كل الرجالة اللي في المنتدي تدخل ضروري - سواقة ستات

[sad-bird]

وده موضوع تاني عن اداة مساعده علشان الركن
في العادي الناس بتجيبها علشان تركب ورا علاشن لو انا مش شايف العربية من ورا ( مفيش نور ، الشنطة عالية... الخ )
لكن مع البنات والسيدات اعتقد انهم محتاجين يركبوه في الاربع اجناب
قدام ووراء ويمين وشمال ولو ينفع كمان في السقف يركب في السقف
معرفش ايه علاقة السقف لكن اهو احتياطي برضة

المشاركة الأصلية كتبت بواسطة TELEBK { السنيور بارك " حساس الركن " } السلام عليكم ورحمة الله وبركاته أولا : ما هو السنسور بارك طبعا كتير مننا سمع عن السنسور بارك أو حساس الركن الخاص بالسيارة ، وهوه مهم جدا عند الركن والرجوع للخلف لإنه بيساعد السائق علي معرفة المسافة المتبقية مابينه وبين السيارة ورائه وده بيكون بالصوت والمسافة المترية والتي تبدأ من مسافة 1.70متر الي مسافة 30 سم وهي المسافة التي يبدأ عندها عمله " 1.7متر" وينتهي بعدها عمله " 30 سم " , وبيعرفك لو فيه حاجة علي يمينك أو شمالك إنت مش شايفها أو في الظلام الحالك ومش قادر تقدر المسافة كويس أو لوحد بيعدي وراك ومش واخد بالك منه أو حجر صغير مش شايفة وممكن تتخبط فيه لإنه تحت مستوي نظرك ولو راكب عربيه عاليه ومش شايف مقدمة السيارة التي خلفك وممكن تخبط فيها من غير قصد عند الرجوع للخلف أو حائط ورائك ومحتاج تركن أمامه فممكن تسيب أقل مسافة ممكنه بإستخدامة وهيه بتوصل لحد 30 سم ، فكل ده بيساعد السنسور بارك علي إكتشافة ، وده بيكون عن طريق أربع حساسات أسطوانيه ذات رأس دائري بتركب في الإكصدام الخلفي للسيارة ، وبتكون بألوان محدده حوالي 4 الوان وهيه " أسود وأبيض و شامبين و أزرق غامق " وممكن يكون فيه ألوان تانيه بتنزل كل شوية بس هيه ديه الألوان المتاحة حالياً . بالإضافة لإصدار صوت عند الرجوع بيتزايد مع إقتراب السيارة من أي جسم خلفي علشان لو مش واخد بالك منه . يعني هوه بصفه عامة كويس للسيارة مش وحش بالعكس في رأيي إنه أصبح آداه هامة يجب وجودها في السيارة سواء للمبتدئ أو المتمرس وللرجل والمرأه . ثانيا : أسعاره وأماكن شرائه يتواجد السنسور بارك في محلات الإكسسوار الخاص بكماليات السيارات وهيه منتشرة في كل مكان ولكن أشهرها في التوفيقية وشارع ذكي ، وأسعاره بتبدا من 135 جنيه الي 150 جنيه وفي الغالب وده الخاص بحساسات الرجوع للخلف فقط ، وده بيكون صيني الصنع ، وفيه منه بيوصل ل 190 جنيه وده بيركب في الأمام والخلف للسيارة ،وبرضة بيكون صيني الصنع . وبيشتمل علي 3 أجزاء رئيسية هيه : 1 - شاشة ديجيتال ألوان " صوتيه ". 2 - وحدة التحكم . 3 - رؤوس أسطوانية الشكل بتركب في الإكصدام الخلفي للسيارة . ثالثا : تركيبه يتم تركيب السنسور بارك إما عند كهربائي السيارات ، أو ممكن المحل الذي تم شراؤه منه يقوم بتركيبه لك في السيارة وده بيكون نظير دفع مبلغ لا يتجاوز ال 30 جنيه ، وبيأخذ تقريبا من 1.15 ساعة الي 1.30 ساعة في التركيب ، وهوه سهل جدا في تركيبه لإنه بيتوصل علي سلك نور المارشدير ، والعامل مبيقربش للضفيرة الخاصة بالسيارة نهائيا ، وكل السلوك الخاصة بيه بتكون مخفية في الفرش ومبيبانش منها غير رؤس الحساسات في الإكصدام أو الشاشة فقط علي التابلوه . رابعا : مايجب مراعاته بعد تركيب السنسور بارك كما ذكرت في كلامي فإن ألون السنسور بارك قليله يعني ممكن ماتناسبش كل ألوان السيارات ، فيجب في هذه الحاله إختيار أقرب أو أكثر الألوان التي تتماشي مع لون السيارة وتركيبها ، ولا تحاول أن تقوم بتلوين الحساسات بلون السيارة لإن ذلك يضعف من حساسيتها جدا جدا ، بل يجب أن تظل علي لونها الخاص بها حتي يمكن الإستفاده من كل خصائص الجهاز المتوفره فيه . وفي النهاية أرجوا للجميع التوفيق مع خالص شكري وتقديري د / خالد

