رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة أيمن الروبي يا جماعه عندي العربيه رجعت تاكل بنزين بالغبا بعد مظبط خلوص البوجيهات زي ما اتش قالي ظبطت اسبوعين تلاته ورجعت تاني تسف بنزين بفكر اغير البوجيهات اللي عندي هي ngk عاوز اجيب نوع تاني 2شمعه بس في سؤال لولبي لو جبت اتنين شمعه كل شمعه بيتظبطلها خلوص عادي بالفلر زي الواحد شمعه وفي انتظار رد احد المشاهدين

إزيك يا أيمن يارب تكون بخير
انت ماصدقتنيش لما قلتلك كربراتيرك محتاج بتاع كربراتيرات
والله انا لو عندى كومبريسور وقطع غيار له كنت صلحتهولك
على فكرة مصطفى كمان عنده الكربراتير محتاج صيانه
اه رأيكم نتقابل عند إسلام عجور عشان الكربراتيرات بتاعتكم
مش هياخد نص يوم بإذن الله بالكتير اوى لو روحناله من بدرى
والتكلفة مش هتبقى كتير
البوجيهات ال2 شمعه بتتظبط بالفلر من فوق بدل الجنب

وطبعا ماترميش البوجيهات القديمة ممكن تتسنفر وتركب
ناس كتيرة بتكون عطلانة على جنب الطريق ومستنيين بوجيه سليم حاول تعملها زى صدقة جارية ، هتسنفر البوجيه تمام وتحطه فى شنطة بلاستيك لأى حد محتاج تديله


بالنسبة للكربراتير هنظبط العوامة بتاعته ونغير بيكات السرعة لأن البنزين ال80 بيوسعها

[mOuStaFa_ERTU]

المشاركة الأصلية كتبت بواسطة Hisham.Elgazzar إزيك يا أيمن يارب تكون بخير انت ماصدقتنيش لما قلتلك كربراتيرك محتاج بتاع كربراتيرات والله انا لو عندى كومبريسور وقطع غيار له كنت صلحتهولك على فكرة مصطفى كمان عنده الكربراتير محتاج صيانه اه رأيكم نتقابل عند إسلام عجور عشان الكربراتيرات بتاعتكم مش هياخد نص يوم بإذن الله بالكتير اوى لو روحناله من بدرى والتكلفة مش هتبقى كتير البوجيهات ال2 شمعه بتتظبط بالفلر من فوق بدل الجنب وطبعا ماترميش البوجيهات القديمة ممكن تتسنفر وتركب ناس كتيرة بتكون عطلانة على جنب الطريق ومستنيين بوجيه سليم حاول تعملها زى صدقة جارية ، هتسنفر البوجيه تمام وتحطه فى شنطة بلاستيك لأى حد محتاج تديله بالنسبة للكربراتير هنظبط العوامة بتاعته ونغير بيكات السرعة لأن البنزين ال80 بيوسعها

ياريت والله يا هشام مع انى كان نفسى اظبطه قبل العيد عشان ميهببش البوجيهاااااات
فلو ينفع يبقى كويس ولو مش هينفع يبقى استنى وامرى لله

[Hisham.Elgazzar]

المشاركة الأصلية كتبت بواسطة michohat مبروك تظبيط العربية و عقبال ما تخلصها كلها زي ما انت عاوز وربنا يبارك لهشام بجد مش بيعز معلومه ولا مجهود على حد وان شاء الله ربنا يكرمه ف عربيته و يصلح حالها ربنا يعينا على تظبيط عربياتنا حاطط ف دماغي اني عاوز اعمل حاجات كتير للعربية ومن كترها عاوز اقعد اكتبها علشان اعرف ارتب الاولويات ومفيش وقت اعمل اي حاجه هو العربية خدت وقت قد ايه علشان تبرد وتبدأ فيها شغل ظبط تاكيهات

مجدى باشا تشرفنا بإذن الله يوم الجمعه الجايه قبل الصلاه
هنركن العربية عند الخراط
وعلى بعد الصلاة يشتغل فيها
قوللى قبلها وانا هساعدك بإذن الله

المشاركة الأصلية كتبت بواسطة mostafa3tef السلام عليكم ورحمة الله وبركاتة اولا : احب ابدأ بشكر خاص ل (هشام الجزار) لما بذله من جهد وتعب عشان عربيتى تتظبط الشكر لله ، هذا من فضل ربى سبحانه وتعالى اما بعد ... الحجات اللى جبناها كانت العربية محتاجالها والعربية كانت بترقص فى الصلانصيه امس كنت على موعد مع هشام عشان اروحله التجمع الاول لتظبيط التاكيهات المهم نزلت من البيت وفولت العربية وشقيت طريقى الى الحى العاشر بمدينة نصر واتقابلت معاه وطلعنا على بتاع قطع الغيار واشترينا الاتى: 1- فلتر هواء عشان افلتر القديم اتهرى =12 2- طقم سلوك بوجيهات جرافيت (كربون)=25 3- طقم بوجيهات=25 4- جوانين بتوع الكامه عشان كانوا بيرشحوا زيت =8 5- وش اسبراتير جديد + شاكوش=30 6- انبوبه سيلكون ولم تستخدم=5جنيه ودينا العربية لبتاع التاكيهات وهى ورشه مجمعه وشامله فيها كل حاجه خراط مواتير وتم تغير 4 اطباق عشان كان عندى فرح تاكيهات العادم كانت فاتحه بزيادة اووووى جوه الموتور وركبت الجوانين والدنيا اتظبطت عن الاول وحاسبنا الراجل وخد 40ج مصنعية + ثمن الاطباق ومشينا من عنده وطلعنا على مغسله وغسلنا الموتور بالجاز والصابون والبنزين وبقه نظيف والحمد لله غسيل الموتور ب 10ج وطبعا ده سعر غالى الحوض إتغسل 3 مرات مرة بالميه من التراب ومرة تانية البنزين والجاز والمرة التالتة صابون ومرتين هواء انا بغسل العربية كلها فى بنزينه وطنية ب 25ج بره وشاسية وصالون وموتور. طيب منا قولتلك ان العربية برا وجوا ب 15 جنيه والحوض 10 وطلعنا على بيت هشام وركنت العربية فى الظل وتم تغير الاتى: 1- وش الاسبراتير 2- الشاكوش 3- البوجيهات 4- سلك البوجيهات وهشام ظبط كهربت الموتور وبقت والحمد لله اللهم لا حسد زى الفل ومفيش رجه فى السلانسيه الاول طبعا كان فيه فرقه حسب الله تحت الكبوت بس دلوقتى بقت زى الفل والسحب اتحسن والفضل لله اولا ولخبره هشام وتعبه معايا وبكده انتهت صيانة الموتور وفاضل العفشة والفرامل والسمكرة والدوكو و 4 فرد كاوتش جداد ربنا يكرمك بإذن الله وان شاء الله ربنا يكرم بفلوس واخلص من شدها بالكامل والله الموفق ودعواتكم بقه لاخوكم مصطفى وأخوكم هشام الجزار والسلام عليكم ورحمة الله

