ارشيف الاستراحة 2011

[mahranahm]

اكمل الفراغ
.


.



.


.


.

اللهم ارزقنى (( ......................... ..... )) آمين

اللهم لاترد هذه الدعوة يارب العالمين

موظف في إحدى الشركات اتصل على تليفون مديره بالغلط


و قال له:

جبلي شاي على مكتبي بسرعة يا زفت ولو اتأخرت هلعن أبو اللي جابك فى الشركة
...
رد عليه المدير:

أنت عارف انت بتكلم مين ؟

قال الموظف: لأ

قال له: أنا مدير الشركة يا حيوان

رد عليه الموظف: وأنت تعرف مين الى بيكلمك ؟

قال المدير: لأ

رد عليه الموظف

الحمد لله و قفل الخط فى وشه

الرئيس اتصل بعمر سليمان بعد التنحية بيقولة

اخبار الدنيا عندك اية … قالة الدنيا زى ماهى يا رئيس العيال فى الميدان

والارض بعنها والفلوس هربنتها .. فالرئيس قالة طيب ودى المسيحين على امريكا
…
والمسلمين على السعودية واقفل البلد على العيال وتعالى

[aymanlaw]

ما إحنا دولة مسلمة حد قال غير كده !!!!!!!!!!! ولاعيزنها زى افغانستان ولا زى السودان ولازى الصومال ولا زى ايران ,عايز اعرف الدول دى عملت ايه لشعبها حتى تاريخه ,عملت إيه فى العمل والجد ,ماهى علاقتها بلعلم والتكنولوجيا --والحديث الثابت هو ما رواه ابن ماجة من حديث أنس بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( طَلَبُ الْعِلْمِ فَرِيضَةٌ عَلَى كُلِّ مُسْلِمٍ ) ( 220 ) وصححه الألباني في صحيح سنن ابن ماجة . والمقصود بالعلم هنا هو العلم الشرعي . قال الثوري : هو العلم الذي لا يُعذر العبد في الجهل به ، والله أعلم(منقول)
يجماعة احنا دولة مسلمة ولامساومة على ذالك ..

يتميز الأب المصري و تتميز الأم المصرية بأقوال فريدة من نوعها ,,, يعني مينفعش حد يقولها غيرهم وطبعا الأقوال دي موجهة لحضرتك ,,, فبمنتهى الهدوء و من غير كسوف إختار الجمل اللي سمعتها بنفسك من والدك أو والدتك ,, متخافش مصر موتورز وانا بالذات هنكون ستر و غطا عليك , محدش هيعرف غير حوالي 100 الف عضو بس !!!

نبتدي على بركة الله ,,,



جتها نيلة الى عايزة خلف تيجى تتفرج

امشى جاتك مشش فى ركبك

ذاكر ياموكوس مش فالح غير فى الهيافه والكلام الفاضى

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه

كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)

أوعا حد يضحك عليك ويقولك جرب السيجارة دي

ابقى ورينى مين حينفعك فى الاخر من شوية الصيع الى انت مشيلى وراهم

قوم اقرا لك كلمتين ينفعوك

ياريتك تحفظ دروسك زى مانت حافظ الاغانى

لو شفت خناقه ما لكش دعوة بيها

كريم دا عيل بايظ وماتمشيش معاه تاني "معلش يا كريم"

قومي ساعدي امك ده اللي هيتجوزك أمه داعية عليه

يا ابني حرام عليك الى بتعمله فينا ده

انا سايبالكوا البيت وماشية ومش حتشوفوا وشي تاني

لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا

وانت فاكر احنا مستنيين منك حاجه

المسلسل مش هينفعك ...قوم

كفايه رغي في التليفونات

كل على مهلك .. وامضغ كويس ... وما تكلش وانت واقف .. وكل من قدامك ما تحفش

بلاش تمشى حافى البس شبشب وانته داخل الحمام

ما فيش مذاكرة على المزيكا .. وازاى بتذاكر و البتاع ده شغال جنبك

افرد ظهرك

لم شراباتك

ماتكلش فى ضوفرك

كنت فين لحد دلوقتى يا صايع

انا مش عارف انته طالع لمين

مووو لمـا يــــــخدك

ادلعى ياهبة فى ايامك المهببة

ده منظر اودة بني آدم ، انت عايش فيها ازاي؟

هو انا الخدامه الى ابوكم جبهلكم .

الى يطلع من الاوضه يطفى النور وراه

أبوك عندك أهو اتصرف معاه

لو مش فاهم حاجه ارفع ايدك و قول للأستاذ مش فاهم .. متتكسفش

البس فنله قطن تحت ودفي سدرك ودخل التيشرت في بنطلون البيجامه وانته نايم

يأبنى المذاكره مابتخلصش .... نفسى اشوفك مره ماسك كتاب

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت

مالكش دعوة بالسياسة .. وماتمشيش في مظاهرات .و امشي جنب الحيط ... اقولك شق الحيطة وامشي جواها

احمد ربنا الاكل الى مش عجبك ده فى ناس مش لقينه

هأقطم رقبتك أو هأقطع ايدك أو هأقطع لك لسانك أو هأدبحك دبح

قومي سخني الأكل لأخوكي

ابوكم كان دايم بيطلع الاول على الفصل... لما كلهم كده امال مين الى بيطلع الاخير

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض