حكايتى مع السيارات فى العراق !

[alref]

انا بقالي تقريبا اسبوعين معاكم و اول مرة اشوف الموضوع دا

صراحة اكتر من رائع و شاددني جدا لدرجة اني كان المفروض انام من اكتر من ساعة علشان الحق اصحي اروح شغلي و مع ذلك قاعد اقرا بربع عين علشان اعرف المذكرات هتخلص علي ايه

بس يا ريت ماتخلصش..واضح ان دكتور بلبولان عنده حواديت بالعبيط و جراب الحاوي مليان خيرات

مستنينك يا دكتور .. متعنا و ضحكنا معاك

[Meemo The Beast]

المشاركة الأصلية كتبت بواسطة Dr. Bolbolan فى يوم ساعة المغربيه وكان الجو صيف ! كنت فى السكن بتاعى بعد الشغل ! لقيت الباب بيخبط جامد ! قلت يا ساتر يارب ! لازم فيه مصيبه لآنى غير معتاد على مقابلة المرضى فى سكنى ! المهم فتحت الباب لقيت 2 طوال عراض جامدين شداد عتاوله و لابسين الملابس البدويه و فى يد أحدهم كلاشينكوف و التانى معاه رشاش فشر بتاع رياسة الجمهوريه ! خير ياخوانا ؟؟ قالولى هات عدتك و شنطة الشغل وتعالى معانا فيه حد عيان خارج الموقع ! طب ياخوانا ده ممنوع ! هاتوه هنا وأنا برده تحت أمركم ! واحد ابتسم لى و التانى كشر عن أنيابه مع زمجره غريبه كده ! قلت لهم يلا بينا هو مافيش مروءه ولا جدعنه ولا ايه ؟؟ ورحت راكب معاهم جيب تشبه البوكس بالضبط بس ركبت جنب السواق ! و هب راح طالع بره الموقع و مالحقتش أقول لحد حاجه !! الدنيا كانت أصبحت ظلام ولم أعرف أنا فين ولا فيه طريق باين و لا مدق حتى ! طب السواق ده عمال ياخد غرز يمين و شمال على ايه ! هوه لسه كتير ؟؟ دا أنا اللى بأقول ! ptmnlo123per111 دا صاحبنا اللى بيقول ! المهم وصلنا الدنيا ضلمه قوى و ما فيش قمر ولا لمبه صاروخ حتى ! لكن عينى خدت على الضلمه شويه ولقيت مجمع من الخيام و ناس ماشيه وناس قاعده فكرونى بفيلم عنتره بتاع فريد شوقى أو أغنية سلانه بتعة أم كلثوم ! طبعا تحفزت و قلت لهم فين المريض ! قالوا لى اجلس الآول تناول العشاء ! ياخوانا أنا اتعشيت و الله ! ما فيش فايده ! قعدت على الآرض فى حلقه ( وأنا طول عمرى و الحمدلله راجل بسيط ) وجابوا الآكل فى الضلمه مابقيتش شايف نوعه ايه! بس لما أكلت لقيت لحمه ! لحمه و بس ! لا عيش ولا سلطه ولا أرز ولا ملاعق ! اللحمه كانت مشويه نصف شواء وليس عليها ملح ! وبتقرقش فى فمى لآنها مليئه بالرمال ! ايه الآرف ده !ptmnlo123per1106 على رأى عمنا الليمبى ! وجابوا كمان شوب زى بتاع العصير وقالوا لى اشرب ! ايه دا ياعم أنا مابشربش خمره ! قالوا لى دا لبن ! ماشى ولو ان ما بأحبوش ! أشرب ألاقى طعمه مزز و زى ما يكون فيه دخان ! قرفت منه ولكنى بعد شفطتين ثلاثه عجبنى و طلبت كوب آخر ptmnlo123per1147 والحمدلله اتعشينا فين المريض بقى ؟ خدونى على خيمه و تركونى بره و لقيت جوه 3 نسوان و واحده منهم حوالى 20 سنه و متألمه من أذنها وبتجيب صديد ! كشفت وعملت اللازم و تبقى حقنه فى العضل ! قالولى دير وجهك وكشفوا 1 سم مربع من وركها علشان أدخل فيه الابره ! تقولشى جين لولو بريجيدا و لا شارون ستون ! اديتها الحقنه و ركبنا السياره وفى طريق العوده كنت أخدت بقى على الجو و اطمنت وبأسأل ال2 الخفراء اللى معايا هى مين دى و المنطقه دى اسمها ايه ؟؟ قالولى دى بنت شيخ القبيله و دى من أكبر القبائل فى سوريا ! ايييييه ايه ايه سوريا ؟ ptmnlo123per1106 قالوا آه احنا عدينا الحدود و زى ما خدناك ح نرجعك بس ربنا يستر ! و العراقيين ما يشوفوناش !! يا دهوتى دا سوريا و العراق أياميها كانوا عاملين زى الكبريت و البنزين ! لآن سوريا كانت و ما زالت بتساند ايران اللى كانت فى حرب مع العراق ؟ و قعدت أبسمل و أحوقل حتى وصلت بالسلامه ! وكنت ح أرزع ال2 دول كل واحد قلمين ! بس قلت يا واد الطيب أحسن ! المشاركه القادمه أحكيلكم ماذا حدث لى فى مطار صدام الدولى و أكبر خضه ممكن تحصل لواحد طيب زيى !! Dr. Bolbolan ptmnlo123per1127

