتفضل أو بيمن عليه بالحاجة دي وطبعا لان فيه مقالب كتير بتتعمل من الشباب في الشنط يبقى لازم يكون فيه دولاب تقفل عليه
زمانها بقت زحمة يا دكتور خصوصا بعد ما خلاص انتهي الخلاف عليها بقرار جمهوري انها هتبقى هيا مكان المحطة النووية لكن اعتقد هتتغير 180 درجة من حيث الخريطة السكانية والتنظيمية هتبقى محط انظار العالم كله مش مصر بس وبالتالي يا بخته اللي عايش هناك وفي نفس الوقت ربنا يكون في عونه لان هيبقى فيه تشديد في حاجات كتييييييييير لمراعاه البعد الامني في الضبعة
ههههههههههه
مبروك اكتساب اللغة البربرية يا باشا عم خالد كان اتكلم عن موضوع بدو مطروح يوم مغامرة صافي وطرح موضوع الانتماء للقذافي ده لكن مقلناش ايه سبب أن الصعايدة اخوانهم واحنا لأ
خليك في اللي معاك احسنلك بكرة تندم
والاحلي الفراخ اللي عندها السل دي
الحياء صفة اصبحت قليلة او نادرة النهاردة للأسف
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة احمد بدر1978 ; 07-11-2010 الساعة 05:58 AM
|
|
#1408
05-11-2010, 05:02 PM
|
||||||||||
|
||||||||||
وانت كمان يا زعيم وحشتنا من باب العلم بالشيء ليس اكثر الاخ اللي عملك الجاهز في نص ساعه معاه نسخ ويندوز ملعوب فيها بتعمل ايه 1. تنزلنسخ سريعة وخفيفة Lite 2, تتغاضى عن اي اخطاء او مشاكل موجوده وتابع شغلها حتى لو ده غلط 3. غير اصليه منسوخة من نسخ منسوخة من نسخ وبعدين ملعوب فيها لو تفتكر وهو قاعد يعملهالك هتلاقيه حط الاسطوانة وسابها وعمل كام امر في الاول وبعدين بعد حوالي 22 دقيقة لقيت شاشة ويندوز قدامك ، بدون ما يدخل ارقام ولا دياوله الاهم من ده كله ان احمد عملك المشكلة قبل ما هو يروح ويمكن المشكلة دي كانت تمنع انه يحمل حاجة اصلا
يعني هيا جت على ابو دنيا ده انا اتفلقت من العك في العربية نطقا قبل الكتابه يمكن انا بغلط لما بحاول اكتب بسرعة او ني بكتب العامية لكن تتفرج بقى على اللي بيتكلم ويقلب الطاء تاء والثاء يمط فيها كمأن لسانه هيخرج برة سنانه وغيره وغيره وغيره على كل حال الف مبروك عليك الحافظة اللي قلبتها من ابو دنيا ده من عمايله بس هو لو كان جابلي مريم العب معاها والمغات معاها مكنش حصله ده كله
ياعم روووووووووح انت بتتكلم بعد ما روقوك وظبطوم الاثنين
وبعدين عمال تدينا كورس في ازاي تحور المعلومة من غير ما تقول الشخصيات وجاي هنا تجيب كله في بعضه ربنا يسترها عليك وعلينا المرة الي عدت كان هيبقى فيها هارد ده غير الهارد ابو 700 جنية فاكره ربنا يستر من اللي جاي
 كفتة وزبادي خلاط تركب ازااااااااااااااااي
بق على الفاضي ولا هتعمل حاجة كنت عملت قبل كده
