أدب الرحلات

[احمد بدر1978]

المشاركة الأصلية كتبت بواسطة sad-bird على الرغم ان محافظة الشرقية زراعية في المقام الأول وان الصناعه فيها صناعات خفيفة او تحويلية والمكان الوحيد اللي فيه صناعه هومدينة العاشر من رمضان الا ان الخضراوات والفاكهة فيها زيها زي القاهرة ويمكن اغلى كمان لكن انتو عندكم في اسكندرية جنبكم ترعية النوبارية والاراضي المستصلحة كتير هناك وجنبكم البحيرة ففيه كميات خضار كتير بتدخل السوق مع العلم ان تعداد الاسكندرية مش كبير انتو الكثافة بتزيد عندكم في الصيف فعلشان كده الحاجة بتغلي في الصيف لكن بقاي السنة الحاجة معقولة ويمكن اقل مننا كمان لكن احنا ولله الحمد الكثافة عندنا وصلت 6 مليون تقريبا ده غير الناس اللي بتاخد من هنا تودي القاهرة ده غير الللي قرايبهم هنا بينزلوا كل اسبوع ياخدوا كل حاجة السوق منهنا قبل ما يمشوا علشان هنا بيعرفو ينقوا لكن في القاهرة عبي كله في بعضه الله يرحمك يا خطارة

نق بقى على اسكندرية حنزل الاقى الخضار ولع

[sad-bird]

المشاركة الأصلية كتبت بواسطة احمد بدر1978 من غير ما تقول دة منظرة فقرى من ساعة لما قلتلة على الصيد كل اسبوع يحصلى مصيبة الاسبوع اللى فات تعبت ودخلت المستشفى قلت اعوض واطلع النهاردة جيت اتصل بالمراكبى قالى الريح عالى ومفيش مركب طالعة

هههههههههههههههه
فقرييييييييييييييييي

حتى السمك
طيب تصدق والله فيه واحد بيقولي بما ان الخضار رفع قوي والعيش الناس مش لاقياه كده الناس كلها هتاكل رز وسمك وكله يطلع على البحر
ادي واحد اهو بوظ الرحلة
ههههههههههههههههههه

[احمد بدر1978]

المشاركة الأصلية كتبت بواسطة sad-bird هههههههههههههههه فقرييييييييييييييييي حتى السمك طيب تصدق والله فيه واحد بيقولي بما ان الخضار رفع قوي والعيش الناس مش لاقياه كده الناس كلها هتاكل رز وسمك وكله يطلع على البحر ادي واحد اهو بوظ الرحلة ههههههههههههههههههه

ربنا يسهل لما نشوف يوم الاحد اية اللى حيحصل لو مطلعتش ممكن اروحلة اولع فية هو وفيفى بتاعتة

[sad-bird]

الخطارة
مشروعات الخطارة

فيه 3 اماكن اسمهم الخطارة في مصر
الاول تبع محافظة قنا
التاني تبع محاظفة اسوان
التالت الخطارة تبع محافظة الشرقية


الخطارة اللي اقصدها دي عندنا في محاظفة الشرقية وللأسف معرفش عنها كتير غير انها تبع مركز فاقوس او الحسينية ( معرفش بالضبط لان المركزين كانو مركز واحد واتقسموا زي الدويلات العربية كده )

المهم اللي اقصده كان مشروع الخطارة وده كان يقع في زمام الصالحية وكان عبارة عن استصلاح اراضي زراعية وانتاجها كان كله بيتباع في اكشاك للجماهير
الكلام ده في الثمانينات وفي اوائل التسعينيات بدأ الموضوع يقل تدريجيا
على سنة 2000 الموضوع اختفي تماما وملوش اي اثر وفي مرة قابلت واحد معرفة ووخالي بيكلمه بيقوله واخبارك ايه قاله سويت معاش مبكر بسأل هو كان شغال فين قالي في الخطارة
طيب هيا راحت فين الخطارة
خالي قالي مسألتوش ليه يقولك

ما هي الخطارة
مشروع انتاج غذائي قومي يتبع قطاع الاعمال العام وللأسف لأن احنا عارفين قطاع الاعمال العام بيدار ازاي فالمشروع ده بعد ما كان بيحقق نتائج وارباح خارفية اصبح زيه زي شركه عمر افندي كده بيخسر ارقام اكثر من خرافية وتم تصفيته عدا بعض الاصول الثابته اعتقد لسه الموضوع قائم ان كان فيه حد عنده ضمير في البلد وعنده استعداد يصحي مشروع زي ده تاني من غيبوبته