لأ حضرتك مشكلة جامدة جدا بس أرجوك تفكر في انك تجمع سيرتك الذاتية في كتاب مصنف و منقح و ان شاء الله الكتاب حيبيع ملايين النسخ انا متأكد و يكون اسمه مثلا (حكاية بولبولان في بلاد صدام)
تحياتي

[walidhassan]

ربنا يرجعك بالسلامة يا دكتور

[Dr. Bolbolan]

شكرآ جزيلا يا جماعه وكتر خيركم على السؤال ! أنا بخير و الحمدلله ! ptmnlo123per154

بس أنا وصلت السعوديه لقيت شغل جامد شويه و مدير جديد انجليزى ماركة أديداس ! و شكلى كده حأعملها معاه ! و والله زمان يا سلاحى ! ptmnlo123per111 و بعدين شبكة الانترنت

عندى واقعه من 3 أيام ولسه بيصلحوا فيها وربنا يستر و التصليح يثبت على كده !

يارب انشاء الله بكره أحكيلكم كيف واجهت المووووووت ! ptmnlo123per1106 بس يا رب النت يثبت !


Dr. Bolbolan ptmnlo123per1127

[Dr. Bolbolan]

<FONT face="Times New Roman"><FONT color=blue><B>بعد رجوعى من العراق فى أجازة ب 3 أيام اتصل بى خالى وقاللى تيجى معايا العريش أنا و أيمن ابنىfficeffice" /><?xml:namespace prefix = o ns = "urn:schemas-microsoft-comعلشان فيه مزاد لبيع محلات تبع المحافظه وانت عارف الطريق ( لآنى من أول الآطباء اللى استلموا مستشفى<o:p></o:p>
<o:p></o:p>
العريش من اليهود ) فقلت له وماله دانا نفسى أشوفها تانى وفى اليوم المحدد الساعه 6 صباحآ انطلقنا من <o:p></o:p>
<o:p></o:p>
المنصوره وجاء معنا أخى الآصغر منى ب 3 سنوات ! و توكلنا على الله وذهبنا الى الاسماعيليه لنركب المعديه<o:p></o:p>
للضفه الشرقيه للقناه ولكن وجدنا المعديه فى الصيانه والناس قالوا ان فيه معديه تانيه على بعد 15 كم شمالا<o:p></o:p>
<o:p></o:p>
قلنا معلهش و أهو كل تأخيره و فيها خيره و ذهبنا للمكان المحدد وجدنا أمة لا اله الا الله من السيارات والناس تريد <o:p></o:p>
<o:p></o:p>
أن تعبر و المعديه صغيره و بطيئه لذلك ابتدينا نقلق لآن المزاد له وقت محدد و خدنا دورنا لغاية لما قربنا نوصل بعد<o:p></o:p>
<o:p></o:p>
ساعتين من الوقوف فجأة تخطت جيب للجيش الصف و حاولت تعبر من غير الطابور ! قام سواق المعديه اتخانق <o:p></o:p>
<o:p></o:p>
معاهم ! قاموا ضاربينه ! قام حالف بالطلاق ماهو مشغل العباره وقفل المكن ووضع مفتاح التشغيل فى جيبه و روح <o:p></o:p>
<o:p></o:p>
على بيتهم ! لا حول ولا قوة الا بالله ! دا ايه الحظ ده ؟ ومرت أكثر من ساعه أخرى حتى رجع الراجل و عرفهم <o:p></o:p>
<o:p></o:p>
غلطهم وعدينا على عباره تشبه الترتل ( سلحفاه مائيه ) و انطلقنا فى طريق العريش الطويل الممل بسرعة هذه الآيام<o:p></o:p>
<o:p></o:p>
رغم ان السياره كانت 124 ! المهم وصلنا العريش بعد الساعه 2 ظهرآ و طبعآ كان المزاد شطب واللى باع باع <o:p></o:p>
<o:p></o:p>
واللى اشترى اشترى ! وكان يوم خميس وبكره أول يوم فى رمضان ! طبعآ موش ممكن نرجع كده على طول وقلنا <o:p></o:p>
<o:p></o:p>
نبيت الليله فى العريش و نصبح نتوكل على الله و نرجع ! و أجرنا شاليهآ على البلاج مباشرة و تحيطنا أشجار<o:p></o:p>
<o:p></o:p>
النخيل و كان المنظر رائعآ ! نسيت أقولكم ( علشان تكمل الصورة و تتخيلوا الموقف ) كنا فى أوائل شهر ابريل<o:p></o:p>
<o:p></o:p>
يعنى لا صيف و لا شتاء و لسه مافيش مصيفيين و البلاج كان فاضى تمامآ زى بلاج فيلم العار ! و سكنا و تغدينا<o:p></o:p>
<o:p></o:p>
و طقت فى مخ ابن خالى ننزل البحر علشان فرصه وبكره رمضان و جمعه و مسافرين و طبعآ الساعه دخلت على <o:p></o:p>
<o:p></o:p>
قبل المغربيه بقليل ! و نكمل غدآ انشاء الله و بأعتذر عن المقدمه الطويله دى علشان أحضركم لآغرب خبره<o:p></o:p>
<o:p></o:p>
فى حياتى و هى مواجهة الموت شخصيآ و ايه هو شعورك لحظة التيقن من الموت و الله سأحكيها بدون أى مبالغه أو<o:p></o:p>
<o:p></o:p>
بهارات و لقد تعودت على الصدق والحمدلله لآن الكذب ليس له قدمان ! فسامحونى يا اخوانى !<o:p></o:p>


Dr. Bolbolan ptmnlo123per1106<o:p></o:p>
<o:p></o:p>
<o:p></o:p>