رابطة ملاك ومحبى السفينه فيات 132

[mOuStaFa_ERTU]

المشاركة الأصلية كتبت بواسطة ِAhmed Gamal الف شكر يا أيمن و الف شكر يا مصطفى .. ربنا يطمنكوا ... طب و موضوع قطع الغيار و الكرونا حد فيكوا حس بمشكلة او صعوبة انه يلاقيها ؟؟

يا ابو حميد لا شكر على واجب
قطع الغيار متوفرة والحمد لله واسعار كويسة كمان
اما القطع الثقيلة مثل الات الجر والفتيس والمواتير متوفرة برضه بس فى اماكن معينة زى عزبة شلبى والوكالة وبنك الاسكان ببورسعيد

واحنا لسه شارين كارونه 131 من شلبى ومتوفرة لا تقلق
واى حاجة عاوزها اكتبها بس ويكون عندك الرد باسرع وقت

[أيمن الروبي]

المشاركة الأصلية كتبت بواسطة shoman011 والله كل ذوق واحترام والف الف شكر ليك على الرد السريع بس معلشى يا ايمن استحملنى شوية ... انا كنت عايز اعرف العربية هتصرف كام سمكرة ودوكو . انا عارف انك لازم تشوف العربية بس انا هحاول اقولك على فيها هى البوية من برة فيها حتت ضاربة بس ما فيش اثر بارومة من الخارج والبارومة الى موجوده فى العربية ماسكة فى تحت الابواب من الداخل الى هى تحت الفرش بس مش متاكلة يعنى محملة بس شكلها عاملة زى المصديه وكمان الشنطة فيها شوية من جوة بس انما الحوض تمام يعنى 10/10 مفهوش الهواء والقوايم تمام والسقف والكبوت تمام يعنى انا كنت عايز اظبط شكلها من برة بس والشنطة من جوة وحكاية الابواب دى فكنت عايز اعرف الميزانية بالتقريب هتكلف كام مش شرط التكلفة بالظبط انما بالتقريب يعنى اعمل حسابى فى حوالى كام علشان بجد انا بأذن الله اول ما انوى هنزلك الجيزة عندك علشان تعملهالى معلش انا هتعبك معايا والف شكر ليك مرة تانية

اولا احلي صباح لأحلي رابطه ويارب تكونو بأحسن حال
اولا بالنسبه للبويه طالما في اماكن ضاربه معجون كده يبقي العربيه محتاجه تتشال علي الصاج علشان المعجون مفلق وملوش علاج غير انه يتشال وتتمعجن تاني علي نضافه وبعد كده يتصفي علشان ميطقش تاني
كمان حضرتك مقولتليش العربيه لونها ايه ومتالك ولا ساده علي ولو متالك هتاخد ورنيش نوع جيد وخصوصا حضرتك من اسكندريه علشان الملح اللي في الجو عندكو ولو ساده هنديهالك وش ورنيش برده علشان الملح اللي في الجو علي العموم لازم اتفرج علي العربيه الاول لو بويه متالك من 1500 - 1800 حسب الشغل ولو ساده من 1300-1500
ثانيا السمكره مينفعش اديلك رقم تقريبي إلا لما اشوفها

[yabulaila]

المشاركة الأصلية كتبت بواسطة أيمن الروبي يشرفني يا جماعة انضم لهذه الرابطة وياريت لو يتم التثبيت الاسم :Aimooo السيارة : 132 كداب 2000 السعة اللترية : 1600 سي سي اللون : اخضر ونفسي اي حد معاه 132 ويعمل فيها حاجة يقولنا انا هبتدي بحاجات كنت عاملها قريب وفاكرها 1-غيرت السيرفو بتاع العربية عشان كان بايظ استيراد متغيرلوش طقم قبل كده 120ج 2-غيرت خزنة زيت باكم 2 مخرج 25ج 3-غيرت سير كاتينة 144 سنة اصلي 90ج 4-غيرت طقم بلي يوغسلافي امامي 80ج والالماني 250ج بس جبت يوغسلافي حلو 5-غيرت رادياتير 3ماسورة نحاس بالتركيب 340ج بس مخلي العربية تلاجة الحمد لله لو افتكرت حاجة تانية هقول لحضراتكو عليها

ممكن اعرف جبت الردياتير منين لأنى عندى مشكله معاه و محتاج اغيره ضروري

[mOuStaFa_ERTU]

المشاركة الأصلية كتبت بواسطة yabulaila ممكن اعرف جبت الردياتير منين لأنى عندى مشكله معاه و محتاج اغيره ضروري

لو انت من القاهرة علييك وعلى السبكى اكبر مورد وموزع ريداتيرات فى مصر كلها
وعنوانة : ش احمد عرابى - عين شمس الشرقية
وعندة ريداتيرات خليجى كمان ده لو عايز تشغل التكييف

[esame55]

يشرفني الانضمام للرابطه وان كنت متابع لاكثر من عامين عندي 132 1600 موديل 74 جددتها بالكامل كل شيئ ولكن العربيه مش حباني خالص تقريبا غيرت كل حاجه فيها سمكره دوكو عفشه كوتش
العربيه مكيفه تكييف سنديان مش بتعها كومروسر 507 مكنش مشحون ولما شجنته اشتغل شهر تقريبا والمتور رزع سبيكه مع ان قبلهاكان كويس مفهوش حاجه ودلوقت بعمره لاني لقيت البستم 1 لدع سبيكه الكل عمال يقلي ان التكييف حمل علي المتور وهو الي بوظه ولازم تشيله حتي الميكانيكي هل ده صح بس انا عايزه ايه الصح لا تبخلو عليه
اه نسيت اقول ان الويت الي حطيته تقريبا كان مغشوش موبيل الاسود لان عمل 300 ك ونزل ميه بعد المكنه مباظت وميش لزوجه