حعمل الفاميه ومش هخاف البيه

[ben attia]

لمعلوماتك يا جميل انا عايش في ابوظبي و الفامية ممنوع ودة مش في الامارات بس دا في 80% من دول العالم

و مع كدة انا هعمل فامية عشان عيونك بس لما انزل مصر

[mf]

النهاردة بقي عند كارتة "الهايكستب" قبل السلام كان فيه لجنة من الشرطة ولجنة من الشرطة العسكرية ..

والفامية بتاع اللواء كان بيتشال قبل الفاميه بتاع النص نقل ...

بس الحمد لله انا عندي الزجاج فاميه بتاع بلاده

بس كنت فرحان جدا

[ahmed_zamalek7]

المشاركة الأصلية كتبت بواسطة Bahi السلام عليكم كان بقالى مدة محتار ونفسى أركب فيمية بس مش علشان الخنفسة ولا علشان أبين أنى مهم ولا علشان أخبى حاجة جوة العربية لا سمح الله لكن علشان أساعد التكييف فى حر الصيف فى القاهرة خصوصا أن الحرارة فوق 40 أصبحت عادى جدا بالاضافة الى زيادة الوقاية من الأشعة فوق البنفسجية UV الضارة جدا والمساعدة على عدم الاصابة من الزجاج المكسور فى حالة الحوادث -لا قدر الله- والاقلال من الوهج الناتج من انعكاسات ضوئية قوية من كافة الاتجاهات. بعد بحث وتمحيص وأكتواء من الحر اللافح تشجعت وقررت الآتى: - تركيب فيمية "حرارى" (عازل للحرارة) بنسبة 70% مقاوم للخدش على الزجاج الخلفى وزجاج الأربع أبواب درجة لونة فاتحة جدا يبين كل ما بداخل السيارة بسهولة - تركيب فيمية حرارى 00 (دبل زيرو) 70% مقاوم للخدش على الزجاج الأمامى فقط ودرجة لونة شفاف تماما - بالاضافة الى الستارة الخلفية القابلة للازالة والسابق تركيبها منذ فترة بعد بحث ودراسة فى القاهرة وجدت أن أغلى أنواع الفيمية هو الأمريكى ماركة 3M وتكلفة تركيبة بالمواصفات عالية تصل الى 1800 جنية يلية الألمانى وتكلفتة فى نفس الحدود تقريبا ثم الكورى فى حدود 1000 جنية والتايوانى فى حدود 800 جنية وأرخصهم طبعا الصينى فى حدود 500 جنية ولكن لا يمكن التأكد من مواصفاتة من حيث درجة حجب الحرارة والأشعة فوق البنفسجية. عند أول سفر للاسكندرية أوائل الشهر الجارى أتصلت ثم توجهت للشخص الذى الجأ لة فى أغلب كماليات السيارات وتم تركيب الفيمية الكورى بنفس المواصفات المذكورة عالية بتكلفة اجمالية 350 جنية. مع العلم أن للزجاج الأمامى يجب استخدام فرخ ورق كبير حتى يتم القص واللصق دون أى توصيلات (قطعة واحدة) حتى لا يظهر خط الوصل على الزجاج ولا يشترط نفس الشئ فى الزجاج الخلفى لأن خط الوصل يتم ضبطة على خط سخان الزجاج. بعد تركيبة بيوم وأثناء السير فى شارع أبو قير أغلقت على الاشارة بعد المرور منها بشئ بسيط ووجدت نفسى أسد التقاطع المصرح لة بالمرور وجاء ضابط المرور وخبط على زجاج السيارة وطلب منى الاستمرار فى السير دون أن يبدى أى ملاحظة على الفيمية. وبعد عودتى للقاهرة مريت حتى الآن بثلاث لجان دون ابداء أى ملاحظة أيضا. بالنسبة لتأثيرة فقد حقق ما كنت أصبو الية وفعلا ساعد التكييف جدا وأصبحت كفاءتة أعلى بكثير وسرعة التبريد رائعة. هذة هى تجربتى حتى الآن مع الفيمية الحرارى. بالتوفيق فى قراراتكم باذن الله.

انا ركبت عازل حرارى شفاف خالص كان مركه سن تيك امريكى بى 1550 فى العرض وعديت على لجنه وقالى عادى عادى بس فى ناس بتقلى ان ممكن اى ظابط رخم يوقنى اصل بليل مدى لون بسيط ومش معقول هشيله الواحد مش عارف يعمل ايه

[memitto]

عارف انا فكرت اعمل اية ارفع دعوة قضائية علي المرور ووزير الداخلية لنسمح بتركيب الفامية وكمان الدولة تسفاد بمبلغ مالي

[محمد اشرف]

هفكر فى الموضوع