ارشيف الاستراحة 2011

[ايمن عبدالحميد]

المشاركة الأصلية كتبت بواسطة zoomaa&mizaa أمان أية اللى جى تقول علية هو لما يبقى الواحد قاعد فى بيتة ويلاقى بلطجية الشرطة داخلين علية ياخدوة على القسم ويلبسوة قضية مخدرات يبقى دة أمان .ولا لما تبقى ماشى فى حالك وراجع من شغلك مهدود وميت وتلاقى أمناء المباحث وقفوك ويقلبوك تمام وياخدوا منك رزقك ورزق عيالك يبقى دة أمان .ولا لما تتهم بقتل بنتك ويخلوك تمثل الجريمة كمان يعنى مش تعترف وبس وتتطلع البت عايشة ومحدش لمسها أصلا يبقى دة أمان . ولا لما أمين شرطة معفن يموت أثنين بسلاحة الميرى علشان كان عايز ياخد واحد معاة تحرى ومرضيش يروح معاة يقوم يتمنظر قدام الناس بسلاحة وتكون النتيجة أثنين أبرياء من الناس وما زال يحمل سلاحة يبقى دة أمان .ومش هتكلم على شهيد الأسكندرية فين الأمان . ويسلام على أقسام الشرطة حيث الصواعق الكهربية والضرب بالكرباج والخواذيق والتعليق والأعتدائات الجنسية فييييييييييييين الأمااااااااااااااان .وبعد كل دة وفى أكثر من كدة بكثير أوى جاى تقولى تصرفات غير لائقة دة أسمة كلام هو حضرتك معتقد أنك مش هتلاقى فى منتدى للسيارات غير شوية عيال مهوسين بالعربيات أسمحلى أنت غلطان .وبعدين حضرتك بتتبع نفس أسلوب الشرطة والحكومة حيث أنك تتطالبنا بوجوب الأعتراف بأيجابيات الشرطة الغير الموجودة أصلا وتيجى عند السلبيات يبقى لا مانع بصراحة قمة العطف والكرم من حضرتك . ممكن أعرف حضرتك شغال أية ؟

يا محترم انا لا استخف بعقول احد ، وانا اتعودت انى اكون موضوعى لا آخذ الامور بسطحية ولا اقيس على حالات فردية ، ولا يفترض ان دة يكون اسلوب حوار اصلاً ، واعتقد انى عايش فى مصر زيك مش فى اوربا ، واسألك سؤال صريح : عمرك شفت انسان محترم ليس لة سوايق اجرامية ولا يختلط بأصحاب السوابق تروح المياحث تاخدة من الباب للطاق كدة ؟ مستحيل مستحيل
والظاهر انك ساكن فى مكان فية مشاكل كتير علشان كدة الشرطة واخدة راحتها عندكم ، وعموما ابشر انا قررت الغى التجربة دى فى المنتدى نهائياً .علشان متعرضش لإهانة من اى حد ميعرفنيش اصلاً .

[sad-bird]

المشاركة الأصلية كتبت بواسطة ايمن عبدالحميد وعموما ابشر انا قررت الغى التجربة دى فى المنتدى نهائياً .علشان متعرضش لإهانة من اى حد ميعرفنيش اصلاً .

طيب واحنا ذنبنا ايه يا دكتور ايمن حضرتك لك كل الاحترام ومش معني ان فيه واحد يائس من البلد زي حالاتي كده يبقى باقي المنتدي ملوش نصيب من علمك

[sad-bird]

المشاركة الأصلية كتبت بواسطة ابوسهيلة جزاك الله خيرا أ/محمد sad-bird انت دائما سباق بالخير

جزانا الله واياكم

[sad-bird]

المشاركة الأصلية كتبت بواسطة AboNoRa تمام الملف فعلاً .rar شكراً ساد بيرد بس فى الملف اسعار الاراضى فى 6 اكتوبر بس

العفو يا ابو جودي :w6w2 00504112246446a:w6w200504 112246446a:w6w20050411224 6446a

الملف انا فتحته عندي وفكيت الضغط فيه صور كل الكراسة
وفيها المدن التالية على الترتيب وفقا للصور
اكتوبر
القاهرة الجديدة
الشروق
العبور
15 مايو
بدر
السادات
برج العرب الجديدة
الصالحية الجديدة
العاشر من رمضان
بني سويف الجديدة
المنيا الجديدة
سوهاج الجديدة بس نازلة من غير جدول خريطة بس

[sad-bird]

المشاركة الأصلية كتبت بواسطة AboNoRa طب انت تنصح بايه يا ابو سهيلة الواحد يفكر يشترى من الناس مباشره ارخص ؟ وبعدين الاراضى اللى ممكن تستغل اغلب مساحتها ومش مقيد بعدد الادوار ديه الواحد يلاقيها فين وايه رايك فى الاراضى اللى بتتباع قدام الشروق

كل المدن الجديدة مقيدة بعدد ادوار يا ابو نورا