الشهراني اسرة كبيرة في السعودية على ما اذكر ولهم فروع كثيرة اما عن الموقع فهو موقف غريب فعلا لكن له تفسيرات الأول انه يرغب في ركبو القطار والتعرف على ما يحدث بداخله حيث ان عندهم لا يوجد قطار ركاب في السعودية الموجود هو خط الرياض الدمام وذلك لخدمة البترول فقط وحاليا توجد مخططات لعمل شبكة ربط سك حديديه في السعودية وتبدأ بالمترو المخصص للمشاعر المقدسة في الحرمين تيسيرا على الحجاج وتخفيف الزحام ولكن لم يتم التنفيذ بالفعل حتى الأن لكني اعتقد ان بدأ التنفيذ سيكون اسرع في الزمن كالعادة الثاني انه فرد وحيد في مجتمع غريب عنه ومحتاج لاكتساب صداقات ومعارفه من باب الشعور بالامن والاطمانينية على الرغم من دور وفاعليه سفاراتهم مقارنة بسفارة دول اخري مثل فيحان الثالث وجود شخصيات محترمه في المكان معه وهو ما يتنافي مع الصورة الموجوده عندهم كثيرا بسبب صورة العماله المسيئة لنا هناك وطبعا السبب الأول في صورة العمالة هناك ليس العمالة نفسها ولكن قصور الاداء الدبلوماسي لنا هناك وفي كل مكان في اغلب الظن ا
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة احمد بدر1978 ; 07-11-2010 الساعة 08:26 AM
|
|
#1409
06-11-2010, 01:07 AM
|
||||
|
||||
|
رد: أدب الرحلات
جمال خطيبا
وفى يوم دخلنا الى المسجد انا وجمال بعد العمل وكان العصر أذن صلينا العصر وخرجنا دخلنا مطعم واكلنا جااااااااامد واحنا قاعدين على القهوة بنشرب شاى لقيت جمال بيبص لى وبيقول تعرف ياحاج خالد ان انا مرة خطبت الجمعة يانهارك ابيض ياجمال...... وهو انت بتعرف تخطب ؟؟؟؟؟؟؟؟؟؟؟؟؟؟؟؟؟؟ ضحك ضحكة عالية جداااااااااااا ههههههههههههههههههههههههه هههههههههههههههه مهو كان يوم مش هيعدى طبعا انت هتقول لى عليك ؟؟؟؟؟؟؟هو انت فى يوم من أيامك بيعدى بسهولة ياعم انا اللى حظى كده وعملت أيه بقى ف خطبة الجمعة ؟؟؟؟؟؟؟؟ اسكت كانت خطبة عبــأرية (عبقرية / بس جمال قالها كده) طبعا مش انت اللى قايلها............. وقلت أيه فيهابقى ؟؟؟؟؟وازاى طلعت المنبر أصلا ؟؟؟؟؟؟؟؟ الحكاية انى يومها كويت الجلابية البيضا وحطيت ريحة من بتوعنا مقاطعا له / من بتوعنا ؟؟؟؟ بحماسة / أأأأأأ ه ه اومال ايه بنشجع بضاعتنا ياباشا انا / يبقى الريحة هيا السبب اصبر بس ده التقيل ورا صبرت.................. قول ياعم ودخلت الجامع بدرى وقعدت جنب المنبر وراسم نفسى ولابس الجلابية البيضا والطاقية والسبحة ومظبط نفسى وبعدين الضهر أذن والامام م جاش وفات ييجى ربع ساعة وبعدين جمال /وقفت انا وقلت ...........ايه ياجماعة الأمام فين ؟؟؟؟ والا مش هنصلى الجمعة ؟؟؟ واحد من المصلين قال /اطلع انت انا / يانهار ابيض وانت م صدقت.......... وروحت طالع جمال / بصراحة ؟؟؟؟ أه انا م صدقت اطلع............ من زمان وانا نفسى اخطب الجمعة وبعدين ؟؟؟؟؟؟؟؟؟؟ طلعت المنبر لقيت الناس بتبص لى ومستنيانى اتكلم وفوجئت ان مواجهة الناس شىء صعب ونسيت كل الكلام اللى ممكن اقوله هههههههههههه وبعدين ؟؟؟؟؟؟؟؟؟؟ فقلت أى حاجة تيجى على دماغى ازاى ؟؟؟؟؟؟؟؟ بصيت للناس وقلت فى الخطبة شوفو ياجماعة صليتو ع النبى؟؟؟؟؟ والناس قالت عليه الصلاة والسلام فقلت / يااخواننا مفروض منظلمش بعض ونحب بعض واللى يركب تاكسى يديله اجرته كاملة م يظلموش احسن حق سواق التاكسى هيتاخد اضعاف يوم القيامة هههههههههههههههههههه اشمعنى التاكسى ؟؟؟؟؟ اللى جه على بالى طيب كمل والمفروض انك انت واخوك المسلم تتقاسمو الرزق افرض اخوك المسلم ممعاهوش سجاير وانت معاك............. اديله يااخى ..........المفروض نتعاون كلنا ههههههههههههههههههه نتعاون فى السجاير ؟؟؟؟؟؟؟؟ هو انت متعرفش انها حرام ؟؟؟؟ م انا عرفت امتى ؟؟؟ بعد م قلت الكلمتين دول ازاى ؟؟؟؟ واحد من المصلين وقف وقال / انزل ياعم انت ......انزل..... أيه التخريف ده وانت عملت ايه ؟؟؟؟؟؟؟ م سكتلوش رديت عليه وانت فوق المنبر ؟؟؟؟ أه وقلت ايه ؟؟؟؟ يضحك جمال بشدة هههههههههههههههههه قلت له بقرف .... فى حاجة ياكابتن ههههههههههههههه وانت فوق المنبر ؟؟؟؟ بحماسة / أأأأأأأأه........ يعنى اسيبه يهزئنى وانا فوق المنبر؟؟؟؟؟؟؟؟ مهو انت برضه ياجمال ملقيتش حاجة من ابواب التعاون الا التعاون فى السجاير ؟؟؟؟؟؟؟؟؟؟ اللى جه على دماغى وحصل ايه ؟؟؟ ههههههههههههه راح طالع لى فوق المنبر ومسكنى من ياقة الجلابية وقال /عليا الطلاق لانت نازل..........و م انت مكمل الجمعه يانهار أبيض يعنى بوظتو الجمعة على الناس يضحك جمال بشدة ويخبط كف على كف ههههههههههههه هيا باظت وبس........ ده مسكنى ونزل فيا ضرب وراح رامينى من على المنبر على الأرض ههههههههههههه وانت عملت ايه ؟؟؟ طلعت له وقلت له والله م انا سايبك ياابن .................. يانهار ابيض............... فى الجامع ؟؟؟؟؟؟؟؟؟ انتو مجانين ؟؟؟؟؟؟؟ اهو اللى حصل بقى وبعدين روحنا القسم وكان يوم منيل بستين نيلة هههههههههههههههههههههه وبعدين قعدت شهر كل م اروح ناحية الجامع الناس تشوفنى وتضحك وبعدين بقيت اخد التاكسى يوم الجمعة واعمل لى بنديرتين واصلى الجمعة فى اى حتة ههههههههههههههههههههه احسن وهو يعنى انا اذنبت ؟؟؟؟؟؟؟؟؟ طبعا ........ يعنى مفيش تعاون غير فى السجاير ؟؟؟؟ ومفيش ظلم غير على سواقين التاكسى بس ؟؟؟؟؟؟؟؟ يضحك بشدة ههههههههههههههههههههههههه هههههههههههههه مهو انا حياتى التاكسى والسجاير يخرب عقلك ياجيمى التعديل الأخير تم بواسطة خالدخليفة ; 06-11-2010 الساعة 01:19 AM
|
|
#1410
06-11-2010, 01:14 AM
|
||||
|
||||
رد: أدب الرحلات
دة فظيع اوى يالهوى دة انا هيغم عليه من الضحك
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
 |
|
|
