جمعة الغضب - تغطية لاحداث الثورة من 24 يناير 2011

المشاركة الأصلية كتبت بواسطة mido-spicy طريق مصر اسيوط ملىْ بسيارات النقل المحمله بالبلطجيه المسلحين المتجهين الى ميدان التحرير يذكر ان قيادات الحزب الوطنى ببعض المراكز والمدن دعت من امس الى هذا التجمع مقابل 100 جنيه لكل فرد منقول من الفيس بوك

المشاركة الأصلية كتبت بواسطة mido-spicy العينين قام بتخصيص مبالغ مالية للمشاركين فى ضرب المناهضين للنظام الحاكم كما ان بعض الشركات مثل شركة الكهرباء خصصت حافلات لنقل العاملين للهتاف للرئيس الفاقد للشرعية مبارك بعد ان رصدت شهر مكافئة لهم وتهديد بالفصل فى حالة الرفض . شبكة رصد

تعليق
لو كان الكلام دا صح
كان اتعمل من الاول
مش دلوقتي
وماكنش حسني مبارك قدم التنازلات اللي قالها
وكامن عملو كدة من الاول وريح نفسة
يا جماعه
الناس اللي اتحركت اه ممكن اتشجعت بس مش بالفلوس
اتشجعت بوقف الحال
ووقف الرزق
يعني ممكن يكون اتقالهم ان المتظاهرين دول اللي موقفين حال بالبلد
لكن فلوس وبتاع
ماظنش
مش كل كلام نشوفة ونسمعه نصدقة

[MmFFoR]

و دي صورة تانية علشان تصدق

http://www.aljazeera.net/news/KEngin...39608_1_34.jpg

[sad-bird]

دور بقى على صورة الوثيقة اللي حاطها رصد كده وشوفها لأني شوفتها
اي واحد لو ركز فيها دقيقة هيعرف انها لا قيمة لها أو لو واحد قرا قصص بوليسية اقل ما فيها هيقولك مضروبة والورقة كالتالي

ورقة معموله على الكمبيوتر وعليها شعار الشرطة وواحد ماضي عليها سري جدا ومكرمشه يعني كانت بتترمي في الزبالة مش بتتحرق ولا تتتقطع
أولا حاجة زي كده خرجت بره ازاي من غير ما تتحرق واول قاعده بيتعلموها النار تحفظ الاسرار مش بتتكرمش وتترمي في الزبالة او اي حته
ثانيا حاجة زي كده بيكون تعليمات شفهية ولا تكون مكتوبة لان اللي بيدي امر زي ده مش عاوز حاجة تسجل عليه
ثالثا شعار اي جهة رسمية لما بيتحط على ملفات اصلية او سرية بيتعمل علامة مائية على الورقة كلها مش على قد حتة الشعار الصغير اللي فوق الورق
رابعا شعار الشرطة بيتحطك على الورق الرسمي على اليمين فوق وبحجم اكبر من كده وبيتكتب الموضوع بخصوص والتاريخ والكود بيتكتب على الشمال ( دي قاعدة توثيق التراويس لاي ورق رسمي )
خامسا بالعقل والمنطق مين جاب الوقت ده كله علشان ينسق ويكتب الملف ده وبالصيغة بتاعته

خبر عجيب
علم الدستور الأصلي من مصادر رفيعة أن الفريق أحمد شفيق رئيس الوزراء على خلاف شديد مع الرئيس مبارك وعمر سليمان نائب الرئيس بسبب ما حدث صباح الأربعاء من الدفع ببلطجية إلى قلب ميدان التحرير للاعتداء على المتظاهرين بالأسلحة البيضاء والعصي والهروات والصواعق الكهربائية في محاولة لفضهم.

وقالت مصادر رفيعة للدستور الأصلي أن الفريق أحمد شفيق هدد بتقديم استقالته من منصبه اعتراضا على ما تم لأنه سيكون أول شخص يتحمل مسئولية ماحدث من إصابات أو وفيات للمتظاهرين لاسيما وأنه قال في تصريحات تليفزيونية مساء الثلاثاء أن سلامة المتظاهرين في ميدان التحرير "على رقبته".

وأضافت المصادر أن مبارك وعمر سليمان يحاولان الضغط على شفيق لعدم تقديم استقالته لأنه لو فعل هذا سيكون إعلانا نهائيا بسقوط النظام.
منقول الدستور الاصلي

ياسلام الاخ محررالخبر دا جن طبعا مش من الانس
والا ازاي عرف ببواطن الامور
طب لو هو كدا معرفش لية بخطابات مبارك من قبل مايقولها
والانكت من كدا ابراهيم عيسى (هيكل الجديد بتاع البرادعي) قالك ان مبارك قال كلمتة يوم الجمعه الساعه 5 مساء...واتذاعت بليل
دي ناس جنية بصحيح
!!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!

[_amr.mostafa_]

المشاركة الأصلية كتبت بواسطة sad-bird دور بقى على صورة الوثيقة اللي حاطها رصد كده وشوفها لأني شوفتها اي واحد لو ركز فيها دقيقة هيعرف انها لا قيمة لها أو لو واحد قرا قصص بوليسية اقل ما فيها هيقولك مضروبة والورقة كالتالي ورقة معموله على الكمبيوتر وعليها شعار الشرطة وواحد ماضي عليها سري جدا ومكرمشه يعني كانت بتترمي في الزبالة مش بتتحرق ولا تتتقطع أولا حاجة زي كده خرجت بره ازاي من غير ما تتحرق واول قاعده بيتعلموها النار تحفظ الاسرار مش بتتكرمش وتترمي في الزبالة او اي حته ثانيا حاجة زي كده بيكون تعليمات شفهية ولا تكون مكتوبة لان اللي بيدي امر زي ده مش عاوز حاجة تسجل عليه ثالثا شعار اي جهة رسمية لما بيتحط على ملفات اصلية او سرية بيتعمل علامة مائية على الورقة كلها مش على قد حتة الشعار الصغير اللي فوق الورق رابعا شعار الشرطة بيتحطك على الورق الرسمي على اليمين فوق وبحجم اكبر من كده وبيتكتب الموضوع بخصوص والتاريخ والكود بيتكتب على الشمال ( دي قاعدة توثيق التراويس لاي ورق رسمي ) خامسا بالعقل والمنطق مين جاب الوقت ده كله علشان ينسق ويكتب الملف ده وبالصيغة بتاعته

مين معانا هنا في المنتدى رئيس المخابرات ...