اخر اسعار قطع غيار الرينو 19 والرينبو

[ahmed.counselor]

المشاركة الأصلية كتبت بواسطة ابو امل عندى سيارة رينو رينبو موديل 97 انا احب هذه السياره جدا ومريحانى ومعى تقريبا من 8 سنين بس هناك عيب واحد مجننى من يوم ما اشتريتها وهو السخنية عندما اشغل التكييف او اسرع بها شوية تسخن السيارة وترجع الميه من الاربة وذهبت بها الى كم ميكانيكى دون جدوى ارجو يااخى الفاضل تعرفنى السبب ولسيادتكم الشكر والاحترام

راجع على وش السليندر كدة فية تنفيس من الجوان او الوش

تجى بعد مشوار جامد وخلى الميكانيكى والعربية سخنة يقرطلك على الوش

[ahmed.counselor]

لو فيه ريبو نضيفة للبيع انا شارى

[السيد العيسوى]

شكرا لك على جدول الاسعار

[mfahiem]

أنا من الشرقية وعندي إقتناع بالعربية الرينبو 100% بس خايف من مشاكل الميكانيكا بتاعتها لأن كل اللي إستشرتهم قالوا إن ماحدش فاهم فيها غير إن قطع الغيار بتاعتها مش متوفرة في الشرقية

ولأن دي أول عربية ناوي أشتريها بإذن الله فممكن تستحملوا أسئلتي لو غريبة شوية

1- مدى إعتمادية العربية بمعنى هل كل يومين هاروح بيها الورشة
2- رينبو 99 هل الميكانيكا بتاعتها معقدة وفيها حاجات صعبة
2- قطع الغيار هل ليها بدايل من موديلات أخرى منتشرة زي الفيات بأنواعها مثلاً أو البيجو
3- لو ظبط العربية في القاهرةعن حد متخصص هاحتاج ميكانيكي تاني عندي ولا ارجع لبتاع القاهرة كل 6 شهور مثلاً

من الآخر ياخوانا لو مافيش ميكانيكي بيفهم فيها قريب مني
أجيبها ولا هاندم

[POP EL GAMED]

المشاركة الأصلية كتبت بواسطة mfahiem أنا من الشرقية وعندي إقتناع بالعربية الرينبو 100% بس خايف من مشاكل الميكانيكا بتاعتها لأن كل اللي إستشرتهم قالوا إن ماحدش فاهم فيها غير إن قطع الغيار بتاعتها مش متوفرة في الشرقية ولأن دي أول عربية ناوي أشتريها بإذن الله فممكن تستحملوا أسئلتي لو غريبة شوية 1- مدى إعتمادية العربية بمعنى هل كل يومين هاروح بيها الورشة العربيه لو مظبوطه مش هتحتاج تروح للميكانيكى بالشهور 2- رينبو 99 هل الميكانيكا بتاعتها معقدة وفيها حاجات صعبة الميكانيكا بتاعتها عاديه جدا ومش معقده ومحتاجه ميكانيكى بيفهم مش ضرورى يكون بتاع رينو لكن يكون بيفهم مش من بتوع الفتى وخلاص 2- قطع الغيار هل ليها بدايل من موديلات أخرى منتشرة زي الفيات بأنواعها مثلاً أو البيجو معتقدش ليها حاجات كتير تتوفق لان اكيد حضرتك تقصد العربيات اللى بتتوفق زى ال128 والبيجو ال504(مع كامل احترامى للعربيات دى وملاكها)بس دى عربيات موديلات قديمه ومعتقدش انه فيه عربيه جديده بتتوفق 3- لو ظبط العربية في القاهرةعن حد متخصص هاحتاج ميكانيكي تاني عندي ولا ارجع لبتاع القاهرة كل 6 شهور مثلاً هتحتاج ميكانيكى عادى يظبط فرامل يظبط سيور فلاتر بوجيهات او اى عطل طارئ الا لو كانت حاجه داخليه فى الموتور هتحتاج ميكانيكى رينو من الآخر ياخوانا لو مافيش ميكانيكي بيفهم فيها قريب مني أجيبها ولا هاندم والله انا معنديش فكره عن قطع الغيار فى الشرقيه عشان كده مش هقدر احكم هتندم ولا ايه بس هى عربيه محترمه ومريحه لو مظبوطه

الرد فى الاقتباس