[elkady0]

انا هاقول حاجه للستات بلااااااااااااااااااااااا ااااااااااااش تكونو مترددين بالطريقه البشعه دى
وبعد اذن البنات كلهم والحريم كلهم انا مش معاكوا فى السواقه من اساسه علشان لاقدر الله يوم ما الست هاتقع فى مشكله فى العربيه هايطلع عين اهلها فالله الغنى عن كدة يا ريت يا جماع احنا ما نديش فرصه للستات انهم يحتاجو يسوقوا هما ليه احنا يا رجاله ما نلبيش طلباتهم ونريحهم هما

[elensaan]

علي فكرة في احصائية بتقول ان الستات اشد جرأة من الرجال في القيادة
رجليهم طرشة بتعبير السواقين
وانا من خلال قيادتي في القاهرة لاحظت ده

[meemee]

المشاركة الأصلية كتبت بواسطة adel omran كل عام وجميع الاعضاء بخير رمضان كريم قياده النساء اصبحت واقع لا يمكن تغييره لكن من منطلق الخوف عليهم لا اكثر ارجو ان افيدهم بالاتى 1 - الاهتمام بمتابعه المرايا الخاصه بالسياره 2 - الاشارات 3 - نرك مسافه كافيه بينها وبين السيارات 4 - عدم الاقتراب بمقعد السائق من الدركسيون و بخاصه فى السيارات المزوده بكيس هواء 5 - عدم التردد على الطريق 6 - الالتزام بسرعه الطريق وعدم تجاوزها 7 - الاحتراس من سائقى النقل والميكروباص وخصوصا على الطرق السريعه 8- فى حاله وجود اطفال بالسياره يمكن وضع لافتات داله على ذلك child on board 9 - الالتزام بالحاره المروريه واخيرا على كل من يستخدم سياره سواء كان رجلا او امراه تذكروا دائما انه هناك من ينتظركم من احبائكم او ابنائكم او ابائكم فحاولو العوده سالمين وشكرا لكم

شكرا علي مشاركتك يا أستاذ عادل

[meemee]

المشاركة الأصلية كتبت بواسطة sad-bird وده موضوع تاني عن اداة مساعده علشان الركن في العادي الناس بتجيبها علشان تركب ورا علاشن لو انا مش شايف العربية من ورا ( مفيش نور ، الشنطة عالية... الخ ) لكن مع البنات والسيدات اعتقد انهم محتاجين يركبوه في الاربع اجناب قدام ووراء ويمين وشمال ولو ينفع كمان في السقف يركب في السقف معرفش ايه علاقة السقف لكن اهو احتياطي برضة

لك كل الشكر والتقدير