اختبار التصادم للجاك b15

[د.كمال]

على فكره الاختبار ده هو الاختبار الاوروبى ومن موقع الشركه الام

[عصام الجارحي]

المشاركة الأصلية كتبت بواسطة د.كمال على فكره الاختبار ده هو الاختبار الاوروبى ومن موقع الشركه الام

اختلف معك هذه المرة دكتور كمال

دا اختبار صيني

ودا باين قوي من خلال بادج البرنامج علي العربية

ودا رابط لموقع البرنامج
هنا

اما بادج البرنامج الاروبي هو دا



وهو اللي علي العربية الايمجراند

ودا موقع البرنامج الاروبي ولا توجد به الجاك

ودا ميمنغتش انها ممكن تاخد فيه 4 نجوم لانها تقريبا تقل قليلا عن الايمجراند في الاختبار الصيني

[د.كمال]

ايوه صحيح


طب بس الامجراند المصنوعه فى الصين هى اللى واخده 4 نجوم مش المصنوعه عند الحج غبور ............ولا هو غبور وداها اوربا وعملها اختبار هناك وجابها هنا ..

[عصام الجارحي]

المشاركة الأصلية كتبت بواسطة د.كمال ايوه صحيح طب بس الامجراند المصنوعه فى الصين هى اللى واخده 4 نجوم مش المصنوعه عند الحج غبور ............ولا هو غبور وداها اوربا وعملها اختبار هناك وجابها هنا ..

غبور بيجمع بس مش بيصنع يا دكتور
يعني بيجيب القطع من الصين وبيجمعها
وبيضيف من هنا حاجات بسيطة
ازاز مثلا حليات الدهانات وش فانوس ..ههههههه كدا يعني
يعني هي هي العربية مفيهاش تغيير

[د.كمال]

المشاركة الأصلية كتبت بواسطة عصام الجارحي غبور بيجمع بس مش بيصنع يا دكتور يعني بيجيب القطع من الصين وبيجمعها وبيضيف من هنا حاجات بسيطة ازاز مثلا حليات الدهانات وش فانوس ..ههههههه كدا يعني يعني هي هي العربية مفيهاش تغيير

45 % مكونات مصرى يأستاذ عصام

وشوف الخبر ده عن جرنال الشرق الاوسط

وكانت وزارة التجارة الخارجية والصناعة قد أصدرت قراراً أمس بتقييد منح التراخيص الخاصة لمصانع تجميع السيارات حيث نص القرار على ألا تقل نسبة التصنيع المحلي في صناعة التجميع عن 45% وفي حالة انخفاض هذه النسبة وجب استكمال النقص عن طريق تصدير مكونات محلية أو سيارات تامة الصنع. وسوف تقوم لجنة مشكلة من قطاع التجارة الخارجية وغرفة الصناعات الهندسية وممثل عن المجلس التصديري للصناعات الهندسية فضلاً عن مختصين بالهيئة العامة للتنمية الصناعية بوضع القواعد الخاصة بحساب نسبة التصنيع المحلي على أن تقوم باقتراح تعديل هذه النسبة وبحث التظلمات المقدمة من المصانع التي لا تفي بهذه النسبة كما نصت الشروط على التزام المصانع بموافاة الهيئة العامة للتنمية الصناعية بقائمة الأجزاء المستوردة والمحلية طبقاً لمساهمة خطة التجميع على أن تقدم كل ثلاثة أشهر، وسوف يتم حساب نسبة المكون المحلي أو ما يتم تصديره مع نهاية كل سنة بعد التأكد من التزام المصانع بتقديم البيانات الجمركية التي تثبت تمام التصدير الفعلي للمكونات أو السيارات تامة الصنع. وشدد القرار الوزاري على الغاء ترخيص المصانع التي تخالفه بعد أن سمح لها بتوفيق أوضاعها خلال ستة أشهر من تاريخ العمل بالقرار تؤدي إلى خفض في أسعار السيارات، موضحاً أن ذلك يتطلب التنسيق مع وزارة المالية، البنك المركزي وادارات المرور فضلاً عن توفير النقد الأجنبي.