صيانة اكسيل مانيوال 1500 cc

[waelsalah]

السلام عليكم ورحمة الله
ازيك يا بشمهندس سمير يارب بخير علطول
وسلامى الى حسام وكل من ساهم معى برايه القيم ويارب تكونوا بخير علطول
ويارب ييسر لمصر الخير والرشاد
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي


السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟


مستنى ردودكم المفصله القيمه باذن الله تعالى
ولكم جزيل الشكر والامتنان

[samirayad]

السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟

أنا فهمت من كلامك أن الميكانيكى شغال حاليا

والمكنه راكبه مكانها فى حوض العربيه

تمام كده ولا لا ...........؟.

لو زى ما أنا فاهم

عمر مكنتك عادى وسيب قصة الفتيس والدبرياج حاليا

على مانشوف الجديد بعد عمرة المكنه

لأن وارد جدا

عمرة المكنه تحللك مشاكل كتير

وخصوصا فيما يتعلق بوجوجة الفتيس

لكونك أكتشفتم بساتم مكسره

[waelsalah]

المشاركة الأصلية كتبت بواسطة samirayad أنا فهمت من كلامك أن الميكانيكى شغال حاليا والمكنه راكبه مكانها فى حوض العربيه تمام كده ولا لا ...........؟. بالفعل الميكانيكي شغال لو زى ما أنا فاهم عمر مكنتك عادى وسيب قصة الفتيس والدبرياج حاليا على مانشوف الجديد بعد عمرة المكنه لأن وارد جدا عمرة المكنه تحللك مشاكل كتير وخصوصا فيما يتعلق بوجوجة الفتيس لكونك أكتشفتم بساتم مكسره يوجد وجوجه وخشونه فى تروس النقلات

طيب حضرتك فى اشياء ممكن اعملها من غير ما الميكانيكي يحس انى براجع وراه عشان اطمن
وهل حكاية تغيير البساتم دى عادى ولا معناه ان القديم اكل جزء فى الشمايز ووسعه وان الجديد ممكن يهرب ولا ده مش وارد
انا جايب بساتم استاندر بدون خراطه وجربها لاقاها مقاسها مظبوط
انا بس كنت عاوز رايك فى الفتيس والدبرياج عشان مفتحش تانى على نفسي مصنعيه جديده ولا ايه ولا راي حضرتك اكتفى بالمكنه حاليا
ولكم جزيل الشكر والامتنان

[samirayad]

ياوائل باشا

سيبها على الله

ولم تعمر وتجرب

هتلاقى خير بإذن الله

وقد لاتحتاج شيئا آخر بالنسبه للقلق من جهة الفتيس بالذات

[waelsalah]

المشاركة الأصلية كتبت بواسطة waelsalah 1-- طيب حضرتك فى اشياء ممكن اعملها من غير ما الميكانيكي يحس انى براجع وراه عشان اطمن 2-- وهل حكاية تغيير البساتم دى عادى ولا معناه ان القديم اكل جزء فى الشمايز ووسعه وان الجديد ممكن يهرب ولا ده مش وارد انا جايب بساتم استاندر بدون خراطه وجربها لاقاها مقاسها مظبوط ولكم جزيل الشكر والامتنان

ربنا يكرمك يا بشمهندس ويزيدك من علمه