رحلة لبورسعيد

المشاركة الأصلية كتبت بواسطة بدر بسيونى ايه ياجماعة الدم والجثث الكتير دى ايه ياابو حميد بقيت سفاح غرب اسكندرية خلاص ياابو حميد براحة وماتسخنش انا عارفك بتسخن كبر دماغك وحمدلله على سلامتك يا كروسار ونركز فى موضوع الرحلة ايه رايكم

ربنا يخليك يا بدر باشا لو مجتش المقابلة ديه هزعل اوي كفايا انك حرمتنا منك في مقابلة عيد الميلاد

المشاركة الأصلية كتبت بواسطة Arabeg الف شكر لحضراتكم على الترحيب لى وخصوصا لاستاذ احمد واستاذ كروسار والشرف ليا انا وافطار رمضان هتبقي فكرة ممتازة ان شاء الله وانا سعيد بتواجدي معاكم وكنت اتمني التواجد في عيد ميلاد المنتدي الثاني لكن خيرها في غيرها وفي انتظار البرنامج النهائي للرحلة لبورسعيد وان شاء الله تكون رحلة سعيدة واتشرف بمعرفة حضراتكم .

يا باشا الشرف ده لينا احنا ومستنينك تنورنا في المقابلة الجاية

المشاركة الأصلية كتبت بواسطة احمد بدر1978 والله انا ما سخنتش اصل حط نفسك مكانى واحد خبطك وجرى حتعمل معاة اية دة حظة انة كان معايا مراتى و بناتى والله كان ممكن اولع فية بالنسبة للرحلة ان شاء الله مستنيين البرنامج من استاذ حازم وربنا يسهل بس مبدايا هو يومين خميس وجمعة ونشوفك على خيرررررررررر وحشنىىىىىىىىىىىىىى

الله يسامحك يا ابو حميد كنت هموت واحد بسببك امبارح

واقف في الاشارة لقيت موتوسيكل ماشي بعرض الاشارة عليه 3 راكبينه المهم خبط في وش العربية عندي من الجنب وجري والله محستش بنفسي غير اني كسرت الاشارة وطلعت جريت وراه وواحد من التلاته وقع من علي الموتوسيكل والواد مرضيش يقف وبيجري وحسيت ساعتها اني راكب هامر مش فيرنا في ثواني لاقاني بقيت في قفاه روحت مطلعله راسي من الشباك وقولتله اقف والا هشيلك بالعربية الواد وقف ومحستش بنفسي غير وانا نازل وبيشيله بايدي من علي الموتوسيكل الواد كان خفيف وسنه صغير شوية المهم لسه هضرب لقيته انهار في العياط وقعد يقولي انا اسف والله امين الشرطة كان بيجري ورايا وانا معيش رخصه وكان هيحبسني ويحبس الموتوسيكل وقالي اي حاجه في عربيتك هعملهالك قولتله تعالي اما نشوف فيها ايه لاني مبصتش علي العربية اساسا انا كان همي كله اني اجيبه واروقه

المهم ببص علي العربية لقيتها سليمة الحمد لله وهو طلع خبط في العربية برجله مش بالموتوسيكل المهم قولتله بصوت عالي مش عشان حتة امين شرطة تاذي غيرك قالي انا اسف وحقك عليا وقلتله امشي يا بني ربنا يسترها عليك

وانا بجري ورا الواد كنت شايف صورتك اودامي يا ابو حميد وانتا عمال بتسخني عليه

الله يسامحك والله كانت فعلا هدوسه بالعربية

وصلت لمرحله مش قادر اقولك يا هضربه يا هدوسه

[tarek elbadry]

اية يا خونا هوة فية اية
انا برضو ونا راجع من التجمع الخامس على الدائرى اتجاة المنيب وكنت ماشى شمال بطلع من عربيا نقل ربنا رزقنى بعربية شرطة نص نقل مستناش لما اعدى راح واخد غرزة بينى وبين العربية النقل انا الحمد لله هديت شوية راح خبطنى بى الصندوق بتاعو من الجنب اليمين ربنا كرمنى وعرفت اسيطر على العربية بس هوة اعد يطوح يمين وشمال كان ها ينقلب وربنا ستارها انا كنت هاتخل فى الرصيف الى على شمالى وتقلب الحمد لله بس ما سبتوش لحد لما وقفتو ولما بصيط على العربية لقيتها الحمد للة شوية خدوش وهوة اعتزرلى سبتو منا مش هاعرف اعمل معاة حاجة شرطة بقى
المهم الحمد لله على كل شىء

