|
#1141
06-10-2010, 01:43 AM
|
||||
|
||||
رد: أدب الرحلات
محدش فيكو يعرف الباسوورد اروح اجيب جزء من اللى دفعته ههههههههههههههههه 
|
|
#1142
07-10-2010, 05:17 AM
|
||||
|
||||
|
رد: أدب الرحلات
الجماعة الاسلامية
من اعجب ماقابلت فى رحلاتى هذا الشخص العجيب وكنت وقتها منهمك مع الركاب فى احد مؤتمراتى السياسية ولانها لفتت نظره فحطنى فى دماغه وبعد ان انتهيت وجدته نزل ورائى بمدينة المنيا او اسيوط مش فاكر ونادى عليا / ياشيخ ... ياشيخ والتفت اليه / نعم عايزك فى كلمتين اتفضل ممكن نقعد فى اى مكان اتفضل وجلسنا فى حديقة بجوار المحطة انا / اؤمرنى (وللحقيقة انا قلت هيطلب قرشين لانه محتاج ومش عارف ايه وأن كانت هذه البدعة لم تنتشر مثل هذه الأيام واحد يلبس جلباب ابيض ويدعى الاحتياج او واحدة تلبس النقاب وتتسول ) والله ياشيخ انا شفت ماشاء الله معلوماتك الغزيرة وشجاعتك ورغم ان الاوضاع فى الصعيد كلها قلق لكن انت اتكلمت ومخفتش طب وأيه المشكلة انا عايزك معانا واندهشت / معاكم ازاى وانتم مين اصلا ابتسم وبهدوء شديد / احنا الجماعة الاسلامية وبلعت ريقى لكن لم ابين له / انت بتتريق والا بتضحك عليا ؟؟؟؟ لا والله بتكلم جد جد ازاى هيا الجماعة الاسلامية بسهولة كده يختارو اى حد ويقولوله تعالى عايزينك معانا؟؟؟؟؟؟؟؟؟ لا طبعا لكن انا مسئول عن اختيار الاعضاء الجد د وبشرح لهم الوضع وبينى وبينكم مناخيرى اكلتنى وحب الاستطلاع خلانى قلت ياواد سيبك من الشغل وشوف النظام ايه فقلت له /اتفضل اشرح لا مش هنا اومال فين تعالى نتغدى سوا اشكرك وسيبك من الاكل والشرب خلينا فى المهم فقال / مش هينفع فى الشارع لازم البيت ؟؟ لازم ووصلنا البيت وللحقيقة جهز غدا كويس واهتم بيا وبعد الغدا قال/ شوف ياسيدى احنا ننقسم الى قسمين قسم دعوى وظيفته دعوة الناس واعطاء دروس لهم فى المساجد من خلال كتب اهل السنة والجماعة وقسم حركى وظيفته الأمر بالمعروف والنهى عن المنكر والامر بالمعروف والنهى عن المنكر له 7 درجات تبدأ بتذكير مرتكب الاثم كتارك الصلاة او الماشى مع بنت او غيره باحاديث وايات من القران والسنة تؤيد كلامنا فان لم ينته نبدأ معه باسلوب التخويف من الاخرة وعذاب النار وغضب الله وتنتهى فى المرحلة السابعة بتغيير المنكر باليد وهو التفريق بينه وبين البنت اللى ماشى معاها او غيره وانا بينى وبينكم نورت جوه نافوخى كام لمبة كام لمبة ده أيه ده انا متهيألى نورت جوه نافوخى محطة كهرباء السد العالى نفسه وسالته بصفتى اصبحت واحد منهم حتى لايشك فيا / طيب واحنا لما نغير المنكر باليد مهو الحكومة هتقبض علينا والناس هتبلغ عننا ونتحبس ومنعرفش ندعو الناس تانى فضحك وقال / مهو ده الجهاد فى سبيل الله يا أخى و...رديت وكأنى اخدت العضوية خلاص / ايوه بس الجهاد له أبواب كتير واحنا بالباب ده هنعادى الحكومة واحنا مش أدها فضحك وقال / مين قال كده مهو انت لم بتبقى عضو معانا فى عدة مراحل ليك علشان تبقى عضو عارف بكل اسرارنا وممكن توصل للقائد الكبير كمان وتبقى دراعه اليمين انا بعد م نافوخى قرب يولع من السخونية / انت تعرفه ؟؟؟؟؟ طبعا بس مش بقابله الا كل فترة وخصوصا انى مسئول منطقة مسئول منطقة ازاى طبعا كل واحد له منطقة بيجيب منها ناس يبقو اعضاء ويعلمهم الدعوة وهكذا وطبعا بـيـنـقـى اللى يحس انه ممكن يبقى عضو مخلص (من الاخلاص) طيب انا مطلوب منى أيه دلوقت انت هتقابل رئيسى المباشر بلهفة / الزعيم؟؟؟؟؟؟؟؟؟؟؟ ضحك ههههههههههه عايز تقابل الزعيم مرة واحدة كده ؟؟؟؟ خليهم على مرتين ضحك تانى هههههههههه اهو كلامك اللذيذ وتبسيط المعلومة والتفاف الناس حواليك فى القطار هو اللى حسسنى انك هتبقى قيادى عظيم ياسلام انت مش مصدق ؟؟؟ انت بتجاملنى بس لا والله المجاملة دى نوع من انواع الكدب اللى احنا مبنحبوش ومبنستـعملوش طيب وازاى اقابل القيادات الكبيرة وابقى واحد منهم فقا ل / عملك الدعوى والحركى هما اللى بيأهلوك وبناء على تقارير متابعة ومراقبة ليك ................. قاطعته / انتم هتراقبونى فى الأول بس علشان نضمن ولائك واخلاصك وبعد كده ؟؟؟؟ لو تأكدنا من اخلاصك ونشاطك الحركى والدعوى يـبـدأ تصعيدك وترقيتك بس التصعيد له اختبار بسيط طالما بسيط ايه المشكلة مش تعرفه الأول قول ياعم (قلتها بثقة عجيبة تقولش خلاص بقيت قائد عام الجماعة ؟؟؟) فقال / بس متقولش لحد لان غلط انك تعرف الاختبار ده فى الأول وممكن يقتلونى فيها اومال هتقوللى ليه لانى معتقد انك فى خلال سنتين بالكتير ممكن تبقى قائد عام الجماعة او قائد محافظة المنيا وساعتها مش عايز غير انى اكون دراعك اليمين باندهاش / خلال سنتين ؟؟؟ ده انتم الترقية عندكم سريعة جدا ضحك وقال / الترقية بتتم بناء على تقارير المتابعة والمراقبة ومدى اخلاصك للجماعة ودورك الدعوى والحركى وقلت فى نفسـى / ياخويا ايه النظام الجامد ده وافقت من سرحانى وقلت له / طيب قول الاختبار متقولش لحد متخافش طيب تقسم بالله ؟؟؟؟ اقسم بالله ان مفيش حد من اعضاء الجماعه هيعرف (طبيعى ان محدش هيعرف لانى لن انضم اساسا ولكنه حب الاستطلاع والمعرفة) شوف ياسيدى حين يتم ترقيتك الى رتبة قائد محافظة فده معناه انتقالك من مرحلة الفرد الى مرحلة القيادة والقيادة لها متطلباتها منها قوة الشخصية والحزم والحنكة والتصرف الجيد ولذلك يتم عمل هذا الاختبار لك لانك غالبا اول واحد يواجه الحكومة واول واحد سيقبض عليه لاقدر الله وستواجه ظروف سيئة ولذلك يجب تدريبك على هذه الظروف انا / ازاى ؟؟؟؟ اولا/ يتم حبسك فى غرفة 24 ساعة بلا اكل او شرب وممكن تمتد يومين او تلاتة كمان وثانيا / يتم ضربك فى يوم من اوله لآخره ضرب موجعا وغالبا مايكون بعصا غليظة (شومة ) ثالثا / اذا تحملت كل مافات يتم جلدك بكرباج سودانى مغلى ومنقوع فى الزيت لمدة 48 ساعة متواصلة رابعا /...... قاطعته / حيلك حيلك بلاها قيادة خلينا أفراد وخلاص ضحك وقال/ مهو ده تدريب على كل مايمكن ان يقابلك فى السجن علشان متعترفش علينا او تدل الشرطة علينا من اول قلمين هههههههههههههههههههه طيب واذا توفيت مين يراعى اسرتى اسرتك مسئولية الجماعة واعضائها طيب والجماعة بتجيب فلوس منين من تبرعات بعض اهل الخير ليها طيب م انتو بتلمو تبرعات اهو يعنى الحكومة هتعرف هتعرف طبعا لا ازاى لان التبرعات بتيجى من رجال اعمال اعضاء عندنا بس هما وظيفتهم التبرع وبس وبينى وبينكم بعد الكلمتين اللى فى الأخر دول حسيت ان جسمى بيوجعنى من الضرب مع ان محدش لمسنى ههههههههههههههه وقلت فى نفسى / ياواد بلاش وجع قلب كل التعذيب ده علشان القيادة ؟؟؟؟؟ محدش بياكلها بالساهل على رأى ريا وسكينة ههههههههههههههههههههه وشكرته وقمت من عنده واعطانى تليفونه الخاص وطلب تليفونى فأعطيته رقما خاطئا ومشيت و ما ان ابتعد عنه حتى مزقت رقم التليفون فأنا فى الصعيد والدنيا ملبشة وأى تفتيش يلاقو رقم التليفون يوجعولى دماغى والحكاية كلها كانت مجرد حب المعرفة طب أيه حكاية الجماعة الاسلامية بعد بحث وقراءات متعددة وجدت ان الشيخ حسن البنا يرحمه الله كان من الناس العباقرة والذين يهمهم مصلحة هذا البلد ( مش عبيط واهبل وعصبى وبيحايل وزير الداخلية زى م جابوه فى مسلسل جماعة وحيد حامد) ولذلك قرر اعادة دعوة الناس الى الاخلاق الكريمة فقط بدون اى شىء آخر بعد ملاحظته انحدار الاخلاق (وقتها اومال دلوقت يبقى ايه؟؟؟؟ اعتقد انتحار الاخلاق ) وكانت بداية دعوة الأخوان هي التربية والأخلاق فقط ثم نظرا للظروف السياسية للبلاد تم تكوين مايشبه الجيش الصغير وهدفه محاربة الاستعمار الانجليزى ومنع اليهود من الاقتراب من فلسطين بعد ان بدأ التخطيط لها بعد وعد بلفور الشهير لليهود بجعل فلسطين وطن قومى لهم وكان هذا الجيش الصغير اسمه النظام الخاص وكان قائده شخص اسمه صالح العشماوى وكان ملتزما بكل القواعد المتفق عليها مع الشيخ حسن البنا وكان الشيخ حسن البنا اول من فكر فى موضوع الانترنت فى تشكيل هذا النظام والفكرة ببساطة تعتمد على مجموعات من الافراد متداخلة ومتشابكة فى سلسلة لانهائية مثل مواقع النت ولايعرفون بعضهم وهمزة الوصل بينهم (الدومين نيم ) عدد قليل جدا من الاشخاص يقومون بالتنسيق بين هذه المجموعات وكان من اشهر اعضاء هذا التنظيم / الرئيس السابق جمال عبد الناصر /وخالد محيى الدين رئيس حزب التجمع السابق والشيوعى المعروف (سبحان الله) ولكن احد هذه القيادات لم تعجبه طريقة الشيخ حسن البنا الهادئة والمتوازنة وهو يدعى / عبد الرحمن السندى وكان حادا قوى الشكيمة ولكن قرر عمل عدة عمليات من نفسه وبدون اى تعاون مع الجماعة وكان ان قام بعملية اغتيال القاضى احمد الخازندار ووقتها قال الشيخ حسن البنا قولته الشهيرة / ليسوا أخوانا ولامسلمين ثم اغتيل الشيخ حسن البنا وتولى قيادة الجماعة حسن الهضيبى والذى حدث صدام بينه وبين عبد الرحمن السندى والذى كان فيما يبدو جذوره الصعيدية بـتـنـقـح