جمعة الغضب - تغطية لاحداث الثورة من 24 يناير 2011

[amrmohamed1975]

ممكن بقي نشوف المكاسب و الخسائر
و نبداء بالمكاسب :
1- كسر حاجز الخوف الذي عشش فى نفوس المصريين لفترة طويلة من الزمن
2- تعيين نائب للرئيس
3- تعديل الدستور
4- دعوة للحوار
5- تعديل كامل فى طريق حوار المسئولين الكبير منهم و الصغير
6- اما حل مجلس الشعب اما تنفيذ احكام القضاء فى الطعون المقدمة فى صحة العضوية و التي فى الاغلب ستؤدي ايضا الى حل مجلس الشعب
7- تكاتف الشعب المصري على قلب رجل واحد لحماية اموالهم و اعرضهم دون فرق بين مسلم و مسيحي كعادتنا (( زمان ))
تعالوا بقي للخسائر
1- تدمير العديد من المشروعات التي تفتح بيوت الكثيرين منا
2- تدمير العديد من اقسام الشرطة و المصالح الخدمية
3- حالة من الفوضي و خسارة العديد منا لمصدر رزقه
4- خمسة او ستة ايام من عدم الاحساس بالامان
5- ارتفاع فى الاسعار

كل ما سبق ناتج لسوء ادارة الازمة من جانب القيادة السياسية و الحكومة نعـــــــــم
بس احنا كمان كان لينا دور فى ده
البلد رجعت الـ 30 سنة اللي ما كانوش عجبين الناس لوره انهيار الاقتصاد و البورصة و انخفاض حاد فى سعر الجنيه مقابل كافة العملات الاجنبية انا مش حابب مبارك و مش كاره له بس فى الاخر كلنا دفعنا تمن اللي حصل كل ثورة ليها خسائر ماشي بس لازمة يبقي فى حوار يبقي فى تفاوض امال سياسة ايه كل الناس اللي ركبت الموجة رفضت الحوار و راي الشخصي انها رفضته لانها معندهاش حاجة تقدمها اصلا يبقي تعمل ايه تولع فى البلد و تخربها عشان بعد كده تركبها
يارب نحكم صوت العقل الغلبية العظمي منا اللي عنده وظيفة لحد النهاردة لم يقبض راتبه و لا يوجد فى بيته ما يكفي للغد الكثير منا فقد وظائفه اصلا الكثير منا لا يعلم عند انتهاء الازمة على اي وضع اذا ما كانت الشركة التي كان يعمل بها ستفتح ابوابها مرة اخري و لا هتقول كفاية كده يارب نفهم و نتحاور و بلاش عناد يحرق الاخضر و اليابس

علي فكرة انا هسيبكم دلوقتي لحسن انا راكن الدبابة بتاعتي صف تالت وممكن تتكلبش بعد اذنكم لحسن المرور مبيرحمش حد ههههههههههههههههههههه

[sad-bird]

المشاركة الأصلية كتبت بواسطة amrmohamed1975 ممكن بقي نشوف المكاسب و الخسائر

ياريتك تنزل يا عمرو تقول الكلام ده للي قاعدين في التحرير وفي مقرات احزابهم عاوزينها تولع اكتر

[sad-bird]

المشاركة الأصلية كتبت بواسطة corsair علي فكرة انا هسيبكم دلوقتي لحسن انا راكن الدبابة بتاعتي صف تالت وممكن تتكلبش بعد اذنكم لحسن المرور مبيرحمش حد ههههههههههههههههههههه

ياعم قول اللي فيها متتكسفش
انت نازل تاخدلك دورين التحرير ده حتى الاجرة رفعت دلوقتي
هههههههه
وحشتني ياد يا كورسير انت وفيفي بتاعتك

[_amr.mostafa_]

المشاركة الأصلية كتبت بواسطة sad-bird هو الرد جاي متأخر بس نعمل ايه بقى منه لله اللي كان السبب الزقازيق كان فيها الفترة اللي فاتت مظاهرات زي باقي الجمهورية بس انت عارف ان الشراقوة شعب مسالم وحضاري وملوش في الشغب كتير فتقريبا اللي حصل كالتالي: 1. اتحرق 3 اقسام شرطة ، ونقطة شرطة واحده ( الكلام ده على الاقل ) 2. حريق في مجلس المدنية في الدور الثالث ( معرفش ازاي لأن المفروض ان النار بتبدأ من تحت لفوق مش من النص بس هو ده اللي حصل) 3. شوية ضرب ع الماشي بين الجانبين ( الشرطة والمتظاهرين ) لكن بصراجة معرفش مين اللي بدأ الأول + حريق صغير ع الماشي كده شوية زغزغة في المبني القديم للضرائب العقارية خلف مجلس المدينة 4. الجيش نزل الزقازيق زيه زي القاهرة وعندنا حظر تجوال زي القاهرة والاسكندرية والسويس ( على الرغم انهم مش اعلنوا عن الحظر في الشرقية) 5. الحرامية والبلطجية انتشروا في الشوارع لكن الحمد لله الفريق المكون من اللجان الشعبية قام بالواجب وزيادة ( اخرها كان امبارح ) 6. شتيمة وتهزيق وبهدلة من كل اب وام لاولادهم علشان بيتكلموا على المظاهرات واللي بيحصل فيها واللي بينزلها واللي بيأيدها بس كفاية عليك كده يا عموره اما بقى عن عدم معرفتك بالشوارع لما تنزل ان شاء الله الاجازة الجاية هبقى اخدك لفة في المحافظة اعرفك بلدك واللي فيها

امال لو كان شعب مخرب وجاهل كان عمل ايه ....