[احمد بدر1978]

المشاركة الأصلية كتبت بواسطة corsair ربنا يخليك يا بدر باشا لو مجتش المقابلة ديه هزعل اوي كفايا انك حرمتنا منك في مقابلة عيد الميلاد يا باشا الشرف ده لينا احنا ومستنينك تنورنا في المقابلة الجاية الله يسامحك يا ابو حميد كنت هموت واحد بسببك امبارح واقف في الاشارة لقيت موتوسيكل ماشي بعرض الاشارة عليه 3 راكبينه المهم خبط في وش العربية عندي من الجنب وجري والله محستش بنفسي غير اني كسرت الاشارة وطلعت جريت وراه وواحد من التلاته وقع من علي الموتوسيكل والواد مرضيش يقف وبيجري وحسيت ساعتها اني راكب هامر مش فيرنا في ثواني لاقاني بقيت في قفاه روحت مطلعله راسي من الشباك وقولتله اقف والا هشيلك بالعربية الواد وقف ومحستش بنفسي غير وانا نازل وبيشيله بايدي من علي الموتوسيكل الواد كان خفيف وسنه صغير شوية المهم لسه هضرب لقيته انهار في العياط وقعد يقولي انا اسف والله امين الشرطة كان بيجري ورايا وانا معيش رخصه وكان هيحبسني ويحبس الموتوسيكل وقالي اي حاجه في عربيتك هعملهالك قولتله تعالي اما نشوف فيها ايه لاني مبصتش علي العربية اساسا انا كان همي كله اني اجيبه واروقه المهم ببص علي العربية لقيتها سليمة الحمد لله وهو طلع خبط في العربية برجله مش بالموتوسيكل المهم قولتله بصوت عالي مش عشان حتة امين شرطة تاذي غيرك قالي انا اسف وحقك عليا وقلتله امشي يا بني ربنا يسترها عليك وانا بجري ورا الواد كنت شايف صورتك اودامي يا ابو حميد وانتا عمال بتسخني عليه الله يسامحك والله كانت فعلا هدوسه بالعربية وصلت لمرحله مش قادر اقولك يا هضربه يا هدوسه

انا مالى انا هوة انا اللى خبطتك
على العموم قدر الله وما شاء فعل
حصل خير

[احمد بدر1978]

المشاركة الأصلية كتبت بواسطة tarek elbadry اية يا خونا هوة فية اية انا برضو ونا راجع من التجمع الخامس على الدائرى اتجاة المنيب وكنت ماشى شمال بطلع من عربيا نقل ربنا رزقنى بعربية شرطة نص نقل مستناش لما اعدى راح واخد غرزة بينى وبين العربية النقل انا الحمد لله هديت شوية راح خبطنى بى الصندوق بتاعو من الجنب اليمين ربنا كرمنى وعرفت اسيطر على العربية بس هوة اعد يطوح يمين وشمال كان ها ينقلب وربنا ستارها انا كنت هاتخل فى الرصيف الى على شمالى وتقلب الحمد لله بس ما سبتوش لحد لما وقفتو ولما بصيط على العربية لقيتها الحمد للة شوية خدوش وهوة اعتزرلى سبتو منا مش هاعرف اعمل معاة حاجة شرطة بقى المهم الحمد لله على كل شىء

الحمد لله جت سليمة وفداك شوية الخرابيش
ممكن نلغى الرحلة لو خايفيين

المشاركة الأصلية كتبت بواسطة احمد بدر1978 انا مالى انا هوة انا اللى خبطتك على العموم قدر الله وما شاء فعل حصل خير

انتا هتنكر اومال مين اللي بعتلي صورتك اودامي وخلها تستفزني وكنت هموت الواد

انا بجري وراه وشايفك اودامي وانتا بتجري ورا الواد بتاع السوزوكي

هتعملي دلوقتي فيها برئ