هو ده احد أهداف الرابطة يكون فيه لقائات خارجية وكل اللى عنده مشاكل فى عربيته بإذن الله نحلهاله

امبارح فاتك يا مصطفى كورس تنظيف الموتور من جوا غرف الحريق

جبت إزازة ميه مقطرة من عند بتاع قطع الغيار ودورت العربية وسندت دواسة البنزين على تقريبا 15 RPM

خرمت إزازة الميه من فوق خرم ضغير يدوب بينقط
وحطيتها فى الكربراتير والعربية دايرة زى الرى بالتنقيط كده فى باب الصلانصيه بتاع الكربراتير (لأن انواع الكربراتير بتختلف باب يمين وباب شمال)
وفضلت مدور العربية لحد ماخلصت نص إزازة المية المقطرة فى الكربراتير

جربت العربية الصبح ماشاء الله زى الفل كانت بتبقى مخنوقة وبتنتش لدرجة تحس انها هتتخلع من بعضها وخصوصا الصبح

ياريت كل اللى بيستخدم بنزين 80 يفضى فى الكربراتير إزازة ميه مقطرة فى الكربراتير كل شهر نص فى الأول ونص فى الآخر بالطريقة اللى قولت عليها دى


تحياتى للأستاذ كارز أدماير لأنه صاحب الفكرة وهو اللى قاللى عليها الله يباركله

وشكرا يا مصطفى لنقل التجربة

[Hisham.Elgazzar]

المشاركة الأصلية كتبت بواسطة mostafa3tef ياريت والله يا هشام مع انى كان نفسى اظبطه قبل العيد عشان ميهببش البوجيهاااااات فلو ينفع يبقى كويس ولو مش هينفع يبقى استنى وامرى لله

قبل العيد صعب إلا لو عملتوا الآتى :
انت وأيمن هتروحوله قبل يوم الخميس وياريت بكرة الصبح تكونوا هناك
هتحتاج تسنفر البوجيهات بتاعتك او تجيب طقم من الرخيص على مانسنفر اللى عندك ده لو احتاج لكن أظن ان الموبينة هتنضف أبوهم

مع الأسف مش عارف أخود أجازات وده مخلى نفسيتى زى الزفت

[mOuStaFa_ERTU]

المشاركة الأصلية كتبت بواسطة Hisham.Elgazzar مجدى باشا تشرفنا بإذن الله يوم الجمعه الجايه قبل الصلاه هنركن العربية عند الخراط وعلى بعد الصلاة يشتغل فيها قوللى قبلها وانا هساعدك بإذن الله هو ده احد أهداف الرابطة يكون فيه لقائات خارجية وكل اللى عنده مشاكل فى عربيته بإذن الله نحلهاله امبارح فاتك يا مصطفى كورس تنظيف الموتور من جوا غرف الحريق جبت إزازة ميه مقطرة من عند بتاع قطع الغيار ودورت العربية وسندت دواسة البنزين على تقريبا 15 RPM خرمت إزازة الميه من فوق خرم ضغير يدوب بينقط وحطيتها فى الكربراتير والعربية دايرة زى الرى بالتنقيط كده فى باب الصلانصيه بتاع الكربراتير (لأن انواع الكربراتير بتختلف باب يمين وباب شمال) وفضلت مدور العربية لحد ماخلصت نص إزازة المية المقطرة فى الكربراتير جربت العربية الصبح ماشاء الله زى الفل كانت بتبقى مخنوقة وبتنتش لدرجة تحس انها هتتخلع من بعضها وخصوصا الصبح ياريت كل اللى بيستخدم بنزين 80 يفضى فى الكربراتير إزازة ميه مقطرة فى الكربراتير كل شهر نص فى الأول ونص فى الآخر بالطريقة اللى قولت عليها دى تحياتى للأستاذ كارز أدماير لأنه صاحب الفكرة وهو اللى قاللى عليها الله يباركله وشكرا يا مصطفى لنقل التجربة

ده واجب عليا انى انقل التجربة لكى يستفيد منها الجميع
وربنا يكرمك ويزيدك من علمه

وهحاول اعمل موضوع الرى اللى بالتنقيط ده