رابطة ملاك ومحبى السفينه فيات 132

[Mohamed star&h]

شكرا ياباشا

[Hisham.Elgazzar]

المشاركة الأصلية كتبت بواسطة esame55 انا عربيتي 132 1800 عملت عمره لها كامله ماعدا وش السلندر ؟ المهم اني بلاحظ دخنه خفيفه من الفايظ ونفسي اعرف ده عيب في العمره ولا ده من وش السلندر ارجو الافاده

عصام باشا لو سمحت إرجع للميكانيكى الـ ......... وخليه يفك وش السلندر يشوف عاوز توضيب ولا تغيره
مفيش حاجة فى الميكانيكا أبدااااااااا اسمها أعمر وش السلندر من غير ما أفك أغير على الأقل طقم شنبر لو السبيكة المتحركة سليمة

والعكس طبعا صحيح

وبالبلدى اللى يوكل لأنى لسه هقوم أتسحر

"لازم زى ماتحكم المكنة من تحت تحكمها من فوق يا اما عمرك ماهتاخد منها اللى انت عاوزوا "

محدش يفهمنى غلط أنا أقصد الموتور يعنى المكنة :THE_PR~1 8:

[mOuStaFa_ERTU]

المشاركة الأصلية كتبت بواسطة michohat العربية من ناحيه الحاله مش محتاجه حاجه دلوقت كل محتاجاه اظبط تاكيهات و استهلاك البنزين في داخل البلد 6 كيلو في اللتر تقريبا وفي الخارج طريق السفر 12 كيلو في اللتر وعاوز اغير صلايب الكردان ده اللي شايف انها محتاجاه ف الميكانيكا الباقي بقى المستعجل قوي هو لحام كراسي الصالون و لحد دلوقت دماغي بتوزني مدام هفك الصالون علشان الحم كراسي الصالون ما اكمل فك واشد العربية بالمره واعملها صح الصح بدل ما الدوكو بتاع المره اللي فاتت قافل نفسي منها واللي حايشني عن اني اعمل ده هو اني مشغول او بمعنى اصح مطحون في الشغل و كمان المنطقة حواليا كلها مباني وعربيات رمل وزلط وطوب وطرطشه اسمنت فخايف اظبط العربية تيجي زلطه او طوبة و تبوظ حاجه العربية كعربية مش محتاجه الا بس ظبط تاكيهات علشان الشتا وانا عاوز اغير صلايب الكردان علشان بسمع صوت لما باجي اطلع بالعربية ومش بيتكرر كتير لكن ساعات بيحصل فلما سئلت قالوا لي الصلايب مع اني مشحمها من قريب والكارونه ومغيرها فاكيد المشكله ف الصلايب علشان مش عغيرتها من زمان ربنا يعدي الايام دي على خير وخصوصا اني النهارده الصبح يومي بدء بخناقة تحت البيت عندي في مطعم فامبارح بليل ركنت قدامه عشان فيه برج بيصبوا ادوار فيه ( صبه اسمنت ) بيجهزوا ليها بقى رمل وزلط فقولت بدل ما اركن عند مكان الصبه والشارع اصلا ضاق من الرمل والزلط اركن عند المحل والصبح انا بنزل بدري اروح الشغل نزلت الساعه 8 الاقي عربيتي مزقوقة ومحطوطه ف نص الشارع كان هاين عليا امسك اولع ف المحل ولما قولت له ايه اللي عملته ده قال لي علشان افرش عده الشغل وطاسه القليه فلك ان تتخيل تنزل تصطبح بحاجه زي كده وخصوصا ان العربية بوضعها ده قافله الشارع وفي ع البر التاني اكوام زلط و رمل والشارع اتجاهين و بيعدي فيه تريلات فطبعا مش ههزق نفسي مع عامل و كلمت صاحب المطعم وطلعت غلطه العامل انه اتصرف من نفسة وهو اللي كان بيقول لي ان صاحب المطعم هو اللي زقها حاجه تقرف والله الصورة دي للعربية مزقوقه وشوف طالعه عن الشارع قد ايه وكمان شوف كميه التراب اللي عليها دي عربيه كنت منضفها يوم الجمعه دي

الحمد لله انها جت على كده ده عندنا بيحصل بلاوى والله
الحمد له انها متخبطتش
ومن رئى الشخصى انك تستنى بعد العيد عشان العربية تتعمل على رواقه والصنايعية متطلسقش العربية وتعمل شغل اى كلام

[mOuStaFa_ERTU]

المشاركة الأصلية كتبت بواسطة Hisham.Elgazzar السلام عليكم إزيك يا أيمن إزيك يا محمد إزيك يا مصطفى إزيك يا أحمد.؟ [/SIZE][/B]

الحمد لله بخير يا هشام دا انا بتدلع فى الرابطة دى على حسك انت يا عسل

[mOuStaFa_ERTU]

المشاركة الأصلية كتبت بواسطة أيمن الروبي ازيك يا اتش عامل ايه كل سنه وانتم طيبين ومتزعلش مني اني معرفتش اقابلك النهارده ده اعتذار مني

صلاة النبى احسن
هو بقه فيه مقابلات من ورايا ؟؟
كده برده يا هرم مكنش العشاء

ملاحظة تم استبدال العشم بالعشاء
نظرا لشدة جوعى ومستنى الاكل يتحضر
ماتيجوا معايا بقه عشان يبقى عيش وملح
: 10F925~165: