ارشيف احداث عام 2009

[M7md_S3d]

المشاركة الأصلية كتبت بواسطة Romeeoo بلاش الهجوم ده انته اكيد عارف ان ده مش قصدى طبعا انا عايز اقول ليه هما ماعملوش زينا لما اتقتلهم هنا كام واحد فى العمليات الإرهابيه؟ ياريت حد يجاوب على السؤال ده لأنه مهم اللى اقصده انه بلاش الكلام يوصل لمقاطعة المانيا والموت لألمانيا ولو شفناكم حاندبحكم يا المان فيه طرق دبلوماسيه كتيره بس المشكلة ان الدبلوماسيه بتاعاتنا عرجاء ابسط حاجة اننا ممكن نستغل الموضوع ونطلب من المانيا مثلا نزع جميع الألغام على حسابها ومسئوليتها الخاصة مقابل تحسين صورتها بعد المشكله دى وشوفوا اسرائيل والتعويضات اللى بتنهبها ماحدش قال منهم الموت لألمانيا مش احسن برضوا اننا نقعد نردح لبعض

يا استاذى الفاضل العنصرية ضد العرب والمسلمين عامة فى اوروبا كبيره
ولو تفارن دلوأتى بأيام الحرب العالمية التانيه حتلاقى حال اليهود ساعتها مشابه لحالنا دلوأتى
بس اليهود طلعو واعيين وقدرو باساليب ضغط عديده انهم يخدو حقهم وصدر قانون ضد معاداة السامية واللى يعتبر من القاونين اللى مفيش فيها نقاش فى معظم دول أوروبا رغم كراهية اليهود الموجوده حتى الان هناك بس مفيش حد قادر يفتح بقه
الغرض من التحركات اللى حصلت بعد وفاة الشهيده مروه مش الردح زى ما حضرتك بتقول
الغرض أخذ موقف من قبل حكومات الدول اللى حرمت معاداة السامية وعلى رأسها المانيا واستصدار قانون مماثل يضمن حق المسلمين العيش فى سلام هناك
أرجو تكون فهمت قصدى

[farrag]

ياجماعه الخير
يعنى بعد كل ماقيل فى هذه القضية لسه بتسألوا هو جاب الفلوس دى منين ،
لما كان بيأخد متر الأرض بقروش قليلة ويبيع المتر بأربع وخمسة الأف جنيه
عرفتوا بقى جاب الفلوس منين .
والســـــــــــــــــــــ ـــــؤال الأن هــــــــــــــــــو :
لو كان خصص من كل متر أرض مائة جنية لبناء مساكن أقتصادية لمحدودى
الدخل بدلآ من صرف الفلوس دى على سوزان والسكرى مش كان لقى الأن
مليون واحد يدعون لـــه بالنجاة .
وبرضـــــــــــــــــــــ ـــــــــــــــــــــــــ ــــــــه
وقت الأزمه بيفكروا يدفعوا مليار دولار لأهل سوزان مــــــش للفقــــــــــراء
ونســـــوا ان الله بيده ملكوت كل شئ يحى ويميت وهوعلى كل شئ قدير .
أخـــــــــــــــــــــــ ــــــــــــــــــــــيرآ
( أذا ضـــــــــاع الأيمـــــــــان فــــــــــــــــلا أمـــــــــــــــــــــان )

[د0تامر محمد]

13/7/2009
************
*الولايات الاوبامية تخفض المعونة العسكرية لمصر بمقدار 260 مليون دولار!!
شوية فكة فوق المليار ولا داعى للغضب أو الزعل لمجرد مبلغ تافه بيتلهف من البنوك ويافكيك وبيندفع رشوة أو سمسرة لمسئولين كبار او يذهب فى هد طريق لم يمر على رصفه أيام لتركيب خط أنابيب

*أوقفت وزارة الزارعة شحنة قمح قادمة من أوكرانيا تحتوى على بذور القناب(الحشيش)!!
قمح متكيف فاخر عالى المزاج للاكل
قمح منتج عالى الايراد للزارعة
صحيح خسارة اقتصادية

*شباب الاخوان رفعوا شعار لا نريد مهدى عاكف ونحن نرفع شعار لا نريد الجماعة ولا الحكومة ولا الاحزاب ولا باقى الجماعات والمنظمات والجمعيات 00كفاية كده جبتنوا ورا
انسف حمامك وكل شقتك القديمة

*حكمة
قد يكون هذا الشىء تافه وغير مؤثر فى حياتك وترى ضرورة عدم وجوده لكنه بالنسبة لآخر قد يمثل حياة

[Romeeoo]

المشاركة الأصلية كتبت بواسطة M7md_S3d يا استاذى الفاضل العنصرية ضد العرب والمسلمين عامة فى اوروبا كبيره ولو تفارن دلوأتى بأيام الحرب العالمية التانيه حتلاقى حال اليهود ساعتها مشابه لحالنا دلوأتى بس اليهود طلعو واعيين وقدرو باساليب ضغط عديده انهم يخدو حقهم وصدر قانون ضد معاداة السامية واللى يعتبر من القاونين اللى مفيش فيها نقاش فى معظم دول أوروبا رغم كراهية اليهود الموجوده حتى الان هناك بس مفيش حد قادر يفتح بقه

وانته حاتعمل ازاى كلام زى ده بمجرد مظاهرات شعبية جوه بلدك؟!
لازم اساليبب دبلوماسيه وتخطيط للوصول لمراكز اتخاذ القرار فى البلاد دى

المشاركة الأصلية كتبت بواسطة M7md_S3d

المشاركة الأصلية كتبت بواسطة M7md_S3d الغرض من التحركات اللى حصلت بعد وفاة الشهيده مروه مش الردح زى ما حضرتك بتقول الغرض أخذ موقف من قبل حكومات الدول اللى حرمت معاداة السامية وعلى رأسها المانيا واستصدار قانون مماثل يضمن حق المسلمين العيش فى سلام هناك أرجو تكون فهمت قصدى

اديك خدت موقف ايه النتيجة؟

حضرتك مارديتش على سؤالى دول اوربا بتعمل ايه لما يموتلها كام واحد عندنا بسبب التطرف؟ وبتعمل كده ليه؟ وايه النتيجه اللى عملوه؟

[gadix]

واشنطن – قالت كاتبة ومحللة أمريكية بارزة إن المشهد السياسي المصري يشهد تشكلا حول خلافة الرئيس حسني مبارك في مصر الذي تدور انباء عن احتمال تنحيه عن السلطة قريبا.
ورصدت الكاتبة والمحللة الأمريكية هيلينا كوبان في تحليل لها العديد من التقارير الصحفية الأسبوع الماضي التي ألمحت إلى أن الرئيس مبارك يمكن أن يقوم بحل البرلمان وإجراء انتخابات برلمانية كخطوة مسبقة لتنحيه عن السلطة.
وأشارت كوبان على مدونتها على الإنترنت إلى ما نشرته صحيفة معاريف الإسرائيلية هذا الأسبوع من احتمال تنحي مبارك عن الحكم قبل انتهاء فترة ولايته في 2011.
وأشارت أيضا إلى ما بثته مواقع عربية على الانترنت من أن الرئيس مبارك أخبر الملك عبد الله، ملك السعودية، مؤخرا بنيته التنحي عن منصبه.
وقالت كوبان في تحليلها : "في ظل دور مصر المحوري في جميع شئون الدبلوماسية الحالية، بشأن المصالحة بين فتح وحماس، وتبادل الأسرى الفلسطينيين والإسرائيليين، وتعزيز وقف إطلاق النار في غزة، فإن ضعف قبضة مبارك يمكن أن تكون له عواقب خطيرة".
وأضافت: "إذا تم تصديق هذه التقارير بشكل واسع داخل النخبة السياسية التنبؤية في مصر، فإن هذا يمكن أن يؤدي بسهولة إلى شحذ الصراع على خلافة مبارك".
وذهبت كوبان في تحليلها الذي نشرته في 8 يوليو الجاري إلى أن هذا الصراع "عادة ما يتضمن نجله جمال والمسئول الأمني الأول عمر سليمان" مشيرة إلى أن الأخير يتولى العديد من الملفات المهمة، وخصوصا فيما يتعلق بالعلاقات المصرية مع إسرائيل، والمصالحة الفلسطينية.
وتعزيزا لوجهة نظرها اعتبرت كوبان أن الضربات الأخيرة التي قامت بها السلطات المصرية ضد من وصفتهم بـمجموعة من القيادات الرفيعة بجماعة الإخوان المسلمين"يمثل " الجهود السياسية لصراع ما قبل الخلافة، الذي ربما يكون قد بدأ".
وأضافت أن مصر "ليست وحدها الدولة ذات الوزن الثقيل والحليفة للولايات المتحدة في العالم العربي التي تواجه تحديات وشيكة فيما يتعلق بالخلافة، فالأمر موجود في السعودية أيضا".
وتابعت تقول: "إن أملي العميق من أجل شعبي البلدين ألا تكون صراعات الخلافة هذه عنيفة أو مخلة بالنظام بشكل كبير، وأن تستطيع أن تقود البلدين إلى صعود أنظمة حكم أكثر استجابة لحاجات مواطنيها".
وختمت كوبان بالإشارة إلى أن العديد من الأشياء المتعلقة بالهياكل السياسية للمنطقة، والتي اعتادت النخبة السياسية الأمريكية أن تأخذها بشكل مسلم به خلال الـ15 إلى 20 عاما الماضية، ربما أصبحت الآن موضع شك".
وتعليقا على تحليل كوبان قالت منظمة "مشروع الديمقراطية الشرق الأوسط" (بوميد): "هذه الأخبار من الأهمية بمكان، حيث تشغل مصر حاليا دورا محوريا في المصالحة الفلسطينية، ووقف إطلاق النار في غزة، والعلاقات العربية الإسرائيلية".
وأضاف تقرير للمنظمة، التي تراقب العالم العربي، الاثنين أن قيام الحكومة المصرية بإجراءات صارمة ضد جماعة الإخوان المسلمين "ربما يكون له دلالة على وجود مناورات سياسية تجري خلف الستار في القاهرة".
المصدر: وكالة أنباء أمريكا إن أرابيك
اقرأ أيضا:
أيمن نور: خبرة جمال مبارك تؤهله لرئاسة بنك وليس مصر