ارشيف احداث عام 2010

[gahloos]

يا سيدي ليس من الائق شتيمه أي شخص بكلمة خنزير أو غيرها , ويا سيدي بدلا من أن تدعو عليه هو وأهله بالموت أدعو له بالهداية وصلاح الحال فيستفيد هو ويستفيد من حوله ويعود نفعه عليهم

[Injection]

المشاركة الأصلية كتبت بواسطة kabo العين بالعين . والسن بالسن . والبادي اظلم هما اللي بدأو يستحملوا بقي وانا عارف اني بقول الكلام ده وجمهور الاهلي اللي هيروح هناك مش هيعرف يعمل ربع اللي عملوا فينا هنا بس احنا عايزين اي حاجه تهدينا شويه وذنبه ايه عامل الاطفاء يبقي في المستشفي كده بين الحياه والموت وفي الاخر كله يطلع يقول " قلـه غوغـاء " ده بقي الكلمه اللي بتخليني عايز اولع في كل واحد عربي وبالاخص شمال افريقيا لان الحقيقه اللي احنا كلنا بنخبيها ان كل شعوب العرب في شمال افريقيا بتكره المصريين اكتر من اليهود وكلنا عارفين كده بس بندفن راسنا في الرمل حسبــي اللـــه ونعــــم الوكيــــل

ياباشا تحويلك الموضوع من مباراة كورة لاتجيب ولاتودى لمسألة كره للمصريين كلهم يودى فى داهية, ده لو مشجعى الأهلى عملوا كده هناك وخدوا الموضوع ككره للمصريين والبلد وكده هتبقى مصيبة, ولا لو وزارة الخارجية عملت كده وطلعت بيان أننا فى حرب مع تونس علشان بيكرهونا وعلشان شوية عيال سيس ميستحقوش لقب "تونسيين" ضربوا مواطن مصرى.

أنا عمرى ماشفت مجموعة سياح مهما كانوا من المريخ أو حتى أسرائيل مسكوا عسكرى أو شخص عادى فى مصر وضربوه, حضرتك شفت؟

دول مجرد مشجعى كورة مخنوقين علشان فريقهم خسر, قدامنا أو قدام الفريق الفستاكونى مش مهم, هما عملوا زى ما ألتراس الأهلى والزمالك بيعملوا فبعض.

ذنبه أيه واحد فى المهندسين أن عربيته تتكسر, ولا أزازة تيجى فى دماغه ولا طوبة, مش ده ترويع للأمنين, ويعاقب عليه القانون والدين, ولا دول حاجة ودى حاجة.

وأنا قولت أن الناس فى بحث دائم عن حاجة تتعصب لها وتحارب من اجلها, وده يعتبر أصلا تعريف الألتراس.

ياريت منديش الموضوع أكبر من مساحته, ومنعممش على شعوب تانية مالهاش ذنب فى حاجة, ومنعملش زى باقى "أخواننا العرب" لما يلاقوا رقاصة على التلفزيون ولا فيديو على اليوتيوب ويقعد يشتم فى المصريين وأنحلالهم وأخلاقهم, والمصريين غلابة مبيشفوش الحاجات دى أصلا.

والكبير لازم يتحمل أخواته الصغيرين, ههههههههههههههههههههه4445 46

[tarek elbadry]

بجد انا نايم امبارح زعلان وقمت الصبح تعبان والضغط كان عالى عليا من الى شفتو امبارح انا متفرجتش على المتش بس شفت برنامج الاستاز ابراهيم حيجازى وشفت العسكرى الى انضرب وشكلو مات حسبى الله ونعمة الوكيل الشرطة شايفهم بيفتكو بى العسكرى وسيبنهم عادى لدرجادى حياتو رخيصة كدة ولما زميلو راح يسعدو دغدغوة لية هوة احنا فين متبهدلين فى بلدنا وبرة كمان
لية هيبة البلد ضاعة لما نسيب شوية عيال سكرية يعملو فينا كدة ويمشو بساهل يعنى الحداشر الى اتمسكو اخرتهم ها يترحلو على بلدهم وخلاص ها نفضل لحد امتا الشقيقة الكبرى نتبهدل ونسكت مبلها عروبة ونخلينا فحلنا بكرمتنا احسن

