ارشيف الاستراحة 2010

[Dr. Bolbolan]

المشاركة الأصلية كتبت بواسطة مهند سالم أحلى واحدة هي آخر واحدة، الأولى كلام حلبنتيشي يحمل معاني سياسية، بس أنا ما بأحبش طريقة إلقاء الست دي للشعر مش عارف ليه، والراجل أضعف منها كشاعر، لكن الأخيرة بتاعته على صغرها حلوة، شكرا ليك

اسمح لى أختلف معاك ! أنا لا أعرف الست دى ولا اسمها حتى ! وممكن طريقتها فى الالقاء لا تعجبك !

ماشى ده رأيك الشخصى من وسط 80 مليون ! رأيى أنا بأه ان الست دى ب 100 راجل ! كفايه وقفتها

وسط الجمع للالقاء ( ودى حاجه مش سهله على أى بنى آدم ) و تمكنها من الالقاء والذاكره القويه والتحكم فى

الانفعالات ! والآهم الرساله التى تحملها كلماتها التى تبدو ان ( ما فيهاش حاجه ) والتى يعجز كثير من ( الذكور )

ولا أقول ( الرجال ) عن مجرد التفوه بها أمام شخص واحد غريب !

كنت زمان أسمع عن تعبير ( الرجل المريض ) ! بلدنا كده دلوقت ( أصبحت الرجل المريض فى المنطقه ) !

لا الصغير بيخافها ولا الكبير بيرحمها والآقارب بيتمنوا لها الموت واحنا معاها !

Dr. Bolbolan

[tarek elbadry]

ربنا يسترها الواحد حاسس ان الايام الى جية ملهاش معالم

[مهند سالم]

المشاركة الأصلية كتبت بواسطة Dr. Bolbolan اسمح لى أختلف معاك ! أنا لا أعرف الست دى ولا اسمها حتى ! وممكن طريقتها فى الالقاء لا تعجبك ! ماشى ده رأيك الشخصى من وسط 80 مليون ! رأيى أنا بأه ان الست دى ب 100 راجل ! كفايه وقفتها وسط الجمع للالقاء ( ودى حاجه مش سهله على أى بنى آدم ) و تمكنها من الالقاء والذاكره القويه والتحكم فى الانفعالات ! والآهم الرساله التى تحملها كلماتها التى تبدو ان ( ما فيهاش حاجه ) والتى يعجز كثير من ( الذكور ) ولا أقول ( الرجال ) عن مجرد التفوه بها أمام شخص واحد غريب ! كنت زمان أسمع عن تعبير ( الرجل المريض ) ! بلدنا كده دلوقت ( أصبحت الرجل المريض فى المنطقه ) ! لا الصغير بيخافها ولا الكبير بيرحمها والآقارب بيتمنوا لها الموت واحنا معاها ! Dr. Bolbolan

على فكرة أنا سمعت حاجات قبل كدة للست دي إلا أنا بصراحة مش فاكر اسمها، بس فاكر كويس قصيدة حلوة كانت عملاها عن العري بتاع بنات اليومين دول، وحضرتك لو دخلت على النت هتلاقي ليها حاجات كويسة، أنا ما بأقولش إن طريقتها في الإلقاء ضعيفة، بالعكس طريقتها قوية زيادة عن اللزوم، عارف الممثل لما يتكلف، طريقتها ما بتعجبنيش لأن فيها تكلف، أفضل شيء الوسطية، وعموما هم مجموعة شعراء تحس إنهم بيحملوا فكر الأخوان، بس أقواهم بلا منازع هو عبدالرحمن يوسف القرضاوي، وتقبل مروري

[mesho70]

شكرا ً ابو نورا

والشاعرة هى / ايمان البكرى لمن لا يعرف اسمها وانا سمعت لها الكثير من قبل وهى

رائعة بالفعل

[dego_story]

شكرا ياباشا