مين نازل يوم 30|6 ؟؟؟؟؟

[eljazeera77]

يا جماعه احنا هنا مبنحللش اداء الحكومه ولا اداء مرسى احنا هنا علشان نقول قواعد شرعيه محترمه للترشح وللعزل وللانتخاب يعترف بيها الجميع انا مش مع شيل يا جدع وحاصر واعتصم وخلى هيبه البلد بره زى الزفت
يعنى ايه المشكله فى انتخابات مجلس شعب وخلوا المعارضه تبقى منتخبه ومنها تتكون الوزاره وكده مش شيل وبهدل لان فالحاله دى كلنا خسرانين
اما عن الانتخابات الرئاسيه المبكره والله اتمنى ان الرئيس مرسى يعلن عنها لكن بدون اخلعه او احاصره يعنى بارادته
يا جماعه انا مش عايز سياسه الى ميعجبنيش اجمعله عدد واروح اشيله كده مبقتش دوله وكلنا هنعانى والله
احنا مش عايزين نكون زى الى فالقصه دى
فى مكان أعتاد الناس أن يلقوا فيه الزبالة
و الزباله كل يوم تكثر و تكثر حتى اصبحت تل كبييييييييير جداااااااااا
و تراكمت القمامه و القاذورات

سنه اتنين تلاته عشره عشرين تلاتين ستين سنة

فجأة سكان المكان فاقوا و ثاروا و قرروا يتخلصوا من الزبالة
جابوا الاوناش و العده و العتاد و بدءوا فى ازالة القمامة

لكن للاسف مع اول ضربه ونش فى تل الزباله ظهرت الروائح الكريهه
اللى كانت مستخبيه و متعفنة من سنيين
سكان الحى اتضايقوا جداااااااا

و قالوا و لا يوم من ايام الزبالة ..

[tham1010]

المشاركة الأصلية كتبت بواسطة eljazeera77 يا جماعه احنا هنا مبنحللش اداء الحكومه ولا اداء مرسى احنا هنا علشان نقول قواعد شرعيه محترمه للترشح وللعزل وللانتخاب يعترف بيها الجميع انا مش مع شيل يا جدع وحاصر واعتصم وخلى هيبه البلد بره زى الزفت يعنى ايه المشكله فى انتخابات مجلس شعب وخلوا المعارضه تبقى منتخبه ومنها تتكون الوزاره وكده مش شيل وبهدل لان فالحاله دى كلنا خسرانين اما عن الانتخابات الرئاسيه المبكره والله اتمنى ان الرئيس مرسى يعلن عنها لكن بدون اخلعه او احاصره يعنى بارادته يا جماعه انا مش عايز سياسه الى ميعجبنيش اجمعله عدد واروح اشيله كده مبقتش دوله وكلنا هنعانى والله احنا مش عايزين نكون زى الى فالقصه دى فى مكان أعتاد الناس أن يلقوا فيه الزبالة و الزباله كل يوم تكثر و تكثر حتى اصبحت تل كبييييييييير جداااااااااا و تراكمت القمامه و القاذورات سنه اتنين تلاته عشره عشرين تلاتين ستين سنة فجأة سكان المكان فاقوا و ثاروا و قرروا يتخلصوا من الزبالة جابوا الاوناش و العده و العتاد و بدءوا فى ازالة القمامة لكن للاسف مع اول ضربه ونش فى تل الزباله ظهرت الروائح الكريهه اللى كانت مستخبيه و متعفنة من سنيين سكان الحى اتضايقوا جداااااااا و قالوا و لا يوم من ايام الزبالة ..

كلنا مقتنع وعارف ان 30 سنة من حكم مبارك كانت ايام زفت وكثر فيها الفساد. مفيش حد هينكر هذا. ولكن خلى بالك ان مرسى مش بدأ حتى يجيب الأوناش والعدة والعتاد علشان نشيل الفساد. يا أخى الراجل واقف يتفرج على كومة الزبالة ويشتكى ان الزبالة كثيرة ومش هيقدر يشيلها بسرعة. طيب يا عم مرسى بس أبدأ، اظهر امارة على انك ناوى تطهر وتشيل وتصلح. الراجل كل ما يطلع له مشكلة الناس حوليه ويقعد يستشير ويطلع ده للاعلام زى ما يكون بيقول للناس " بصوا اهو انا بشتغل اهو" كلام كثير وفعل قليل. البلد عاوز اللى ينقذها.أحنا زى ما أحنا بنفس الفساد ولكن زاد عليه وقف الحال يعنى اللى كان بيشتغل بقى عاطل واللى لسة شغال دخله قل والاسعار حوالية زادت. والحرامى بقى قليل الادب والامن والامان معدوم. حتى حرية الرأى يا أخى كان زمان اللى بيتكلم كان البوليس هو اللى بيتعرض له، يعنى عدوك كان معروف. الان اللى بيتكلم بيطلع له مائة الف واحد يرفع عليه قضية ويشغله فى حبس وتحقيق وخلافة. وخلى بالك مرسى مش ملاك يعنى هيجى وقت ويطلع للناس العين الحمراء، هتلاقى اعتقالات وقفل صحف وحاجات مثل هذه لانه مش هيسيب الناس تتكلم زى ما هى عوزة وتهدد حكمه...

