اختبار التصادم للجاك b15

[سيف الدين سعيد]

المشاركة الأصلية كتبت بواسطة M.TONSY بس الصينى صينى برده والله لو ليه جناحات

حضرتك بتتكلم عن حاجه . ممكن اكون متفق معاك بس احب افهمك ان الغلط مش من الصينى اللى بتتكلم عليه لأن بى ام دبليو تعاقدت مع الصين على فتح مصنع لها هناك . والحاجه الأهم ان سيارات كتير غزت السوق الأوروبيه وكمان صناعات الصين كلها غزت العالم كله . والمعروف والمؤكد ان الصناعه الصينى بتتنوع على عدة مستويات وخطوط انتاج بدرجات جوده مختلفه . بس احنا كمصريين اللى بنسترخص عشان طمع المكاسب من المستوردين .
والأهم من كده أحب فى النهايه أسألك : انت جربت العربيه عشان تجزم برأى فيها ؟
مع كل احترامى وتقديرى لحضرتك

[سيف الدين سعيد]

المشاركة الأصلية كتبت بواسطة M.TONSY يا استاذ ايمن انا كمان يا سيدى على قد حالى وراكب فيرنا يعنى تاكسى زى ما بتقول ولو انت ملاحظ زى ما بتقول ان معظم نصايحى رايحة لاختيار اليابانى لجودة تقفيله وليس للكورى كمان وبالعكس انا لا اقصد ايلام الغير حاشى لله ولكن عن تجربة كان معانا جيلى فروتة 2005 وكانت تقريبا بداية دخول الصينى لمصر هى والشيرى وكرهتنا كره السنين فى الصينى واللى عملوه وكانت مقرفة فعلا وملهاش قطع غيار حتى فى التوكيل وبعناها زى البت البايرة وخسرنا فيها يعنى تجربة مؤلمة وبعدين الصينى مش رخيص بل اسعاره مساوية للكورى واوقات لليابانى مع جودة اقل وخامات فقيرة وقطع غيار مش موجودة حتى فى التوكيلات لان اصحاب التوكيلات بيعملوها كأنها صفقة موبايلات صينى ويقلبوها وخلاص وملهومش علاقة بالناس اللى اتدبست فى العربيات وفى الاخر يبعوها بتراب مش كدة يبقى حرام فلازم اقول النصيحة لوجه الله حتى لو معجبتش حضرتك حضرتك ده موضوع عام لازم هتلاقى مؤيد ومعارض وعليك ان تتقبل جميع الاراء .. لك منى كل التقدير

كل كلامك ده بيصب فى الآخر لوجهة نظر واحده وهى الوكيل المصرى الجشع اللى بينصب علينا ويبيع عربيه بدون ما يدرب الصنايعى اللى حايشتغل فى صيانتها وبعد\ين يجيب العربيه ومايوفرش قطع غيارها . ولاقى نفسك كرهت اليوم اللى وقعت ولا حدش سمى عليك
انا عملت بالعربيه 26 ونصف تقريبا والعربيه ماشيه معايه زى الفل ومريحه واوبشناتها وفيره وقطع غيارها متوفره فى مركز الخدمه وأسعارها فى المعقول جدا كمان . غير ان تقفيلها وخاماتها محترمه جدا ولاحظوا يا ساده ياللى بتهاجوا السياره ان احنا بنتكلم عن عربيه رخيصه نسبيا بالنسبه لحتى الكورى اللى وصلت اسعاره لأسعار خرافيه تكاد تتخطى أسعار الألمانى . وحتى دول الوكلاء بتوعهم نصابين برضو مع الأسف ..

[سيف الدين سعيد]

المشاركة الأصلية كتبت بواسطة mohamed elshahat ياخى الصين بتبدع فى اشكال العربيات بتبقى شكلها وهم انما الاصل مخوخ هشة من جوة ورق من الاخر ولا اية؟؟

وجهة نظر . بس نختلف معاها طبعا . وكلامنا عن تجربه ..

[سيف الدين سعيد]

المشاركة الأصلية كتبت بواسطة حازم شاهين و الله مش متفق مع حضرتك و ادليل أهه By hazemshahin at 2009-09-26 ]دى صورة سيارتى بعد حادث على سرعة 100 كم من تلات سنين و الحمد لله واضح إن كابينة الركاب لم تمس و أنا الحمد لله خرجت من الحادث بدون خدش واحد

لا حول ولا قوة الا بالله . فداك يا أستاذ حازم . المهم سلامتك وربنا يعوض عليك .
مع وافر تحياتى واحترامى .

[د.كمال]

ونلاحظ الزجاج الامامى والكابينه لم يتأثروا بشئ

http://www.youtube.com/watch?v=aEgjR...&feature=share