رابطة ملاك ومحبى السفينه فيات 132

[محمدصلاح القاضى]

المشاركة الأصلية كتبت بواسطة mostafa3tef حبيبى يا قاضى هيا دى بقة سماعة الطبله ؟؟؟ يا: 1- ده صب ووفر 2- لو ركب بين السماعتين حيبقى ملهوش اى 30 لا زمة عشان المفروض يتحط فى صندوق بمواصفات خاصة (( موجودة فى الكاتالوج بتاعه )) ولازم GM عشان يقومة لان الكاسيت يادوب هيديلوه كهربا تزغزغه

طبعا يا مصطفى واضح من كلامك انك اكتر منى خبره فى المواضيع دى
لكن من ناحية subwoofer فهو مشهور فى الوسط الداراج باسم ( الطبله & الحله ) تخيل بقا !!!
واحنا بنركبه عندنا فى طنطا هنا ع طول وعامل شغل ابن لذينه
وكمان فى ماركات منه واخر مره شوفته كان فى عربيه كريستاله وكان بايونير وكان عامل دبه بنت لذينه ومخلى اللى قاعد ورا ودانه هتطرشأ من البيز مع GM سيمفونى وسماعتين بيضاوى صينى بس صوتهم كويس
ومن ناحيه زنة السماعات عشان سلوك البوجيهات دى معروفه جداااا ان السلوك تعبانه لكن لو غير توصيلات السماعات بس بنوع بينباع فى السوق عند بتوع الكاسيت والسماعات هتطلب منه سلك سماعات هتلاقى السلك شعره فضى ودا مش بيطلع زنة سلوك البوجيهات فى السماعات او على الاقل بيقلل من الزنه واهم موضوع برضه انك توصل الموجب مع الموجب والسالب مع السالب تقريبا على حد علمى عشان ما تفقدش ال WATT بتاع الكاسيت

المشاركة الأصلية كتبت بواسطة mostafa3tef واخيرا انا مش قصدى حاجة والله ولا قصدى اتفشخر بكلمتين حافظهم ابدا والله بس ده بحكم شغلى وحكم انكم حبايبى واللى انا بقوله ده شغل البروفيشنال وده الصح واى حاجة غير كده هتشتغل بردة بس هتبقى حمادة بالجنزبيل وانوى انت يا ايمن وان شاء الله هجيبلك بالفلوس اللى معاك حاجه كويسة وعلى زوئك وانت سمعت الصوت فى عربيتى عامل ازاى فاكيد انت فاهم قصدى

بص يا ايمن خليك مع مصطفى لانه شكله غاوووووى وفاهم اووووووى فى الحورات دى وايده فى السوق وعارف ايه الجديد والمضروب من الاصلى
وياريت يا درش تقول شويه معلومات نستفيد منها وخصوصا انك اكتر واحد فاهم اوووى فى الحورات دى وازاى اكسب WATT السماعه من غير ما اخسر حاجه منه وازاى اخلى الكاسيت صوته كويس رغم انه ماركه بس قديم من ايام الكاسيتات ام شرايط

[mOuStaFa_ERTU]

111111

[shoman011]

مساء الفل على احلى رابطة واجدع اعضاء فيها
وتحية خاصة لــــ اتش - والقاضى - ومصطفى - وايمن - ومستر ادمايرز
اولا انا كنت متابع الرابطة اول بأول بس مكنتش بقعد كتير وده بسبب بداية الدراسة ودى اخر سنه ادعولى بقى
المهم العربية عندى مركونة من حوالى شهر ونص لانها كانت عايزة تتفحص وتتجدد الرخصة ومصطفى ربنا يخليه اتصل بى وقالى على الحوار ده وفهمنى النظام بس المشكلة انى مكنش معايا فلوس كفاية .
والحمد لله ربنا كرمنى اليومين دول بمبلغ 2200ج بس لاقيت العربية عاوزة شوية شغل فيها ومش عارف اذا كان المبلغ ده هيقضى الشغل الى فيها ولا لا
والشغل الى عايزاه العربية هو كالاتى:-
اولا تجديد الرخصة وفحص السيارة
2- شغل سمكرة ودوكو علشان البارومة الى فيها ( عموما هى شكلها مقبول بس فى حبه بارومة فى الابواب من الداخل)
3- شكمان كامل بالمشترك ( علشان الشكمان الى فيها منتهى من زمان )
4- بوجيهات وابلاتين وكوندنسر ( علشان العربية سحبها قل اوى الايام دى)
5- تيش عجل امامى ( وده علشان التيش اتكسر منى من حوالى شهرين ولحمته لحام )
6- مساحات لزجاج الامامى ( لان المساحات القديمة متكسرة ومش هينفع تركب تانى )
7- غيار زيت وفلتر ( علشان العربية كانت مركونة والزيت انا حسيته خف شوية)

