|
#1121
02-10-2010, 02:42 AM
|
||||
|
||||
رد: أدب الرحلات
وفى الأخر صعب عليا روحت زرته واتدبست فى 3 كيلواو 5 كيلو برتقال مش فاكر كلفونى ايامها جنيه (واحد جنيه فقط ) انا فاكر الجنيه وتذكرة القطار كانت بقرش وكنا طلبة بنقطع نص بتعريفة وكنت طالب فى الجامعة وكان مصروفى او مرتبى2 جنيه فى اليوم واليوم اللى م اروحش فيه المحل مكنتش باخد و... ده مرتب وقتها كان عالى اذا علمتم ان الرغيف كان بتعريفة وكيلو اللحمة بعد الغلاء كان وصل 2 جنيه وقامت مظاهرات بسببه هههههههههههههههههه 
|
|
#1122
03-10-2010, 04:17 AM
|
||||
|
||||
|
رد: أدب الرحلات
العربية اتسرقت
والعبد الفقير نايم مريض من يوم 18 رمضان حتى اسبوع فات وانا لما مبركبش العربية مده طويلة بنزل كل يومين تلاتة تحت البيت ادور العربية دقيقتين واقفلها وامشى علشان البطارية متنامش لكن فترة مرضى قعدت اسبوع او اكتر مش عارف حاجة عن العربية واول م حسيت نفسى اقدر انزل نزلت ادور العربية علشان البطارية متنامش ونزلت ولم اجدها ايه ده العربية راحت فين وشكيت انى سبتها فى مكان تانى لفيت كل الاماكن اللى ممكن الاقى العربية فيها لم اجدها وانا اتعودت ان الهلع والجزع على الحاجة بيوقف التفكير اخدت نفس عميق وبدات افكر العربية دى طالعة بدون مضايقة من احد لان شارعنا صعب تسرق فيه عربية وواضح ان اللى فتحها فتحها فى وقت متأخر مع طناش بتوع المباحث اللى بيلفو فى الشارع طول الليل (شارعنا به 3 كنائس ولذلك تلاقى دايما 2 من المباحث رايحين جايين فى الشارع) ومعنى كده ان بتوع المباحث عارفينه ومش معقول هيكون حرامى لان المباحث م هيصدقو يلاقو قضية يترقو بسببها وراجعت شريط الاحداث عندى حكم انا مشاغب واكيد ضايقت حد من الكبار بس انا معرفش كبار فى البلد دى (كبار فى المناصب طبعا ) انا واحد عادى من الشعب مشاغب شوية مناكف شويتين وفكرت وافتكرت كان واحد بيشتغل مع احد اعضاء مجلس الشعب الكبار اوى اوى اوى و..له نفوذ وتأثير كبير خبط لى عربيتى من ورا وشتمنى ولما م رديتش عليه طول لسانه اكتر وضربته قلمين على وشه وزقيته وقعته على الأرض و كان بيننا مشكلة كبيرة واحمد كروزير فاكر ان بلدنا فيها قانون اه هو فى قانون بس ده بيننا وبين بعض لكن الكبار دول فئات مستــثـناة من القانون ونصحنى بأ نى اعمل محضر فى القسم واعمل مش عارف ايه ونظرا لان ليا خبرات سابقة فى هذا الكلام العبيط حينما كنت اعتقد ان هناك قانون فى بلدنا وكان ناتج احد هذه المواقف شهر حبس فى مكان مجهول ولايعرف عنى احد اى شىء وفوجئت بكلام كتير حصل وفهمت انه نوع من التهديد اللى مياكلش الا مع العيا ل الصغيرة ولكن جالى تليفون من احد حبايبى فى المباحث اثناء المشكلة وقال / انت عامل مشكله مع فلان بيه ؟ مين فلان بيه واحد طوله وعرضه ومعاه عربية مش عارف ايه وماركتها ايه أه احنا لسه فى الشارع انت عرفت منين خلص الفيلم ده ودى علشان حبايبه كتير وعامل لك دوشه هنا والحقيقة طنشت ولكن كل شوية واحد جاى من القسم على المحل عايزنى ف كلمتين ولانى مبروحش المحل كتير الاقيهم بيبلغونى عن الوضع ايه الشغلانة دى واضطريت اشوف صاحبنا فين لان مشوار القسم معناها تهمة جاهزة وانا عليا انقى التهمة اللى تعجبنى وفعلا قابلته وبعد فاصل من الوقاحة ورغم ان هو اللى خابط لى