الخلاصة احنا حسرنا من بعد الثورة. جاء لنا رئيس لم يغير الامر ولكن زاد علينا المشكال والمصايب. انت عارف يعنى ايه بلد مش فيها امان؟ يعنى بلد مش فيها لا سياحة ولا استثمار. لو هو مش قادر يعيد الامان زى ما كان ايام مبارك يبقى هو اقل من مبارك. فى مثل شعبى بيقول " ادى العيش لخبازة ولو ياكل نصفه" أيام مبارك كان العيش بيتسرق مننا ولكن اللى كنا بنطوله من وراه كان صالح للاكل أما مرسى ليس خباز العيش وعرفين انه امين ومش هيأكل حاجة من العيش وهيعطينى عشنا بالكامل بس هيطلع لنا عيش محدش فينا هيأكله وكلنا هنجوع.

طيب أنا هسألك سؤال. انت بتقيم اداء الرئيس ازى يعنى انت شايف ان الراجل دة عنده رؤيه ويجى منه وهيعمل حاجة أم تشعر مثلنا كلنا انه كلمنكى على الفاضى وضعيف وبيأخد بكلام الناس اللى حولية. يعنى غرقان وبيتشعبط فى اى حد يتكل عليه وطبع مفيش احن من حضن الام فى مكتب الارشاد. اكيد مش هيثق فى حد فى الدنيا غير فى الناس اللى طلع واتربى فى وسطهم.... لو سمحت جاوب بأمنه. هل هذا رئيس جيد؟

هل عندك أعتراض ان تطلب تمرد من مرسى ان يجرى انتخابات مبكرة وهذا عن طريق الضغط عليه بتظاهرات؟

[الكردي2000]

المشاركة الأصلية كتبت بواسطة nktis اذا كان رئيسك نفسه فلول و فل كبير كمان .,. و ثانيا مالهم الفلول مش مصريين و عدد كبير كمان اللي انتخب شفيق اكتر من اللي انتخب مرسي .

الفلول هم من افسدوا الحياه السياسيه في مصر ( برده مش كلهم لأن أنا ضد التعميم) وهم سبب فيما نمر به الان من تفريغ الدوله من الكوادر السياسيه التي تستطيع ان تقود البلاد في وقت الازمات
كثيرا منهم اتهم بقضايا فساد وقضايا مخله بالشرف وانت عارف وانا عارف
الفاسد لا يجلب إلا الفاسد مثله ( علشان يطبخوها مع بعض ويكونوا ستر وغطه ) لذلك جمعهم مبارك الفاسد بجانبه ليكونوا ستر وغطه
الفلول هم من زوروا الانتخابات مش بس كده , حتي التزوير فشلوا فيه لانهم اغبياء , مجلس شعب 2010 تقريبا كله حزب وطني ( طب مين هيعارض مين )
وبعدين حضرتك اللي انتخبوا شفيق فئتين ( معظم الاقباط + الحزب الواطي المنحل ) علشان كان هيطرمخ علي الفساد بتاع مبارك واعوانه
اقول كمان ولا كفايه

[tham1010]

المشاركة الأصلية كتبت بواسطة الكردي2000 الفلول هم من افسدوا الحياه السياسيه في مصر ( برده مش كلهم لأن أنا ضد التعميم) وهم سبب فيما نمر به الان من تفريغ الدوله من الكوادر السياسيه التي تستطيع ان تقود البلاد في وقت الازمات كثيرا منهم اتهم بقضايا فساد وقضايا مخله بالشرف وانت عارف وانا عارف الفاسد لا يجلب إلا الفاسد مثله ( علشان يطبخوها مع بعض ويكونوا ستر وغطه ) لذلك جمعهم مبارك الفاسد بجانبه ليكونوا ستر وغطه الفلول هم من زوروا الانتخابات مش بس كده , حتي التزوير فشلوا فيه لانهم اغبياء , مجلس شعب 2010 تقريبا كله حزب وطني ( طب مين هيعارض مين ) وبعدين حضرتك اللي انتخبوا شفيق فئتين ( معظم الاقباط + الحزب الواطي المنحل ) علشان كان هيطرمخ علي الفساد بتاع مبارك واعوانه اقول كمان ولا كفايه

أقول لك انا كمان,,,, وما اشبه الليلة بالبارحة. احنا فى نفس النظام. الاخوان استحوذوا على معظم مجلس الشعب لما كان موجود والان مستحوذين على معظم مقاعد مجلس الشوى. وجابوا معظم الوزراء من الاخوان او حتى من المتعاونين مع الاخوان... هو نفس فكرة الاستحواذ والهدف واحد وهو البقاء على رأس السلطة لاطول وقت. هل لما الاخوان يخلوا كل وظيفة قيادية يحتلها اخوانى هل ممكن لما يتغير الحكم هتشيل دول وترفدهم من شغلهم علشان هما اخوان؟ فكر كدة ليه عوزين ينزلوا سن القضاه لحد سن 60. علشان يشيلوا معظم كبار القضاه ويخففوا من المعارضة ويدخلوا بدلهم قضاه جدد على هواهم.

بتقول ان معظم من انتخب شفيق هم اقباط وحزب وطنى واقول لك هذا صحيح ولكن هناك اعداد اخرى من الناس التى تخوفت من حكم مرسى وكان عندهم حق. فى المرحلة الثانية من الانتخابات عندما وجد الناس المفاضلة بين مرسى وشفيق ( اكل لحم الخنزير أو لحم الميت، زى ما بيقول عبد الحليم قنديل) اختاروا الاقل ضررا. من انتخب شفيق اكثر من 9 مليون فرد ومن انتخب مرسى حوالى 11 مليون فرد. انا متأكد الان ان مرسى لن يحصل على نصف عدد من انتخبوة بآداءه السيئ. و 9 ميلون اللى انتخبوا شفيق عدد لا يستهان به لنقول عليهم فلول. فهو 48% من قوه المنتخبين والان عددهم اصبح اكثر من النص وانصار مرسى هم الاقلية. والانتخابات الرئاسية المبكرة هى التى ستحدد هذا.

لو مرسى متأكد انه هيفوز كان عمل انتخابات رئاسية مبكرة ولكنه عارف انه هيفشل فبيحاول بكل قوة انه يوقف حركة تمرد ودليل هذا المشاورات والدعوات لوقف العنف هم يخافون ان يخرج الامر ليصبح ثورة ثانية لا يتحرك الناس من ميدان التحرير قبل ان يعمل انتخابات رئاسية مبكرة....

[reda310]

القصور فى فهم لغة الاخر هيا مشكلتكم من اول مجيتوا ومشكلة فى التواصل مع الشعب المهم تفهمموا الناس محتاجة ايه
والله يا اخى الناس تعبت والاخوان ودن من طين و ودن من عجين واى حد يقول حاجة يبقى عايز يخربها
بتقولى مجلس شعب هو فين انت تعرف حتى هيتعمل امتى ومتعملش لحد الوقتى ليه رؤية ضبابيه لكل حاجة هما نفسهم مش عارفيين ايه اللى بيحصل
مرة غاز ومرة بنزين ومرة كهربا ومياه وشغل مفيش والاسعار ولعت ومرور وامن سيادتك شوفت اى خطوات لحل دول ولا حتى اسراء دولة القانون-كله بالدراع
عارف مفيش مجلس شعب للوقتى ليه عشان يمرروا كل اللى عايزينه على شلة موافقون الناجية التانية بتوع مجلس الشورى
تصدق بالله انا قعدت الف من 5 صباحا لحد العصر وشفت بلاوى عشان افول
انا لو راجل جاى مش عايز انفرد براى والم البلد حوليه اعمل حكومة وحدة وطنيه وشيل البلد لنا كلنا عندى ازمات احل كلنا سوا والله كانوا اقدر ناس يلموا البلد والشعب حواليهم
بس للاسف كل واحد بيدور على مصلحته الشخصية والحزبيه حتى الاحزاب التانين السلفيين وغيرهم اللى كانوا وافقين معاكم انقلبتوا عليهم اول ممسكتوا السلطة
اعمل اللى انا عايزه والباقى يخبط فى الحيط
احب اقولك اننا تعبنا وجبنا اخرنا اى حاجة تعوزها لازم يبقى فيها معاناة
اللى شفنا فى سنتين من مرسى مشفنهوش فى 30 سنة من مبارك