عليه فقرر يمشى اللى فى دماغه وقد كان وبدأ يعمل مع نفسه وكون له جماعة واعضاء ثم توفاه الله ونهج نفس نهجه تلميذه النجيب ناجح ابراهيم وهو رجل ذكى جدا طبيب شاطر ومن عندنا من اسيوط وخريج جامعة اسيوط وكان يقوم بخدمة الناس وعمل انشطة ثقافية واجتماعية وخدمية كثيرة للناس مما جعلهم يلتفون حوله وخصوصا ان كان يدعو الى مكارم الاخلاق وكنت ارى بنفسى المساجد لدينا فى اسيوط فى جميع الصلوات كأنها صلوات جمعه وليست صلوات الفجر والظهر والعصر والمغرب والعشاء ولكن افكار عبد الرحمن على ما اظن واعتقد كانت لاتزال داخل ناجح ابراهيم و بدأ تطبيق الجزء الحركى وللحق كان ينفذ كثيرا من سنة النبي صلى الله عليه وسلم فى كل تصرفاته هو وافراد الجماعة حتى انهم فى الاعياد كانو يخرجون الى الشوارع ويكبرون تكبيرات العيد طوال ليلة العيد مثل سنة النبى صلى الله عليه وسلم وكان العيد فى اسيوط عيدا حقيقيا وبالطبع بعد كل هذه التصرفات كان لابد من الاصطدام مع الحكومة ولكنه كان لايتنازل عن اراؤوه او افكاره ابدا ولذلك كانت الحكومة تتصرف بالاسلوب الهجومى وخصوصا انهم كان لايستطيعون مجاراته لاعقليا ولافكريا ولا شرعيا فيهزمون امامه دائما فى حواراتهم وخصوصا انهم مجموعة من الجهلة والجاهل لكى يثبت قدرته فيلجأ الى الاسلوب الهجومى والهجوم دائما مايقابل برد فعل وهو الهجوم وناجح هذا انا شخصيا صليت وراؤه وكنت فى تالتة اعدادى تقريبا اذا نظرت اليه تجد نورا يشع من وجهه واذا تحدث معه يأسرك بكلامه فان حاولت استفزازه فلاتستطيع وبحثت وراؤه اومال ايه اللى بيقولو ه عليه ده وعرفت انه فى الحق لايخشى احد وفى حواراته عالم وفاهم اذن هو الجهل الذى يقابل العلم بالقوة وبدلا من احضار عالم لمناقشة صاحب هذا الفكر يأتى ظابط ليحاوره وهو الظابط فاهم ايه والدولة فهمت هذا الكلام متأخرا بعد ان خربت مالطة وكان ناجح له مهابة حتى انه فى سجنه كما سمعت كان الحارس الخاص له يخشاه ولا يتحدث معه وتصاعدت الأمور بين الدولة والجماعة الاسلامية ولكنها قبضت على روؤس الجماعة واعدمتهم او حبستهم حبسا لانهائيا وعذبت اسرهم واهانتهم فماكان الا ان خرج علينا منهم ومن الاسر المعذبة شوية عيال لايفقهون شيئا وعاملين نفسهم قيادات وبيفسرو الدين بمزاجهم ولاحول ولاقوة الا بالله ولكن ظهور علماء بحجم الشيخ محمد حسان وابو اسحاق الحوينى ومصطفى العدوى وغيرهم كان له اثر قوى فى تصحيح مفاهيم كثيرة ثم انتشار وكثرة القنوات الدينية ادى الى وجبة دينية يومية دسمة مما ادى الى التاثير على كثير من الشباب وامتصاص الحماسة الموجودة لديهم وتحويلهم الى شباب صالح عامل نافع لبلده اللهم اهدنى واهد ى عائلتى وسائر المسلمين اللهم آمين
|
|
#1143
07-10-2010, 06:38 AM
|
||||
|
||||
|
رد: أدب الرحلات
جمال والسياسة
