#1321
|
||||
|
||||
رد: أدب الرحلات
ونكمل مع الضبعة
قلنا فى سابق ان الضبعة مدينة تقع تقريبا فى النص بين اسكندرية ومطروح وانت جاى من ناحية اسكندرية تلاقى سور بطول حوالى 13 كيلو او يمكن اكتر شمال الضبعة ( على اليمين من الطريق الساحلى ) ولما سألت ايه حكاية السور ده قالو لى ان ده سور الطاقة النوويية واتضح ان دى المنطقة اللى كان من المفترض ايام السادات انها تبقى محطة نوووية لذلك شرعوا فى عمل السور وبنوا كام مبنى داخله وبس خلاص المشروع اتوقف وفضل السور والمبانى شاهدين على المشروع وطبعا لأن المشروع اهمل ( النهارة الحكومة لسه قايمة تصحى وافتكرت ان فيه مشورع اسمه محطة الضبعة النووية) الناس عملت فيها شبه مستوطنات وكل مسافة تلاقى فتحة فى السور تكفى لعبور بنى ادم او عبور حيوانات المهم السور ده كان مدير مستشفى الضبعة ( بتاع العربية الدبل كابينه فاكرينه) يعتبره من غضب ربنا على البلد وأهلها لأنه ( اى السور ) قفل البحر عليهم وطبعا مفيش شط مجهز زى باقى مناطق التصييف الساحلية علشان تروح البحر لازم يكون معاك عربية او تتفق مع صاحب عربية بيجرها حمار ( اعزكم الله ) من الخلف ليها كرسين متاقبلين ومسقوفة اى حاجة ( زى عربية كبوت مصغرة بس بحمار ) تروح البحر من خلال السور ده (فيه بوابة ممكن يعدى منها العربيات ) وتنزل الميه واوعى تكون مبتعرفش تعوم مرة اخدنا واحد زميل فيه عربيته ورحنا يوم جمعه بعد الصلاة بشوية , البحر بينه وبين الضبعه حوالى 4 كيلو ولما وصلنا ايه ده رغم انه المكان غير مجهز الا ان الشط احسن 100 مرة من بتاع جمصة ولا رأس البر الرملة بيضاااااااء والميه صااااااااااافية وممكن تشوف رجليك كمان فى الميه وطبعا مفيش حد على الشط غيرنا نزلنا الميه وعومنا شوية وطلعنا ورجعنا السكن اخدنا دش ونمنا
__________________
د / محمد إن الله لا يصلح عمل المفسدين
التعديل الأخير تم بواسطة miam0502788391 ; 27-10-2010 الساعة 09:17 PM |
#1322
|
||||
|
||||
رد: أدب الرحلات
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#1323
|
|||
|
|||
رد: أدب الرحلات
الله عليك يا دكتور وربنا يكون في عونك معلش هيه ديه مصر تسمع منها احلي كلام لكن ساعة الجد تلاقي الكلام ده كان في الهواء الطلق
|
#1324
|
||||
|
||||
رد: أدب الرحلات
الله يسلمك يا استاذ احمد وتقريبا النهاردة كده الحمد لله مفيش تسريب ربنا يستر لأن المساعدين هما كمان بيتمرجحوا ومستنى شويه علشان اغيرهم
__________________
د / محمد إن الله لا يصلح عمل المفسدين
|
#1325
|
||||
|
||||
رد: أدب الرحلات
ولا زلنا فى الضبعة
اهل البلد يعتبروا بدو حضر ( يعنى بدو بيسكنوا المدن) وكل الرجالة تقريبا ملتحين يرتدوا الجلباب القصير وتحته بنطلون ابيض ويضعون الغترة(بدون عقال) على رؤوسهم ولا يشذ عن هذه القاعدة الا قلة من الشباب الجديد تلاقيهم بيلسوا القميص والبنطلون (زينا يعنى) فى الشتاء يلسبون الصدرية فوق الجلباب ودى زى صديرى معمول من قماش العباءات ومطرزة بقطان على شكل رسوم بسيطة , كمان البعض منهم بيضع غطاء للرأس احمر او برتقالى غامق زى اللى بيلبسوه اخوانا الليبيين الستات كله اسود فى اسود يعنى عباءة سوداء ونقاب اسود بقماش تل خفيف (بضم التاء) وكانو لما يدخلوا حجرة الكشف يكشفوا وجوههن فى الأول لما شفت الشكل ده انا قلت ان ده ناتج عن التزام دينى ( زى جماعة انصار السنة كده) لكن اتضح ان ده عادة ليس لها علاقة بالدين يعنى هما بيلبسوا كده علشان هما كده واتعودوا على كده الراجل هناك بتجوز اكتر من واحدة ايوه اكتر من واحدة ( سامعنى يا أحمد بدر) وكنت تلاقى الست التعبانة جاية ومعاها واحدة تتسند عليها ولما اسأل تقولى دى ضرتى , ما شاء الله ايه الترابط الأسرى ده يعنى انتوا عايشيين مع بعض وأولادكوا مع بعض تقولى ايوه والراجل ممكن تلاقيه عنده 60 سنة ومراته كبيرة ويتجوز واحدة تانية فى سن أولاده ( واخد بالك يا فى بالى) ومخلف منها اولاد فى عمر احفاده الحياة هناك تحس ان انت فى غربة كأنك فى بلد غير مصر ولاقيت اهل البلد بيعاملونا على اننا جنسية وهم جنسية اخرى وكل نظرتهم لهذا الوافد الحكومى سواء طبيب او مهندس او مدرس او اى موظف حكومى على انه الحكومة المصرية جابت هنا لخدمتنا ومع الوقت لقيتهم بيقسموا الناس الى ثلاثة فئات الفئة الأولى : البدوييين وهم اهل مطروح ودول عندهم من افضل الناس الفئة الثانية : المصريين ( هما كانوا بيقولوا عليهم كده ) والمصريين دول من الجيزة وانت طالع يعنى القاهرة الكبرى والوجهة البحرى ومدن القناة ولما تستغرب وتسألهم اما انتوا مش مصريين يقولوا احنا بدويين الفئة الثالثة : أخوانا الصعايدة ومش عارف كانوا بيخلوهم فئة لوحدهم ليه مع انهم مصريين زينا زيهم ولما تتكلم معاهم ويتبحبحوا فى الكلام تحس ان انتماءهم الى ليبيا مش مصر ولا تستغرب انك تجد ناس منهم متزوجيين ليبيات او ليبيين متزوجيين من بناتهم لهجتهم صعبة اوى ولا يمكن تفهم حاجة من اتنين بدويين بيتكلموا مع بعض اللهم الا من بعض كلمة هنا او هناك وأول ما ابتديت اكشف على المرضى كنت لا افهم ماذا يقولون فكنت اجيب جنبى ممرضة قديمة فى المستشفى واقول لها ترجمى فاعرف شكوتهم ومع الوقت عرفت بعض كلامهم ومصطلحاتهم لكن طبعا لم اتقن لغتهم خالص يتبع
__________________
د / محمد إن الله لا يصلح عمل المفسدين
|
|
|