العربية من ورا طلب 2000 جنيه لانى اهنته ادام الناس واستعوضت ربنا و دفعت وخلصت وافتكرت هذه الواقعة اذن هو اللى ممكن يعملها ومحدش يقول له بتعمل ايه و دى غالبا اتشالت بونش او حاجة لان مسألة فتحها صعبة شوية واستشرت صاحبنا بتاع المباحث فقال / انا هدور عليها ولينا الحلاوة انا وزمايلى وكل يوم او يومين اكلمه يقول / ياباشا لم يستدل عليها وجارى البحث ومتخافش الموقف تحت السيطرة سيطرة ايه ونيلة ايه وانت مش لاقيها وجيت فى يوم قلت اجس النبض وقلت له / لو لقيتوها تاخدو حلاوة كام ضحك / انت حبيبنا ياعم خالد وعندك حصانة برلمانية وبعون الله هنجيبها والفلوس اخر حاجة (كلام فارغ طبعا ) المهم انا استويت ولا عارف الاقيها من المرض ولا عارف الاقيها من العربية واخيرا من 10 ايام اتصل بيا صاحبنا وقال / ابشر ياباشا قربنا نوصل لها لا ياشيخ اومال لما توصلولها هتعملو ايه هناخد منك الحلاوة وبدأ الكلام عن الحلاوة يزيد وفهمت انها قرصة ودن لكن طظ طالما قليل الادب لازم ياخد على دماغه ولو هو مين ووجدت ان العقل يقول انى اجاريهم لحد م اخد عربيتى لان الكلام الرسمى المحضر وخلافه هيؤدى الى اختفاء العربية للابد لان العربية لو ظهرت رسمى هيدورو على مين ورا الموضوع وهيجرجر وراه ناس تانية وبالتالى لازم تختفى وفى يوم طلبو منى 10 الاف جنيه وفهمت انهم لقيوها ممعاييش عموما جارى البحث وربنا يسهل على م نلاقيها تكون جهزت نفسك اه ياولاد الــ..... يبقى لقيتوها المهم بعد مفاوضات وصلت الى 7 الاف رفضت حتى ذهبت الى وادى النطرون من كام يوم وكان الزبون اللى معايا جاى من اسكندرية ومبيشوفش بالليل ولازم يروح البيت بسرعة وراح سايبنى فى مدخل طريق العلمين فى الضلمة ومشى وركبت عربية نص نقل جامبو واثناء ركوبى بجوار السائق جائنى تليفون من احدهم عملت ايه ممعاييش 7000 جنيه حوش وادينا بندور لك 7000 جنيه كتير ياسيدى يعنى انت شايفنا لقيناها وقلت فى نفسى /أأأأأأأأأأأه ه ه دى مساومة بقى وسمع طرف من الكلام سواق الجامبو وسألنى / انت عربيتك مسروقة ايوه واللى بيكلمك ده الحرامى؟؟؟؟؟؟ ههههههههه حرامى بس ميرى يعنى ايه ده المفروض انه بتاع المباحث اللى بيدور عليها عملت محضر ملوش قيمة ليه دى حكاية طويلة طلبو منك كام 7000 قليلين وصعقت من هول الكلمة مندهشا ومتسائلا / قليلين ؟؟؟؟!!!! ازاى واحد جارنا اتسرقت عربيته النص نقل واتصلو بيه اللى سرقوها وقالو له / هات 17 الف هتاخدها ولو بلغت الشرطة مش هتشوفها تانى بذهول / 17 الف ؟؟؟؟ طبعا وعمل ايه دفعهم واشترى عربيته وانت عربيتك نيسان صنى يعنى تساوى تمن النص نقل اللى اتسرقت مرتين و7000 جنيه قليلين اشتريهابيهم وطبعا رجعت البيت افكر فى هذا الكلام وقررت ادفع واخلص واخدت الفلوس واشترطت انى لن ادفعها الا من داخل السيارة وذهبت لقيتها واقفة مرمية عند الزاوية الحمرا وقذرة وحالتها سيئة هيا عربيتى فعلا ونفضتها وركبتها ودفعت الفلوس وجيت امشى وصلنى مليش مزاج عيب انا لقيتلك عربيتك ماشى رايح فين القسم ماشى ووصلته وخصوصا انى القسم فى طريقى ولكن لاحظت انى حين دورت السيارة دارت على طول رغم ان القذارة اللى عليها تقول مفروض انها مركونة من زمان والبطارية نامت والبواب تانى يوم لاحظ انها موجودة وقذرة جدا العربية دى كانت فين مسروقة مش معقول الحمد لله على كل شىء عايزك تروقهالى عينى وبعد م غسلها ونضفها نزلت ركبت العربية وفوجئت بمفاجأة عجيبة الكثير من الناس لايعرف ان النيسان بها 3 عدادات ونظرت الى عداد الكيلو متر وجدته عامل 72 الف ولم اقف كثيرا عنده والعداد الثانى وهو مخصص للزيت لقيت عامل 9200 وهذا الرقم لفت نظرى لانى حين ركبتها اخر مرة كان الرقم 8000 او اقل والعداد الثالث كان هو الفيصل لانه عداد الكيلو متر المخصص للغاز فحين يصل الى رقم 130 كيلو امون ان كنت مسافر وحين ركبتها اخر مرة كنت لسه ممون غاز وكان هذا العداد عامل حوالى 20 كيلو متر فقط ووجدت ان هذا العداد وصل الى رقم 1395 ايه ده ؟؟؟؟ اى حرامى بيسرق علشان يبيع او يستفيد منها لكن ده اتفسح بيها وعملت 1400 كيلو متر ووجدت زجاجة بيبسى حجم الصاروخ مرمية فيها وزجاجة مياه معدنية ومصحف صغير ثم كمية كبيرة من الزبالة فى الشنطة وكان عندى 30 لتر بنزين تقريبا استهلكو تماما والعربية محككة من ورا فى الجانبين وخدوش حديثة واضح انها احتكاكات بعربيات تانية معنى كده دى مسروقة من اجل اغاظتى وجعلى الف حوالين نفسى و لما ملفيتش حوالين نفسى ومتغاظتش الموضوع طول شوية واستعملت السيارة للفسح والرحلات والاكل والشرب بداخلها والمستفيد هم رجال الأمن والنظام ولو مشى الموضوع قانونى ولا كانت هتظهر ابدا و لو حد يعرف حد عربيته اتسرقت يسأله رجعت والا لأ ولو رجعت يسأله صرف كام لحد م اخدها وعمار يامصر وحسبى الله ونعم الوكيل التعديل الأخير تم بواسطة خالدخليفة ; 03-10-2010 الساعة 04:28 AM
|
|
#1123
03-10-2010, 07:45 AM
|
||||
|
||||
رد: أدب الرحلات
حمد لله على سلامة العربية
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1124
03-10-2010, 08:09 AM
|
||||
|
||||
|
رد: أدب الرحلات
أنا جيييييييييييييييييييييت أخيرا.
قعدت أقرا كتير فى المشاركات اللى فاتتنى, ومنعا للأطالة هقول أنى أستفدت منها كتير أوى سواء حكايات الأستاذ خالد, أوتجارب الدوك مع الكشافة, أو الضحك اللى ضحكته على حكايات كورسير  أنا كنت مبهور بالكشافة من أيام ميكى, وكان نفسى أشترك فيها زمان, بس طبعا محدش بيهتم بالأنشطة دى خالص فى المدارس, وكانت حالة الكشافة فى ثانوى تحزن, وحتى فى الجامعة الكشافة يكسفوا بصراحة واللى بيعملوه مش تصرفات كشافة خالص
أنا مضمون القصة و"اللغز" اللى فيها فرسونى أوى, ومش متصور العنطزة اللى الظابط فيها وهو بيقول لحضرتك عايزين الحلاوة, حسبى الله ونعم الوكيل. وبعدين ياباشا بعد كده لما حد يضايقك حط أعصابك فى تلاجة ونفضله, الناس دى ماتسواش بصلة, ولما تيجى تضرب ماتهووش وتنزل تتخانق والكلام الصغير ده, الصعايدة مابيتخانقوش بيموتوا على طول, وكمان علشان ميبقاش فيه مشاكل بعد كده ومعلش ياباشا, أستعوض ربنا فى اللى حصل, وأبقى هات غطاء قماش للعربية غطيها بيه يلم التراب وعلشان يبعد الحرامية وأولاد الحرام. عمار ياليبيا 
__________________
|
|
#1125
03-10-2010, 12:42 PM
|
||||
|
||||
رد: أدب الرحلات
علب بيتزا وبواقى ساندوتشات ونمل بسبب الاكل المرمى جواها والكارثة ان كل حاجة زى ماهيا حتى الاستبن والكوريك والصليبة زى م هما والغريبة المصحف اللى لقيته دى نكتة والله حرامى وحط لى مصحف جوه العربية مؤمن اوى بسلامته ههههههههههه
|
 |
|
|