[د0تامر محمد]

شكرا لكل من شارك فى الموضوع وأثراه برأيه وللجميع كامل الإحترام ولكل الأراء منتهى التقدير
لكن تبقى بعض النقاط تحتاج لتوضيح :
1- شمال غرب أفريقيا من البربر وهذه ليست سبة وعندما يقال للمواطن المصرى خارج وطنه (يا مصرى) بلهجة ساخرة من العرب فيجب أن يكون الرد بأصل كل واحد
الذى لم يسافر للخارج يجب أن يعلم أن كثير من العرب يكرهون المصريين ويعاملونهم معاملة سيئة لا يعامل بها هندى أو باكستانى أو حتى فلبينى
مصر أول من لّم الشمل وحاول جمع العرب والعرب هم من لا يريد توحد

2- الجمهور المصرى لم يفعل شغب فى أية دولة ذهب إليها حتى فى عنفوان الهزيمة وفى المقابل كسبنا بطولات فى دول أفريقية فى عقر دارها وكانت فى منتهى الإحترام عكس العرب
جمهور مصر لا يدخل المدرجات مخمور ولا يتعامل بهذا العنف مع أحد والمصرى بطبعه فى بلده مضياف لأقصى حد وخارج بلده ملتزم جدا بقواعد الدولة

3- المصرى فى الأزمات العربية والإسلامية هو الأكثر تأثرا والمستعد دائما للتضحيه حتى بروحه من أجل دينه من أياه الفتوحات فى شمال أفريقيا مرورا بقهر التتار والصليبين والحرب مع إسرائيل ومع ذلك نتهم بالعمالة والخيانة وبيع القضية العربية من قناة الجزيرة للشارع العربى لمناقشات العرب مع المصريين

4- هناك أيد خفية تعبث بالشوارع العربية وتزرع الكره فى القلوب الناقصة الإيمان أملا فى هدم مصر لأنها شوكة فى الحلق وهم يعرفون تاريخنا جيدا لكن للأسف لا يعرفه العرب كما يعرفه الغرب

5- إن صمتنا دائما مهين وفيه ضياع للحق ومعنى أن نثور على الخطأ ونوجه حتى سباب لمن سب ونعاقب من تجاوز أننا نسترد كرامتنا ولو كانت لنا هيبة ورد فعل قاسى لما تجرأ علينا أحد ولكن ثوب الأخ الأكبر أصبح مهلهلا ورثا ولن يحترمك أحد حتى لو كان شقيقك إلا بعد أن يلمس فيك القوة والهيبة مع الحب والرحمة كل منهما فى موضعه

6- كان يجب أن نتعلم من دروس الماضى وتاريخنا الرياضى مع الجزائر وتونس والمغرب 00حتى القزم قطر تهاجم مصربقناة مشبوهه تزيف التاريخ وتزرع الكراهية بين العرب ومصروغيرها وكل التجاوزات لو تم الرد عليها فى البداية لما إستفحلت ونمت ولكانت لنا هيبة لا يتجاوزها صغير ولا كبير ولما وصلنا إلا ما وصلنا إليه الآن ضربنا خارج أرضنا وداخلها ونحن الأقوى والأكبر ويجب من الآن أن ندرك أن هناك سرطان يتفشى بين العرب أسمه إقتلوا مصر ولو كان العدد زهيد الآن فهو إلى سبيله فى الإزدياد وأذكر من زمن بعيد مقالات إبراهيم حجازى وهو يحذر من هذا وكان حديثه ينصب على الجزائر وكنت وقتها أتعجب من كلامه ويمر الزمن ليكشف بعد رؤيته

7- سواء كنا نحب قيادتنا أو نكرهها فلا يجب علينا التجاوز

8- لو أخطأ شقيقك الأصغر فيجب أن تعاتبه وتعاقبه لا أن تصمت فتتقزم حتى تتلاشى ولو حدث لضعنا وضاعت كل العرب ولن تقوم قومية أو وحدة وأنت ضعيف صامت ممتهن

[حازم شاهين]

كل عام و أنتم جميعا بخير
و تحية ﻷبائنا و أهلنا من أبطال أكتوبر