|
#1316
27-10-2010, 02:47 PM
|
|||
|
|||
رد: أدب الرحلات
قدرك بردك ماشي يا عم احمد يا ؟؟؟؟؟؟؟؟؟؟؟؟؟ بلاش خليها مفاجاة للاعضاء بعد العيد 
|
|
#1317
27-10-2010, 06:29 PM
|
||||
|
||||
رد: أدب الرحلات
ثانيا ميام دى مش دولة ولا حاجة دى الحروف الأولى من اسمى الرباعى فطلعت كده ثالثا لا يفتى ومالك فى المدينة حضرتك اعلم وادرى منى بمدن مصر ولفيت كتير واكيد تعرف اكتر من كده
__________________
د / محمد إن الله لا يصلح عمل المفسدين
|
|
#1318
27-10-2010, 06:54 PM
|
||||
|
||||
|
رد: أدب الرحلات
ونكمل
بعد ما خلصنا المعسكر كان لازم نرجع الشغل فى مطروح ولأن المعسكر كان خلص يوم 17/5/2000 وده كان يوم اربعاء قلنا مش مشكلة نروح مطروح يوم السبت وبالفعل اخدت الجواب من المعسكر اللى يفيد ان انا حضرته بالكامل ( امال الناس اللى فى مطروح هيعرفه ازاى طبعا لازم جواب علشان ميقلوش انا انا كنت صايع الأسبوعين دول فى بلاد الله ) ورحت المديرية واخدت الجواب لاستلام الشغل بالضبعة اللى انا اتوزعت عليها وطلعت على الطريق اركب اى مواصلة رايحة الضبعة ( هما قالو لى كده) ولقيت عربية رايحة اسكندرية راجع فاضى يلم الطريق وهو ماشى بدل ما يستنى الدور شاورت له رايح فين قلتله رايح الضبعة فين فى الضبعة قلتله عند المستشفى ( قال يعنى انا عارف جغرافية الضبعة) قالى انا مش هدخل الضبعة بس هقربك من المستشفى قلتله ماشى وركبت ملحوظه : الضبعة تقع تقريبا فى الوسط بين اسكندرية ومطروح وبالظبط 160 غريب اسكندرية و 130 كيلو شرق مطروح الطريق اخد حوالى اقل من ساعتين ولما وصلنا الضبعه السواق راح داخل لجوة شوية وبعدين وقف وقالى المستشفى هناك اهه قلتله شكرا ونزلت ادور فين المستشفى مش لاقى حاجه مبانى على الجانبين وبس فضلت ماشى ييجى نص كيلو ولقيت واحد سألته المستشفى فين قالى ادام شوية وببص لقيتها على بعد حوالى 200 متر الحمد لله وصلت بس الساعة كانت 1.5 ظ ولقيت واحد قاعد على البوابة فين مدير الإدارة فشاور لى على واحد رايح يطلع من المستشفى وراكب عربية نص نقل دوبل كابينة ( طلعت عربية المستشفى بس هو بيستغلها فى مشاويره ) قالى خير قلتلته انا اتوزعت على الضبعة وجواب المديرية اهه قالى حمد الله على السلامة اتفضل جوه فى سكن الأطباء وبكره تستلم لأن الموظفين روحوا يتبع
__________________
د / محمد إن الله لا يصلح عمل المفسدين
|
|
#1319
27-10-2010, 07:10 PM
|
||||
|
||||
|
رد: أدب الرحلات
سكن الأطباء اخدنى دكتور فى المستشفى ورحب بى ووصلنى للسكن السكن كان سكن جماعى شقة فى آخر المستشفى عبارة عن غرفتين وصالة وحمام وحيد ومطبخ انا هنام فين ( انا اللى بسأل) الدكتور الزميل : نقى اى سرير ونام عليه النظام هنا احلال واستبدال ( يعنى اللى موجود ينام مكان اللى نزل اجازة) يا سلام كده وانا اللى كنت فاكر انى هلاقى غرفة مجهزة مكيفة فى انتظارى ههههههههه بتريق طبعا ودخلت الحجرة وجدت فيها 5 سراير واخترت سرير طيب مفيش دولاب يا جماعة ببص لقيت كل الدواليب مقفولة باقفال ( كل دكتور من اللى قبلى مستولى على دولاب وقافله) طيب مفيش دولاب فاضى مفيش طيب ملابسى وحاجاتى دى اضعها فين وتذكرت واحنا فى المعسكر كلمة للسيد وزير الصحة اسماعيل سلام لما جه يزورنا آخر يوم قال ( الأطباء دول اولادى ولما اسكنهم فى مستشفى لازم يكون السكن افضل من سكنهم اللى فى منزلهم او على الأقل زيه) قلت يا عينى على الكلام المعسول هو سيادة الوزير لم يزر السكن هنا ولا ايه سلمت امرى لله وخليت حاجاتى فى الشنطة ودخلت اخذت دش كان نفسى فيه واتسطحت على السرير ونمت يتبع
__________________
د / محمد إن الله لا يصلح عمل المفسدين
|
|
#1320
27-10-2010, 08:21 PM
|
||||
|
||||
|
رد: أدب الرحلات
صحيت من النوم جعان عاوز آكل
سألت : هلى المستشفى مفيش فيها وجبات للأطباء الدكتور الزميل اياه : لأ مفيش احنا هنا اللى بنطبخ يا لهوى ايه ده هى دى مكافأة السبع سنين طب اشغال شاقة نفى الى محافظة نائية وسكن غير آدمى وكمان مفيش اكل , الوزارة دى فاكرنا ايه عمال تراحيل المهم قلت اخرج اجيب اكل واشوف ايه البلد دى اول ملاحظة وانت ماشى فى الضبعة مبانيها المبانى غير مرتفعة بالمرة يعنى دور او اثنين على الأكثر وكان فيه بيت وحيد اربعة ادوار وكل بيت مبنى فى حوالى ومتسور بسور من الطوب الأبيض الجيرى فى مساحة فدان ارض او اكبر كمان ومحلات البقالة والجزارة من اهل البلد البدويين ومحلات الخضر والفاكهة يملكها اخوانا الصعايدة وفيه مطاعم بدوية ممكن تشترى اللحم وتديه للطباخ اللى هناك يطبخه لك مع الرز والخضار وترجعله على الغدا تلاقى الأقل جاهز تقعد انت واللى معاك على الأرض وتاكل اهل البلد كان فيهم اللى بياكل بيده واحنا طبعا بالمعلقة شوارع مدينة الضبعة وااااااااسعة وطبعا لأن مفيش ازدحام فى البيوت زى مدن الوجه البحرى فالشوارع تقريبا فاضية من السيارات بالإضافة الى ان من يمتلكون السيارات من اهل البلد او حتى المغتربين قليل ايام ما كنت هناك كانت معظم العربيات نص نقل موديلات قديمة يعنى مفيش منها زيرو او موديل حديث وده لأن فى ناس عايشه فى القرى البعيدة التابعة للضبعة ودى معظم طرقها ترابة رملية او غير ممهدة فلازم عربية عالية وتستحمل كمان كانت بتنقل حاجيتهم من المدينة الى القرى والعكس والملاكى كانت الديو والهيونداى اكتر ماركتين منتشرين الكلام ده من 10 سنين الله اعلم الوضع ايه النهاردة
__________________
د / محمد إن الله لا يصلح عمل المفسدين
التعديل الأخير تم بواسطة miam0502788391 ; 27-10-2010 الساعة 09:15 PM
|
 |
|
|
