ارشيف الاستراحة 2011

يعنى أيه سيس ؟
يعنى يصاحبك الأربع وينساك الخميس

يعنى أيه سيس ؟
يعنى الراجل بقى مان والسلام بقى بيس

يعنى أيه سيس ؟
يعنى وانت معاه متدبس احلى تدبيس

يعنى أيه سيس ؟
يعنى راح زمن الراجل واللى جاى زمن الخسيس

يعنى أيه سيس ؟
يعنى الوعد وكلمنى شكراً وبون سواريه واحاسيس

يعنى أيه سيس ؟
يعنى تندب حظك وتحط خيبتك فى كيس

يعنى أيه سيس ؟
يعنى الهيافة والتفافهة والخيابة بقى لهم منهج وتدريس

قانون المرور المصري
نرجو القراءة بتمعن سواء كان عندك عربية أولا.., من الأخر فتح دماغك

القاعدة الأولى:





لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!



ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!






القاعده الثانيه:





البوز بيز Booze Base: اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.





ملحوظة: لا تطبق الـ Booze Baseمع أي لوري أو أتوبيس ، حرصاً على بوزك لا مؤاخذة.






القاعدة الثالثة:





الإشارات تكشف نواياك للأعداء ، أياك أن تستخدمها!






القاعدة الرابعة:





لا تترك مسافة للأمان بينك و بين السيارة التي أمامك فهذا له عدة مخاطر:





1. عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية.





2. تعطي فرصة للعيال يعملوا غرز قدامك.





3. كل المشاة حيغمضوا عينيهم و يعدوا من الحته دي.





4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب.





الإشارات مش معمولة علشان تنظم المرور ، معمولة علشان شكل القاهرة يبقى متحضر بس!





اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أ و يفضل أن تستعمل البوز بيز ( راجع القاعدة الثانية ).






القاعدة الخامسة:





اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!






القاعدة السادسة:





معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!






القاعدة السابعة:





الشارع مكان مقرف ، سوق بأسرع ما يمكن حتى تتخلص من هذا الهم بسرعة ،





الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.






القاعدة الثامنة:





من حقوقك الدستورية أن تركن أمام باب المحل الذي تريد أن تشتري منه ، اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟






القاعدة التاسعة:





من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق.






القاعدة العاشرة:





إحترس من ثلاث أنواع من السائقيين بيسوقوا و كأنهم مش ممكن يموتوا:





1. العيال الروشين الي بيلعبوا Computer Gamesو فاكريين إن ممكن يكسبوا Lifeزيادة لو ساقوا أسرع.





2. موتوسيكلات توصيل الطلبات ( Home Delivery).





3. سواقين الميكروباص.





ملحوظة: إوعى تحاول تثبت لحد منهم إن فكرته غلط. فاهمني!!!.






القاعدة الحادية عشر:





لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.






القاعدة الثانية عشر:





الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.






القاعدة الثالثة عشر:





لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).






القاعدة الرابعة عشر:





من حقك أن تعبر الشارع في أي وقت و من أي مكان.






القاعدة الخامسة عشر:





اذا كان هناك سيارة قادمة اعمل نفسك مش واخد بالك و عدي براحتك خالص ،ما تخافش، هوا حيقف، هو اهبل يدوسك و يودي نفسه في داهية؟






القاعدة السادسة عشر:





اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.






القاعدة السابعة عشر:





حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق.






القاعدة الثامنة عشر:





الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة.






القاعدة التاسعة عشر:





إذا كان الماشي من فئة النقل الثقيل ، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة...

[احمد على 1999]

و من قبلها كمان للاسف

[AbOnOrA]

المشاركة الأصلية كتبت بواسطة hannibal لماذا تعاملت معي بهذه الطريقة، وأنا عنيت المعلومة نفسها بكلمة "كلام فارغ" ولا أعتقد أن فيها ما قد يؤذي، وإن كان من الأجدر التنويه على عدم نشر معلومة خاطئة، ويمكنك الرجوع الى ألف قاموس لتدرك ما أعنيه يا أستاذ نبيل، ولم أقصد أبدا الإساءة وهذا ما قلته في خاتمة مشاركتي لو لاحظت، ولو أن الأمر فيه أي شبهة إساءة فإني أعتذر، أنا فقط شاركت من باب تصحيح المعلومة، وأعتقد أن هذا من حقي لو كان فهمي لكلمة "منتدى" صحيحا، أم أن المنطق هو نشر المعلومة الخاطئة دون تصحيح؟ مرة أخرى انا اعتذر بشدة للجميع

اسمحلى يا استاذ حنبعل

تصحيح حضرتك للمعلومة او تاصيلها محمود بالطبع ونشكرك جميعاً عليه

لكن للاسف ده كله جه فى غلاف من السخرية والتهكم والهجوم الشخصى على الدكتورة هبة

فحضرتك بدات المشاركة بــ ( كلام فارغ )
وختمتها بــ (ولكن يؤسفني بحق أن تتحدث من تضع قبل اسمها حرف (د)، فلو كان "الدكتور" يفكر بمثل هذا المنطق في نقل المعلومة، فهذه ضربة تحت الحزام بحق للعلم ذاته، وضربة "محسوسة جدا" كما يقول شكسبير لويليام أوسلر ذاته.)

وده اعتقد تجاوز صريح لموضوعية الحوار وتعدى على شخصيات المشاركين فيه

وهو ما لا يصح طبعاً

[AbOnOrA]

هى طريقة احتفال تبدو مضحكة للوهلة الاولى بس فيها قيمة انسانية كبيرة فعلاً

وبعدين برضو الصابونة والطبق البلاستيك اوفر بكتيييييييير من هدايا عيد الام بتاعتنا