المشروع باختصار كان قائم على
1. مياة الري كانت من مياه النيل عن طريق ترعة السعيدية مضافا اليها المياه المعالجة من مصرف بحر البقر وهو مصر يتم جمع فيهمياه الصرف الصحي مع مياه الصرف المغطي في نواحي الوحده البحري وكانت تلق في النهاية في البحر ( اعتقد في بحيرة المنزلة ولكن مع بداية المشروع تم معالجه المياه لاستخدامها لاغراض الزراعة مع العلم ان المشروع قائم على أليات الري الحديثة من رش وتنقيط وليس على الغمر
2. العمالة والعمالة كانت نوعين النوع الأول عمالة مستديمة وهم العمال ومهندسين الزراعة القائمين على المشروعات هناك والتننوع الثاني عماله مؤقتها او الانفار باليومية والعمالة اليومية كانت تأتي من اتجاهين الاول من يذهبون هناك برغبتهم والثاني هم شباب المدارس والجامعات كان بيجي ليهم ناس تديهم توجيه لمصر ومستقبل الزراعية وان ده مجال عمل وكانو دايم تلاقيهم رايحين معسكرات في فترة الصيف 3 او 44 شهور وكانو بياخدوا يوميات في حدود 5 جنيه بالاضافة للاكل والشرب والاقامة هناك وكنا يعاب على الاقامة انها في خيم وكان الشباب كتير بتهرج وواخده الموضوع على سبيل الهزار لكن بجد كانو بيرجعوا من بعد المعسكر ده من هناك رجالة حاسيين بقيمة كل مليم معاهم كانو بيتعبوا اه لكن كانو بيحسوا باللي بيعملوه

3 . المادة الزراعية البذور والاسمده ، وكانت المشروعات بما انها جهة حكومية كانت بتحصل على البذور والاسمده تحت اشراف المركز القومي للبحوث الزراعية ولا تقول مواد مسرطنة ولا مبيدات مسرطنة ولا حشائش ضارة ولا غير ضارة

4. الثروة الحيوانية : طبعا هنزرع وفي بداية الزر بنزيع شعير ومواد تسحب الملوه من التربة نعمل فيها ايه محرقها زي قش الرز ، طبعا لأ نجيب كام عجل على كام خروف على كام بطة على كام فرخة ( طبعا الكلام ده بالالف مش كام يعني 3 او 4 فرخات ) ونعمل مزراع وكل نوع من المزارع تشرف عليه مجموعة اطباء بيطرييين خاضعين لهيئة الخدمات البيطرية

5.ثروة السمكية : ودي كانت بعد الصالحلة بشوية ونتا رايح على القنطرة تلاقي كل كام كيلو معمولين مزرعة سمكية وانت ماشي لغااااااااااااااااااااااا ااااايه القناة وبحيرةالمنزلة مزارع مزارع مزارع كل ده سمك وطبعا تشرف عليه وزاره الزراعة


يعني مشروع غذائي متكامل وكان قابل للتوسع وكان ليهم اكشاك في كل وتلاقي الناس واقفة الساعه 5 قدام الكشك وكانو منظمين اللي يجي الأول عارف دورة ولا خناقات ولا دوشة لانه عارفين ان كلهم هيمشو والحاجاة موجوده لسه
والساعه 6 بالكتير ( انا بتكلم عن الزقازيق فيه اماكن تانية قبل وفيه اماكن تانية بعد الميعاد) تلاقي العربية وصلت وتنزل الحمولة بتاعتها من خيرات الله ( منتجات البان، خضار ، فاكهة ، سمك ، لحوم ) وكله بياخد وكله مرضي وفي الاخر اغلب الوقت بيفيض لتاني يوم
وبعدين الحمد لله
بححححححححححححححححح
مفيش ولا صندوق واحد شوفتها من اكتر من 15 سنة



الغريب في الامر بقى وللأسف الكارثة اللي بتحصل دلوقتي
اراضي الصالحية نفسها اللي كان من ضمنها مشورع الخطارة
ايام السادات سلمها لشركة عثمان احمد عثمان ( المقاولين العرب حاليا ) لاستصلاحها واستثمارها وطبعا الشركة صرفت فلوس من ميزانية الدولة علشان الاستصلاح ده وبعدين الارض اتسحبت من الشركة وتم توزيعها على رجال الاعمال بسعر 25 الف للفدان بعد استصلاحها
خير مش مشكلة رجال الاعمال هيتسثمروها برضة وسكملوا واهو هسغلوا الشباب ويخفوا الضغط عن الدولة ويعملولنا استثمرا زراعي برضة

لكن اللي حصل عكس كده
رجال الاعمال نسبة منهم اشتغلت زي ما هيا في المنتجات الغذائية والباقي اشتغل في المنتاجات العطريةو الطبية ( دي مطلوبة لكن قبل منها الامن الغذائي الأول )
حاليا بقى اسمع ان الاراضي بدأت تتباع تاني وتتقسم تاني بالمتر علشان تبقى اراضي بناء وتتبني عليها
بقى ده اسمه كلام
ارض صحراء تتحول بقدرة الله وباجتهاد الناس وعرقهم لارض زراعية بعد ما كانت بور ونرجع نرمي فيها اسمنت وزلط وحديد ونبورها تاني ونرجع ندور على اكل نجيبه منين واحنا اصلا لسه ملحقناش نسد اللي العجز اللي علينا
انا واحد من الناس وبما اني محب للزراعة والخضرة ممكن انقهر فيها
بقول للناس اللي بتبور ارض جنب منها غصب عنهم ولادهم عاوزين يتجوزوا ويعيشوا لو ان الاولى انهم يروحوا في مكان تاني ويعمروا
لكن دي بعيييييده اصلا ومفيش فيها كثافة وتعبنا فيها على ما اتعمرت معقول نرجع نبهدلها تاني




لا مؤاخذة يا جماعه عل شحنة النكد دي

[sad-bird]

وده رابط من موقع حكومي اهو
اقرو المقاله وشوفو رأيكم ايه

http://www.egynews.net/wps/portal/re...s?params=13880