صوت المحرك عالي

[lonedoctor]

الحقيقة ان الموضوع مازال له بقية فقد قمت بصيانة 5000 كيلو الشهر الماضى فى اجازة قصيرة لمصر وقد لاحظت بعد التليين لهذه القيمة انخفض صوت المحرك العالى بعد 120 ك/س بنسبة 50% عن ما كان وهذا امر ممتاز
بالنسبة لمركز الصيانة هو موش مهتم بالموضوع ده خالص ويمكن عنده بعض العذر لانه هذا سيستغرق وقت طويل جدا ومن الصعب ان يتم عمله لكل سيارة وانا لما سالتهم على الموضوع ده قالوا انه بيتم بعد اول 20000 كيلو
تقبلوا تحياتى

[tifa_1979]

كلامك مظبوط انا فعلا لاحظت ان صوت المحرك اقل بعد صيانة 5000 الالف
بس انا كنت عايز اسئل على حاجه
مكتوب فى التوكيل ان البطارية المفروض يتعملها صيانه كل شهر بس للاسف ان معملتش الصيانه ديه خالص
برجاء اى شخص لديه هذه البيانات ان يرسلها لى علشان اعمل الصيانه للبطارية

[karii83]

انا ياجماعة كنت بعاني من مشكلة غريبة بقى مختلفة عنكم انا العربية من اول مااخدتها اولا كان صوت المتور مش عالي ولطيف جدا بس الغريب اوي ان صوته مزعج وعالي جدا جدا جدا بين ال105 وال 120 واللي حيفرسني بقى بجد ان بعد ال 120 الصوت بينزل ويبقى ولا كاني ماشي
المهم بعد صيانة ال5000 قررت نهائيا مفيش توكيل ولا صيانة تبع التوكيل رجلي حتروح ليهم تاني وقلت اجرب زيت شل10000 دلوقتي بقى اللي حصلي ان صوت الموتور بقى عالي في كل السرعات من الاتاني لحد الخامس وبقيت مش عارف بجد اعمل ايه وزهقت فعلا

[aymanlaw]

شوف التوكيل وربنا يوفقك

[lonedoctor]

شوف الموضوع ده من اكثر المواضيع التى اثرت منتدى السيارة بى واى دى وشارك فيها الجميع مشاركات اكثر من رائعة والحقيقة بعد مرور وقت طويل جدا على هذا الموضوع حدثت بعض التطورات ولكن لم اذكرها فى هذا الموضوع لتكتمل الفائدة
منذ حوالى 5 شهور لا حظت انه بعد سفرى الى الاسكندرية ارتفع صوت المحرك بشكل مزعج المهم غيرت نوع الزيت اللى فى السيارة بشل الاصفر 5000 كيلو فانخفض الصوت ولكن ليس كما كنت احب وسافرت الى السعودية وتركت الموضوع كما هو
بعد سفرى كانت زوجتى هى التى تستخدم السيارة وفجاة وهى سايقة السيارة لاحظت ارفاع الصوت بشكل مخيف وانخفاض السحب بشكل كبير فذهبت للكشف عليها عند احد الورش المجاورة للبيت فاكتشفت انه هناك كسر فى احد علب الشكمان وقامت بلحامه
بعد اللحام انكتم صوت السيارة بشكل رائع واصبح فى مستوى اقل من اى وقت منذ شراءها اساسا
بعد نزولى بفترة الى مصر فجاة بدأ يعلى الصوت تانى بشكل موش مريح فذهبت الى احد ورش الشكمانات للكشف عليها فاكتشف انه العلبة الوسطى للشكمان بايظة على الاخر
قمت بتغييرها بعلبة لانسر استيراد اصلية وبتجربة السيارة اكتشفت انخفاض صوت السيارة بنسبة 60 الى 70 فى المية وده كان مفاجأة كبيرة لانى اكتشفت انى ماشى بالشكمان بايظ من فترة طويلة وهو ده سبب ارتفاع الصوت بنسبة 80 فى المية والمذكور فى هذه المشاركة وليس صوت المحرك
قال لى الصنايعى بتاع الشكمان لو لسة الصوت موش عاجبك وعايز تكتمه اكتر فى مكان ينفع نزود فيه علبة شكمان اضافية هيخلى الصوت يختفى خالص لكن انا كسلت اعمل الموضوع ده
هناك شئ اضافى وهى عدم وجود بطانة للكبوت وهى تشارك فى كتم صوت السيارة بشكل افضل
الخلاصة انك لازم تكشف على الشكمان واكيد هتلاقى فى خرم صغير او كسر فى احد العلب ونصيحة غير العلبة خالص بنوع اصلى وموش هتصدق الفرق فى الصوت هيكون ازاى عن تجربة
ركب فرش للكبوت
اخر حاجة فيه عملية عزل بتتم للسيارة بتركيب فرش جديد فيه لباد وفوم ويوجد مشاركة لاعضاء نيسان بخصوص هذا الموضوع ولو كمان عملت الموضوع ده تاكد من انخفاض صوت السيارة بنسبة 80 فى المية على الاقل
تقبل تحياتى