|
تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!! |
![]() |
|
أدوات الموضوع |
#111
|
|||
|
|||
![]()
طيب انا كنت عاوز اعرف هل الأبواب بمفصلات رفع زى اللامبرجينى كده ينفع تركب عندى ...وكنت برضو عاوز اسألك هل التعديل فى العربية وشكلها يعمل مشاكل بالنسبة للمرور ولا عادى ولا فى حاجات مسموح بيها و حاجات لأ...
وبالنسبة للميزانية ممكن نزودها شوية ![]() |
#112
|
|||
|
|||
![]()
انا عندي اسبرانزا A516
عايز اعدل نظام الفرامل والتعليق ممكن اعرف ايه اللي ممكن يتعمل وهيكلف كام ؟ شكرا |
#113
|
|||
|
|||
![]()
سؤال سريع؟؟
معاى كورولا 99 عيون ايه التعديلات اللى ممكن اعملها فيها و شكرا للمساعدة |
#114
|
||||
|
||||
![]()
أنا أسمع أنهم دلوقتى يعملوا 400 أو 500 جنيه, صينيييييى. وهتضطر تقطع فى صاج الباب والرفرف علشان تركب المفصلات, وتلحم دعائم عند الباب والرفرف علشان الباب ميتنيش حاجة لأنه هيحمل طبعا على جنب العربية, ممكن متعملش الخطوة دى, بس برضه هتضطر تقطع فى الصاج علشان الباب لما يتفتح لفوق ميحكش فى الرفرف (تخيل الباب وهو بيفتح وهتفهم قصدى), وطبعا فى الأخر هترش, دى طريقة التركيب اللى أعرفها, وخلى بالك برضه المفصلات المختلفة بتختلف فى زاوية الفتح بتاعتها (فى 90 وفى 80 مثلا وهكذا) وطريقة فتح الباب. ![]() دى الكيت بتاعة المفصلات, وبتبقى عبارة عن المفصلات الكبيرة اللى فوق دى, و2 مساعدين (أو أكثر) علشان لما ترفع الباب يترفع بسهولة ويفضل مرفوع وميقعش ![]() وهتلاقى الحاجات دى عند جو Go أو TPS عادل وجدى أو Enzo طبعا, ولو عايز عناوينهم, جروباتهم على الفيس موجودة فى المنتدى, لو ملقيتش الجروبات قولى وأنا أجيبهملك. بس الباب مش هيفيدك كتير, هتتعب فى التركيب, والفلوس, علشان الباب يفتح لفوق بس ![]() ولو عايز تدور أكثر , جوجل, ثم lampo door kit, أو vertical door kit. بص ياباشا, التعديل على شكل العربية أو موتورها بيضايق بس وقت الفحص (ماعدا الفاميه والشغل ده طبعا), لكن لو المهندس كوول هيعديك, لو مش كوول الحوار هيمشى ب 20 جنيه ![]() ![]() والأختيارات أنا قلتها فى المشاركة اللى فاتت, لو حضرتك عندك أستفسار أو عايز تعديلات زيادة, أطلب ولو فى مقدرتى هساعد ![]()
![]() الحل التانى تعديل شامل, هتغير الطنابير بطنابير تانية قطرها أكبر, وكاليبرات أقوى, وطبعا الماستر بتاع الفرامل هيتغير هو والخراطيم بتاعة النظام علشان تلائم التعديلات الجديدة. ممكن تجيب المكونات أستيراد من عربية شبيهة لعربيتك, بس تكون طنابيرها أكبر من اللى عندك (وطالما طنابير أكبر كاليبرات أكبر ![]() وممكن لو الميزانية عالية وعايز العربية تقف من لمسة فرامل, تجيب طنابير وكاليبرات أسبور زى Brembo أو Wilwood بس أعمل حسابك فى ميزانية متقلش عن 5000 جنيه, بس هتبقى طنابير مخرمة بقى وشغل عالى, بس غالبا هتضطر تغير الجنط كمان علشان الطنابير الجديدة من حجمها الجنط القديم مش هيركب عليها ![]() ![]() نظام التعليق أختياراتك كالتالى من الأسهل للأصعب:- ممكن تجيب جنط أكبر مقاس أو مقاسين عن الأصلى, بالمقاسات الصح طبعا,ومساحة سطح الأطار هتبقى أكبر وده هيخلى العربية أثبت بكتير وهينشف العفشة, والجنط الأكبر بالكاوتش معاك من 1500 الى 4000 جنيه, حسب الحجم, وهتجيب مستعمل ولا جديد, والشكل وبلد المنشأ طبعا.. ممكن تجيب أستابلايزر أو بار للمساعدين, ده هيربط المساعدين الأماميين ببعض, وهيخلى العربية مترجش أو تميل مع تغيير الحارات على السرعات العالية أو الغرز ![]() ودى صورته, بيركب على البطاحات من فوق (وفيه واحد بيتركب من تحت لو عايز, وفيه بيتركب على المساعدين الورانيين وهكذا), وهتلاقيه عند المحلات السابق ذكرها أو ورش التعديل عامة:- ![]() الحل الاخير وأكثر واحد مقرف, ممكن تغير السوست والمساعدين بتانية رياضية زى Koni أو eibach ألخ, بس طقم السوست لوحده هيكلفك جامد جدا غير المساعدين, حوالى 4 بواكى ![]() الأفضل تستنى لما مساعدين العربية يهلكوا شوية, وتجيب مونرو جديد, ثمنه غالى تقريبا بحوالى 700 جنيه الجوز بس هيحسن الثبات جدا وهيبقى أنشف عن الأصلى, وده مع جنط أكبر, خيال (بس على حساب الراحة)
![]() ![]() ![]()
__________________
التعديل الأخير تم بواسطة Injection ; 21-11-2010 الساعة 05:32 PM |
#115
|
|||
|
|||
![]()
بصراحة موضوع رائع ؛ وربنا يباركلك ان شاء الله
انا معايا بولونيز مو87 وكنت عايز اصلح الكرسى بتاع السواق علشان الضهر بتاعو ما بيتحركش وملحوم بس الكرسى بيتحرك لقدام و ورا عادى.... فياريت لو حضرتك تقولى ينفع اركبلو مفصلة ولا اى حاجة علشان يتحرك ؟ وبكام ؟ وفين ؟ العربية عندى عاليه وعايز اركب اكصدام طويل لتحت او حاجة زى الكساحات بس تكون سعرها حنين .... |
![]() |
الكلمات الدليلية |
تعديل سيارات |
|
|