مخطط تصفيه الثوره ,,

[silverlite]

ثورة الغضب المصرية الثالثة


لن نلجأ للعسكر ليحمونا من المتأسلمين ولن نلجأ للمتأسلمين ليخلصونا من استبداد العسكر سنلجأ للثورة لتحمينا من استبداد الجميع.

يسقط حكم العسكر ويسقط خونة الشعب اللاهثين للسلطه

[silverlite]

Hazem Abdelazim

لابد ان اوضح بمنتهى الامانة موقفي من الاخوان !! هجومي الشديد عليهم الذي يستحقوه بجدارة واستحقاق منذ موقعة الكردون الاخواني ثم الميكروفون الاخواني وطالع في اكثر من موقف مخزي واستطيع ان اعدده ..احسب نفسي متابع جيد.. لايعني وجود شباب وافراد م...حترمين داخلهم ! قد يؤلمهم انتقادي وسخريتي ..الى هؤلاء الذين لا اعرفهم جميعا معذرة ..ولكن وجودكم تحت قيادة الارشاد معناه موافقتكم على هذه المواقف الغير مشرفة !! لقد خلقكم الله احرارا !!

[silverlite]

اعترافات جماعة 6 ابريل



الصراحة 6 ابريل زودوها على الآخر.. وفي الآخر وبعد تضييق ا...لخناق عليهم.. انهاروا واعترفوا : وده بيان باعترافاتهم في التحقيق .

عزيزي عضو اللجنة الالكترونية " أبناء المخلوع - محبي المجلس العسكري - متظاهرين مصطفى محمود.- روكسي - عباسية "
احنا هنقصر عليكم المسافات وهنعترف على نفسنا ..

ايوه يا سيدي احنا السبب في كل حاجة !

احنا اللي خربنا البلد ودمرناها بعد ما كانت بتنافس باريس وسويسرا .

احنا اللي فقرنا المواطن وغلينا عليه الأكل والشرب واللبس ورخصنا قيمته .

احنا اللي سرقنا البلد ونهبنا ثرواتها .. احنا شلة العصابة اللي مسكنا الحكم ودمرنا كل حاجة في البلد .

احنا اللي أصدرنا أوامر للشرطة بتعذيب واهانة كل مصري يدخل قسم الشرطة .

بصراحة كمان .. احنا كنا ناويين نورث السُلطة لأولادنا !

ايوه ... احنا السبب في احتراق 1000 مواطن في قطر الصعيد ومحدش اتحاسب , واحنا السبب في غرق 1100 مصري في العبارة .. وبرضه محدش اتحاكم ... واحنا كمان السبب في كارثة الدويقة وغيرها وغيرها .


لو تعرف واحد من الملايين المصابين بالسرطان او الأوبئة .. قول له ان حركة 6 ابريل هي السبب في دخول الكيماويات المسرطنه للبلد .

بصوا كدا ... ( بأوامر اسرائيل ) احنا اللي كلفنا النظام انه يعمل على انهيار مصر الاقتصادي والاجتماعي لدرجة انها تتسول المياه من الدول الافريقية !

نقوللكم حاجه كمان مش هتصدقوها ؟

احنا اللي بعنا غاز مصر لأسرائيل .. أصلنا عملاء أبا عن جد ... عادي بقى البلد بلدنا وكنا بنتصرف فيها كأنها املاكنا الخاصة .

وبالنسبة للتمويل ؟؟ ايووووووووووه على التمويل !

احنا بيجي لنا كل سنة معونة أمريكية.. مليار و500 مليون دولار ( محدش يعرف عنهم حاجة ) وبنشتري بيهم سلاح من امريكا كمان .

ايوه احنا ممولين وعملاء ... ولأننا جامدين جدا .. محدش في مصر قادر يثبت علينا حاجة .. لا النائب العام قادر يثبت ولا المخابرات العامة ولا المخابرات الحربية ولا المباحث العسكرية ولاحتى جهاز أمن الدولة , ولا البنك المركزي نفسه قادر يثبت علينا حاجة !

نزيدكم من الشعر بيت ؟
لما شوية العيال ( الممولين بتوع الاجندات البلطجية اللي عملوا علينا ثورة ) .. قررنا اننا نهرب ثروات مصر للخارج ومش هنرجعها !


وقررنا بعد الثورة .. اننا نعاقب شعب مصر بأكمله على الثورة اللي قام بيها ..

ايوه .... احنا اللي سيبنا البلطجية تقتل وتسرق وتذبح المصريين سنة كاملة .. علشان يخضعوا لينا في الاخر .

ايوه .. احنا اللي غلينا الاسعار للضعف بعد الثورة ... علشان تقولوا ولا يوم من ايامك يا مبارك .

ولما شوية العيال (البلطجية اللصوص الممولين الاجندات الجواسيس ) فضلوا مكملين .... وبسببهم بدأنا نتنازل كتير .... كان لازم نوقفهم عند حدهم

وكان الضرب بيد من حديد .. بعتنا لهم مدرعات تدوسهم , وبعتنا الجنود الأشاوس يعروا البنات ... ماتخافوش .. كله في سبيل مصر وحمايتها من العيال دي !

ونهيب بالسادة المواطنين الشرفاء ... أن يستمروا في سبابهم لنا فنحن - كما اعترفنا - السبب في كل ما كانوا يعانوا منه .. وأن يستمروا في الدفاع عن نظام مبارك الشريف العفيف ... مبارك ضحيتنا نحن العملاء المخربين .. مبارك الذي طالب بحريتكم .. مبارك الذي جعل لكم صوت انتخابي وكلمة مسموعة .. مبارك الذي يناضل يوميا من اجل حقوقكم .

[silverlite]

http://www.youtube.com/watch?v=EC_qp...layer_embedded

اغنيه الالتراس الجديده - غناء رامي عصام


فى بورسعيد ضحايا شافوا الغدر قبل الممات
شافوا نظام غير ما بينهم و الفوضى فى كل البلاد
كان فاكر حكمه يوم .. هيخليه اعلى مكان
و الشعب الثورى يركع للعسكر ده كان زمان
اطلق فى كلابك كمان و الفوضى فى كل مكان
... عمرى ما هديك الامان و لا تحكمنى يوم كمان

فى بورسعيد كلاب لما العسكر فتحوا الباب
انطلقوا و الفوضى عمت و قتلوا اغلى شباب
منهم كان المهندس و العامل منهم ولاد راحوا
و كان مناهم حكمك لاغى فى البلاد
اه يا مجلس يابن الحرام بعت دم شهيد بكام
لاجل ما تحمى النظام .. اللى انت منه كمان

[silverlite]