المهم انا كنت عايز اعرف ايه المفروض اعملة بالترتيب والاهمية يعنى ابتدى باى حاجة الاول
كنت عايز اعرف المبلغ الى معايا هينفع اعمل بيه الحاجات دى ولا مش هيقضى وكنت عايز اعرف اسعار الحاجات دى

ياريت تنجدونى لانى عايز اخلص من الحوار ده لانى انا معايا 3 ايام بس والمفروض اخلص فيهم كل حاجة

معلش انا طولت عليكم والف شكر ليكم ولتعبكم معايا

[mOuStaFa_ERTU]

المشاركة الأصلية كتبت بواسطة محمدصلاح القاضى طبعا يا مصطفى واضح من كلامك انك اكتر منى خبره فى المواضيع دى لكن من ناحية subwoofer فهو مشهور فى الوسط الداراج باسم ( الطبله & الحله ) تخيل بقا !!! واحنا بنركبه عندنا فى طنطا هنا ع طول وعامل شغل ابن لذينه وكمان فى ماركات منه واخر مره شوفته كان فى عربيه كريستاله وكان بايونير وكان عامل دبه بنت لذينه ومخلى اللى قاعد ورا ودانه هتطرشأ من البيز مع GM سيمفونى وسماعتين بيضاوى صينى بس صوتهم كويس ومن ناحيه زنة السماعات عشان سلوك البوجيهات دى معروفه جداااا ان السلوك تعبانه لكن لو غير توصيلات السماعات بس بنوع بينباع فى السوق عند بتوع الكاسيت والسماعات هتطلب منه سلك سماعات هتلاقى السلك شعره فضى ودا مش بيطلع زنة سلوك البوجيهات فى السماعات او على الاقل بيقلل من الزنه واهم موضوع برضه انك توصل الموجب مع الموجب والسالب مع السالب تقريبا على حد علمى عشان ما تفقدش ال WATT بتاع الكاسيت بص يا ايمن خليك مع مصطفى لانه شكله غاوووووى وفاهم اووووووى فى الحورات دى وايده فى السوق وعارف ايه الجديد والمضروب من الاصلى وياريت يا درش تقول شويه معلومات نستفيد منها وخصوصا انك اكتر واحد فاهم اوووى فى الحورات دى وازاى اكسب WATT السماعه من غير ما اخسر حاجه منه وازاى اخلى الكاسيت صوته كويس رغم انه ماركه بس قديم من ايام الكاسيتات ام شرايط

والله يبنى فعلا دى كانت اول مرة اعرف ان اسمة طبلة
المهم الصب ووفر من غير صندوق زى السرينة من غير بووق تصدق حلوه
لاء بجد الزنة انواع فيه زنة لما تعلى الصوت وفيه زنة لما تعلى البيز بس وفيه زنة بتسمع فيها صوت الموتور ودوسة البنزين وكل واحدة فيهم ليها سبب مختلف عن التانى
وعلى فكرة السلك النحاس اقوى بس مش اى نوع (( شعر 1 او 2 ميللى )) وياسلام لو من السويدى
وفيه نوع تانى عند الكهربائية برضوه كويس والمهم برضه (( الشيلد )) اللى حوالية عشان يستحمل السخونة والفرك والشغل ده وفيه حاجات جاهزة اللى بتيجى من السماعات والتجار بيقلبوها من السماعات الاوريجنال
وموضوع توصيل السالب بالسالب والموجب بالموجب ده ضرورى طبعا والا الصوت هيبقى بطيخ يعنى لما تشغل السماعه اليمين بس هيبقى تمام ولو شغلت الشمال بس هتبقى تمام انما لو السماعتين اشتغلوا مع بعض الصوت هيبوظ ومش هتسمع بيز
والموضوع ده اسمة (( السماعه قالبه فييز ))

وان شاء الله لما ابقى رايق هعمل موضوع مفصل عن السماعات وكل ما يخص الصوتيات
ولحد ما اكتبه اللى يعوز اى حاجة يكلمنى وان شاء الله اشرحلة كل اللى يعوزه بالتفصيل

[ِAhmed Gamal]

السلام عليكم يا اجدع رابطة في اجدع منتدى ربنا يخليكوا لل 132 والله
انا كنت لسا جديد نوفي في موضوع العربيات ده و كنت بدور عل عربية ابدأ بيها و متتعبش دماغي زي ال 128 ... و من كتر كلامكوا على 132 حبيتها من قبل ما اشوفها ... بس لما جيت اسأل اقلولي متشتريهاش عشان الكرونا و قطع الغيار و استهلاك البنزين و اقلولي كمان ال128 احسن .... فا انا اقولت اخود رأيكوا في الموضوع ... و استفيد من خبراتكوا ... لسا ال132 بجابروتها ولا ايه ؟؟