ارشيف الاستراحة 2011

[magd131]

المشاركة الأصلية كتبت بواسطة dieseltrucker فعلا احنا محتاجين قائد بس تفتكر مين من الي ع الساحة دلوقتي ينفع ؟ ويكون عنده كل الصفات اللي بنفكر فيها امانه ونظافة ايد عقلية متفتحة مدير قوي جدا صبر وطول بال اراده من حديد فين الراجل ده ؟ انا شايف اننا كلنا بندور ف حلقه مفرغه والناس عماله تتهم بعضيها عشان خاطر انصاف الرجال (يعني نص راجل) ممكن نبطل اتهامات وندور على الراجل ده ؟

عارف حضرتك اعتقد ان الشخص المناسب الي ممكن يحكم مصر هو الشخص الي مايكونش اول كلمه في برنامجه الانتخابي هي زياده الرواتب لانها تعتبر رشوه للشعب لاعطائه عدد اصوات ده غير ان اغلب المرشحين دلوقتي بداء البرنامج بتاعه بزياده الرواتب ومفيش ولا واحد اتكلم في التعليم والصحه والقوانين الي تصون كرامة المواطن وتطبيق مبداء العداله الاجتماعيه بجد مش كلام معسول وخلاص مش هتفرق معايا بقي لو كان اخوان او سلفي او مسيحي او اي حد المهم يكون قائد ناجح يحقق العداله والرفاهيه والعيشه الكريمه لشعب طول عمره معرفش طعم العيشه الكريمه ولو في حد بالمواصفات دي هاكون اول واحد ينتخبه

[nktis]

اعتقد ان كبش الفداء ممكن يكون العادلي..............؟ والله اعلم.

[magd131]

المشاركة الأصلية كتبت بواسطة nktis اعتقد ان كبش الفداء ممكن يكون العادلي..............؟ والله اعلم.

طبعا الله اعلم بس معتقدش ان العادلي ممكن يكون كبش فداء وبالاخص الراجل ده عنده اسرار كتير جدا واعتقد ان مبداء علي وعلي اعدائي هو الي هيتكلم وربنا يستر عارف حضرتك انا بدعي من كل قلبي ان مبارك يموت علشان باقي العصابه تتحاكم بجد والبلد حالها يمشي لان بجد الوضع مقرف والناس مستهبله علي الاخر والبلطجه هي اللغه الرسميه دلوقتي في مصر

[romioromio]

الواحد حزين علي مصر والله

هنا في السعوديه.......الناس بتحلف ان الاسعار هي هياها من تلاتين سنه

زادت حاجات بسيطه جدا مش نطرت كده زي مصر


والله الواحد مش عارف العيب فينا ولا في الحكومه

بس اللي انا متاكد منه دلوقتي انها ازمة اخلاق ..من مين الله اعلم

[magd131]

الدكتور عصام شرف من الناس المحترمه والمشهوده لها بنظافة اليد والاحترام بس انا مش عارف هل عصام شرف قادر انه يقود الوزراء في ظل الظروف السوده دي طيب الراجل ده اول ما مسك رائاسة الوزراء كنا بنقرأ انه الناس قابلوه في محل فول وطعميه واتصور معاه وبعد كده نقراء انه اصر ان ابنه يدفع مخالفة مرور وبعد كده حديث الاثنين العاطفي الي دلوقتي بطل يعمله هل كل ده دعايه واستعطاف الشعب المصري لاننا متعودين علي ان رئيس الوزراء من اصحاب الكعب العالي ولا يجوز الاحتكاك به
انا بحترم عصام شرف وبحبه بس اعتقد انه فشل في مهامه من اول ما اختار وزراء فوق الثمانين سنه ومن اول ما اعلنت بدايه الدراسه بعد اسبوع مع وجود انتخابات في نفس الشهر وطبعا وشويه حاجات كده بتحصل انا مش عارف احنا رايحين فين اعلان دستوري ولا دستور اولا اخوان ولا سلفين ايران ولا السعوديه بلطجيه ولا داخليه الغاز لاسرائيل والحطب لاغلب المصريين السياسه الداخليه والقوانين المفبركه ومحاكمه مبارك والشرطه الي لسه في المصيف ذيادة الاسعار الجنونيه والمباني الي زي الصاروخ جبال الزباله والاعلام المتحول وشماعة الفلول والاضرابات والاعتصامات الي في كل مكان اعتقد انه عصام شرف للاسف فشل في انه يسد خروم المركب والميه عماله بتزيد وهو بيفرج تقريبا ايده مربوطه ولا ايه راي حضراتكم