وفى يوم خرجنا انا وجمال ومدير البيع كالعادة وسافرنا سويا وبعد ان انتهى العمل وقضينا ليلتنا فى الفندق ثم سافرنا فى اليوم التالى الى البلد المجاورة واثناء عودتنا تحدث جمال كالعادة وقال/ اهو انت بقى ياحاج خالد اللى موديك فى داهية السياسة والكلام اللى لايقدم ولايأخر انا / ازاى يعنى ؟؟؟ يعنى طول النهار تكلم ده وتكلم ده والناتج ايه ؟؟؟؟ ولاحاجة مين قال كده ازاى ؟؟؟؟يعنى انت عملت انقلاب وانا مش فاهم ؟؟؟ ضحكت انقلاب ايه ياجمال م انا قاعد جنبك اهو اومال تغيـيـر ايه اللى حصل لما انت لسه قاعد جنبى يادى النيلة اوعى تكون شاكك انى مش انا اللى جنبك انا ابتديت اشك والله ورينى البطاقة ههههههههههه الله يسامحك ياشيخ وكملت كلامى / مش لما انا بكلم الناس بزود افكارهم ومعلوماتهم ؟؟ ايوه ولما بزود معلوماتهم بفتح عينيهم على حاجات كتير مش عارفينها ايوه طيب ولما يبقى فيه اب فاهم وعارف الحقائق تفتكر ابنه هيطلع ايه؟؟؟ جمال / هيطلع يلاقى ابوه فى السجن وسيادتك لسه بتتكلم هههههههههههههه ياراجل انا افتكرته هيطلع الدور التانى لا ياعم التانى قريب من الارضى وبتاع الانابـيـب والبياعين بـيـقلبولى دماغى كل يوم الصبح فـنـقـلت للخامس بتعجب / أيه علاقة الكلام ده بالسياسة مش انت اللى جبت سيرة الدور التانى انا بهزر وانا كمان هههههههههههه جمال / السياسة اللى اعرفها انى اسايس الزبون لحد م اخد منه البنديرة اللى انا عايزها وامشى ماشى ياعم السياسى المهم دخلنا على كمين الظابط / عايزين نفتش العربية وبعد تفتيش دقيق الظابط لجمال / اسمك ايه جمال ياباشا بتشتغل ايه (سؤال عبقرى مهو شايفه سايق تاكسى هيبقى بيشتغل ايه مهندس طيران مثلا ) سواق تاكسى ياباشا بس ؟؟؟ بس ياباشا ومليش اى نشاط خالص بتاع السياسة اهو وشاور عليا يخرب عقلك ياجمال ايه التدبـيـسة دى؟؟؟ الظابط بغلاسة / اسمك ايه خالد بتشتغل ايه صاحب شركة شركة ايه عطور ورينى بطاقتك ( كانت البطاقة الورق القديمة وام عمر غسلتها مرتين او تلاتة مع الغسيل وشكلها سىء جدا ) اتفضل ايه ده؟؟ دى بطاقة تقابل بيها ربنا هو انا هقابل ربنا بالبطاقة ؟؟؟؟ انت هتـتـفـلسف لا نشاطك ايه باستعباط / قلت لحضرتك عطور قصدى السياسى ولا افهم فيها انت تبع حزب ايه حزب الشعب ده فين ده اقصد انا واحد من الشعب اللى بيجرى على لقمة عيشه وخلاص ولاحزب ولاغيره ياباشا احنا عايزين ناكل عيش وماشيـيـن جنب الحيط وبعد اكثر من سا عة ونصف فى حوار عقيم لاقيمة له قرر ان يتركنى ولكنه كمن تذكر شيئا كان ناسيه فقال / بس زميـلك اعترف عليك زميلى مين الطويل ده والتـفـتـنا نبحث عن جمال لم نجده الظابط / يانهار اسود ده هرب نهار ابوكو ... قاطعته اصبر ياباشا هيهرب ازاى والتاكسى واقف اهو وبحثنا عنه وجدناه اثناء الحوار واقـف بعيدا عن الكمين لان طبعا الكل ملتف حولى ومهتم بيا وبسلامته قاعد على الترعة بيتـشـمـس ناديت عليه ياجمال ... ولاهو هنا ياجمال ... ياجمااااااااااااااااااااا ااااال من بعيد بصوت عالى / أيوه ياحاج خااااااااالد خلصتو والا لسه ؟؟ الظابط باستهزاء / خلصنا؟؟؟؟ هو احنا بنشترى من بعض بضاعة والا بـنـتـفـق على صفـقة ؟؟؟؟؟؟؟؟؟ انا / هههههههههههههههه ياباشا اللى بتقول انه اعترف عليا ده ولا فى دماغه اى حاجة وواقف يـتـشـمـس وانت بتحقق معايا الظابط / بس ده قال عليك بتاع السياسة اهو ياباشا والله ولا فى دماغه لكن الظابط متغاظ كان فاكر نفسه لقى قضيه هيـترقى بسبـبـها ولما وصل جمال الظابط بغيظ / ورينى بطاقتك ياله (ياوله او ياد ) انا فى سرى ضاحكا / ههههههههه أحسن تستاهل جمال / م انت شفتها ياباشا الظابط بعصبية / انت هتعلمنى شغلى هات يا.......... البطاقة جمال بخوف / حاضر والظابط أخد البطاقة ولم ينظر فيها بل رماها فى جردل مياه (لامؤاخذه) وطبعا باظت لانها كانت ورق الظابط / اجرى ياله خد البطاقة دى وانا عملت معاك كده علشان تحرم تقرف اى ظابط تانى طبعا جمال بطاقته باشت والكتابة اللى فيها ساحت ولازم يعمل غيرها جمال / حاضر ياباشا الظابط / عارف عملت ايه جمال / عارف ياباشا (قالها بطريقة تدل على انه مش عارف حاجة ) الظابط / طب انت عملت ايه مش عارف ياباشا ولاول مرة ينفجر الظابط من الضحك وقال له / غور ياله من وشى ثم التفت ناحيتى وقال / وانت لو شفتك تانى ومعاك البتاع ده (جمال ) هقبض عليك وهلـفـقـلك قضية مخدرات واقتحام كمين وتنظيم ارهابى وشروع فى قتل وهحبسك مدى الحياة يانهار ابيض كل ده ؟؟؟ واكتـر لو شفت الواد تانى معاك ياباشا انا هوصل مصر واقتـله ياريت قبل مصر حاضر ومشينا وبكلم جمال وقلت له / مش عيب تبعته ليا وتقول له بتاع السياسة أهو ضحك وقال / اصل لقيته هيطول معايا وانا متعود ان كلهم عايزينك انت فحبـيـت افهمه السكة الصح من أولها ههههههههههههههههههه
|
|
#1144
07-10-2010, 06:53 AM
|
||||
|
||||
|
رد: أدب الرحلات
ملحوظة كنت قد قلت فى موضوع الجماعة الاسلامية ان عبود الزمر لم يقابل خالد الا فى السجن وهذا كلام اشيع وقتها وسمعت كلام اخر ان ماجمع عبو د الزمر وخالد هو الاتفاق على قتل السادات لكن التخطيط الساذج كان لخالد وحده وعبود كان له مهمة اخرى وهى احتلال مبنى التلفزيون وكان هناك اتفاق مع الجماعة الاسلامية باعلان اسيوط كدولة مع استغلال مقتل السادات
ولكن خالد فعلا كان فى وادى وعبود فى وادى اخر وليس صحيحا ان خالد كان عضو فى الجماعة الاسلامية وخصوصا انه كان ملازم اول فى الجيش ولايمكن بقاء ضابط فى الجيش وهو له ميول تنظيمية فكيف يتخرج فى الكلية الحربية ويرقى الى ملازم ثم ملازم اول وهو عضو فى تنظيم معادى للدولة
|
|
#1145
07-10-2010, 07:34 AM
|
||||
|
||||
|
رد: أدب الرحلات
الصراحة حوار ماتع و شيق
و أنا للأسف لم أكن من المتابعين لهذا الموضوع الجميل الا بعد 229 صفحة أظن حاياخد مني سنيتين قراية بس  احب اسجل اعجابي و استمتاعي بهذا الموضوع
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?s=b2b6b1d65f5ee2517d25add304be36ea&u=5722&type=sigpic&dateline=1317473683)
|
 |
|
|
