حقير يقتل فقير ليرضي غشيم بتأييد من غبي !

المشاركة الأصلية كتبت بواسطة AboNoRa حاضر يا باشا اوعدك نبحبحها شوية

[AbOnOrA]

نيجى بقى لتساؤلات اخى الاكبر اسلام شاهين

بص يا اسلام يا اخويا اى مظاهرة تسمع عنها اول حاجة تسال الهتافات ايه هتعرف على طول بالمختصر كده الناس ديه عايزة ايه
فانت لو كنت سمعت الهتافات حتى من التلفيزيون كنت هتعرف ان الناس ديه عايزة تسقط المجلس العسكرى وتحاكمة كمان بس كده باختصار

ليه بقى برضو باختصار لانه خان الامانة وعلى مدى سنة تقريبا بيجرنا من فتنة للتانية وادارته للبلد لا تختلف عن النظام السابق
هما فى الحقيقة هما هما النظام السابق سواء المجلس او الحكومة نفس الوجوه سبحان الله
ده غير طبعاً قائمة من الاسباب التانية منها عدم القصاص لدماء الشهداء وتباطوء المحاكمات وضياع الاموال المهربة وتدليل المقبوض عليهم وسحل اهالى الشهداء من كام يوم بدون اى داعى ولا كان فيه حرائق ولا نيلة
بس فى الناس راسها والف جزمة ان المجلس يمشى

وبخصوص الحرق والبلطجية

المعتصمين كالعادة فيهم وفيهم فيه ناس مع الانتخابات وناس ضدها وناس مع الاخوان وناس مع السلفيين وناس مع الليبراليين وناس مع نفسها وفيه ناس مع الاعتصام والمبيت وفى ناس بتروح وتيجى
وفيه ناس بتخلص شغلها والله يا اسلام وتنزل لبليل وتروح تنام علشان تروح الشغل تانى يوم
وفيه ناس سريحة بتروح وتيجى مابين بيتفرجو او بيبعو

طبعاً انت سمعت ان الفترة اللى كان الثوار قافلين فيها منافذ التحرير وفيه تفتيش مكانش بيحصل اى حاجة
ولا عمرنا سمعنا عن محاولات لحرق المتحف المصرى ولا غيرة
الا طبعاً فى جمعة الغضب والثوار ضحو بحياتهم لانقاذه لحد ما نزل الجيش

وطبعاً عارف ان لحد دلوقتى محدش عارف مين حرق مقارات الحزب الوطنى واقسام الشرطة

وطبعاً عارف ان حريق القاهرة اللى كان ايام الملك فاروق لحد دلوقتى محدش عارف مين اللى وراه

وتفتكر حتى قبل الثورة موجة الحرائق اللى كانت ماسكة كل حاجة فى البلد حتى مجلس الشعب نفسة اتحرق

فاللعب بالنار بالفكاكة كده ليه ناسة وصدقنى ده ابعد حاجة يفكر فيها الثوار

يعنى ده مختصر اتمنى يكون مفيد للاوضاع من قريب

[Semsem999999]

طب اسمحلي بعد سقوط المجلس العسكري مين اللي هيمسك البلد ؟؟ هتقولي مجلس رئاسي مدني ؟؟؟ مين دول ومين اللي هيختارهم وعلى أي أساس هيكون الاختيار ؟؟؟ يعني هل هننعما انتخابات مثلا علشان نختارهم ولا إيه مش فاهم الصراحة ؟؟؟
والمجلس الرئاسي ده هيحكم بأنهي شرعية ؟؟
بالنسبة لموضوع التحرير وإن ماكنش فيه مشاكل أمال شارع محمد محمود إيه اللي هحصل فيه وليه إخوانا الثوار كانوا مصممين يروحوا عند وزارة الداخلية ؟؟؟؟؟ وليه مصممين على المواجهة ؟؟ علشان ناس تموت ويقولك شايفين موتونا ؟؟؟؟؟؟؟؟؟ برضه مش قادر أفهم ؟؟
اللي أعرفه اعتصم براحتك من غير ما تجر شكل حد ، يعني امبارح برضه إخوانا الثوار حاولوا يسقطوا الجدار العازل اللي معمول عند مجلس الشعب ؟؟ ممكن أعرف ليه ؟؟؟ وإيه الهدف ؟؟؟ مش إسقاط الدولة برضه ولا أنا لسه نااااايم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

[dr_eslam_66]

صدقت والله.
حقير يقتل فقير ليرضي غشيم بتأييد من غبي.
وإحنى الي ضعنا في النص ياعيني لا متنا معى الفقير ولا إحنى حقير ولا الغشيم راضي عنا وحتى الغبي بيقاوح ويوقول إننا إحنى الي أغبياء.
حسبي الله ونعم الوكيل في زمن زيفت فيه الحقائق, فا عسكري الجيش الي عرى أنثى مش غلطان لاكن الي كان بيحاول يغطيها بعد السحل والمرمطة بطل.
وأصلا البنت دي مش محترمة لأنها نزلة المظاهرة في حين إني المحترمة هيا الي سايبة حقها وقاعدة في البيت.
هل أي أنثى تنزل الشارع تبقى مش محترمة؟.
هل لو الست دي مالبستشي خمسين طبقة هدوم فوق بعض تبقى برضو مش محترمة.
طب تفتكر المنقبة والمحتشمة والمحجبة أو حتى المتبرجة سلمت من إيديهم.
إخصصصصصصصصصصصصصصص.......
إتفوووووووووووووووو......

[lost2008]

المشاركة الأصلية كتبت بواسطة dr_eslam_66 صدقت والله. حقير يقتل فقير ليرضي غشيم بتأييد من غبي. وإحنى الي ضعنا في النص ياعيني لا متنا معى الفقير ولا إحنى حقير ولا الغشيم راضي عنا وحتى الغبي بيقاوح ويوقول إننا إحنى الي أغبياء. حسبي الله ونعم الوكيل في زمن زيفت فيه الحقائق, فا عسكري الجيش الي عرى أنثى مش غلطان لاكن الي كان بيحاول يغطيها بعد السحل والمرمطة بطل. وأصلا البنت دي مش محترمة لأنها نزلة المظاهرة في حين إني المحترمة هيا الي سايبة حقها وقاعدة في البيت. هل أي أنثى تنزل الشارع تبقى مش محترمة؟. هل لو الست دي مالبستشي خمسين طبقة هدوم فوق بعض تبقى برضو مش محترمة. طب تفتكر المنقبة والمحتشمة والمحجبة أو حتى المتبرجة سلمت من إيديهم. إخصصصصصصصصصصصصصصص....... إتفوووووووووووووووو......

ده الغبى مطلعنا كمان خونة و عملاء , اصلها متجيش الا على الغلبان.