تطبيق زيادة اسعار البنزين من اول ابريل 2013

[tham1010]

الوزير مع وائل الإبراشى اليوم قال الكروت والدعم للعربيات لحد 1600 سى سى وهذه نقطة جيدة ولكن ما زال المخصص لكل سيارة 5 لتر فى اليوم. بس الكويس انه بيترحل لو مش استهلكت للايام التالية. مش زى التموين لو مش رحت تجيبة يروح عليك...

هو اللى هيتظلم الناس اللى شغالة فى مصر وساكنة فى محافظات الدلتا أو اللى ساكن بعيد عن شغلة وبيوصل مراته وعيالة للمدارس... لكل قانون ضحايا...

الغريبة ان الوزير بيؤكد أن تحويل السيارة للغاز لن يتحمل معه صاحب السيارة اى نقود. مش باين اوى الحكاية دى هو قصدة يعنى ان الحكومة هتتحمل تحويل السيارة للغاز ببلاش؟ دة مبلغ هيكون كثير قوى فى المجمل.. مش فاهم النقطة دى

طيب السيارات الجديدة مش الشغل فى الماتور هيخرج السيارة خارج الضمان..

[ahany]

المشاركة الأصلية كتبت بواسطة tham1010 الوزير مع وائل الإبراشى اليوم قال الكروت والدعم للعربيات لحد 1600 سى سى وهذه نقطة جيدة ولكن ما زال المخصص لكل سيارة 5 لتر فى اليوم. بس الكويس انه بيترحل لو مش استهلكت للايام التالية. مش زى التموين لو مش رحت تجيبة يروح عليك... هو اللى هيتظلم الناس اللى شغالة فى مصر وساكنة فى محافظات الدلتا أو اللى ساكن بعيد عن شغلة وبيوصل مراته وعيالة للمدارس... لكل قانون ضحايا... الغريبة ان الوزير بيؤكد أن تحويل السيارة للغاز لن يتحمل معه صاحب السيارة اى نقود. مش باين اوى الحكاية دى هو قصدة يعنى ان الحكومة هتتحمل تحويل السيارة للغاز ببلاش؟ دة مبلغ هيكون كثير قوى فى المجمل.. مش فاهم النقطة دى طيب السيارات الجديدة مش الشغل فى الماتور هيخرج السيارة خارج الضمان..

انا حاسس ان حكاية 1400 و 1600 دى بشوفو در فعل الناس
الوزير اتكلم مع خيرى رمضان اكتر من ساعة وقعد يشرح ان 1401 مالوش دعم وان الدعم حتى 1400 فقط . معتقدش انها غلطة

[msr1192]

بعد اذنكو انا عايزكم تحسبوها صح
انت بتفول العربية كام مرة في الشهر
اكبر تانك هياخد حوالى 50 يعنى تفول 3مرات في الشهر في عربية بتفول 3 مرات
خلينا واقيعيين متحسبهاش خمسة لتر
مانت في ايام الجمع واجازات مبتخرجش فيها

[ahany]

المشاركة الأصلية كتبت بواسطة msr1192 بعد اذنكو انا عايزكم تحسبوها صح انت بتفول العربية كام مرة في الشهر اكبر تانك هياخد حوالى 50 يعنى تفول 3مرات في الشهر في عربية بتفول 3 مرات خلينا واقيعيين متحسبهاش خمسة لتر مانت في ايام الجمع واجازات مبتخرجش فيها

انا بفول مرتين فى الاسبوع
ساكن فى المعادى وعندى شغل فى الرحاب و التجمع الخامس و اكتوبر
وايام الجمع و الاجازات بخرج بالعربية
فى جميع الاحوال سواء 5 لتر فى اليوم او 50 كم فى اليوم او 150 لتر فى الشهر او 1800 لتر فى السنة مش هاينفع

[msr1192]

المشاركة الأصلية كتبت بواسطة ahany انا بفول مرتين فى الاسبوع ساكن فى المعادى وعندى شغل فى الرحاب و التجمع الخامس و اكتوبر وايام الجمع و الاجازات بخرج بالعربية فى جميع الاحوال سواء 5 لتر فى اليوم او 50 كم فى اليوم او 150 لتر فى الشهر او 1800 لتر فى السنة مش هاينفع

الواضح انك استخدامك اكتر منى بكتير ودة حقك بس بيني وبينك انا لما اصرف بنزين بس 1000 جنية مش كاوتش وبطارية او تصليح او او او الخ يبقي حضرتك انا وضعي المادي مش هيخليني افكر ان الدعم هيقل او هيتلغي لان من 1000 الي 1500 مش هتاثر معايا
صح ولا انا غلطان