رابطة ملاك ومحبى السفينه فيات 132

[محمدصلاح القاضى]

المشاركة الأصلية كتبت بواسطة cars admire نقول حسبنا الله ونعم الوكيل فى اللى بيحصل فى مصر كلها عموما واللى بيجرالنا فى القاهرة خصوصا وكلامك كله صح يا قاضى !! بكل اسف هو ده بقى حالنا اليومى فى القاهرة !!اشتريت بقى ايه من التوفيقية وبكام ومن عند مين؟! :bb127bc6eab0 60e3e23

بمناسبة اشتريت ايه ؟؟؟؟

انا اتخنقت بسبب قلة الضمير والمغالاه فى الاسعار
يعنى يوم ما كنت مع هشام فى التوفيقيه كان فى واحد على الناصيه بيركب مكن ازاز كهربا
وكان معلق يفطه كبيره مكتوب عليها تمن المكن بالزراير 120 جنيه و 175 جنيه بالتركيب

انا طبعا عندى فى العربيه الازاز اليمين قدام المكنه بتاعته مش حلوه بسبب ان تكنولوجيا المكن كانت قديمه ووبتعتمد على انها شغاله على ترس وواير حديد مشرشر بيلف مع الترس يفتح الازاز ويقفله فالترس حلق او نعم او الواير اللى باظ
فقولت اركب مكنتين جداد تكنولوجيا حديثه وقطع غيار موجوده وبعدين شغاله سكاكين مش تروس وواير واللى شجعنى انى كنت فى يوم فى القاهره وروحت له وسألته تانى وقالى المكن اللى بيركب على 132 موجود بس هنعدل مكان المسامير ومش هيبان اى حاجه غير ان الازاز هيطلع وينزل فريره وكان لسه نفس السعر برضه
وخلاص عقدت النيه انى اروح اركبه واتفاجأت ان المكن اصبح سعره 150 من غير التركيب و 300 جنيه بالتركيب حاجه تفقع المراره وتعلى الضغط
واكتر حاجه ضيقتنى جداااا اننا معتدش لينا اى احترام ولا اى هيبه
اما ابقى ماشى على الكورنيش وفجأه الا قى عربيه جمرك لاند كروزر داخله فى جنب عربيه بريليناس وبتاع البريليناس نازل يتكلم بالادب ويشوف اللى حصل وقام الراجل الخليجى بتاع الكروزر نازل قالع الشبب وماسك بتاع البريليناس ضربه والناس تحوش والخليجى يضرب ويشتم فى المصريين مع ان هو اللى حمار وكسر عليه ولا واللى يخلى الدم يغلى ان فى دوريات امن واقفه على الكورنيش والمخانقه قدام واحده منهم ولا اى عسكرى حتى فز من مكانه يشوف اللى بيحصل والظاهر اننا بقينا خلاص معتدش لينا لزمه وبقينا ننضرب فى بلدنا من اللى يسوى واللى ميسواش

[Hisham.Elgazzar]

صباح الخير عليكم جميعا
يارب تكونوا بخير
معلش يا محمد أكيد بتاع البريليانس هو اللى ضايق الواد الخليجى وزنق عليه علشان كده لما وقف قدامه مرة واحدة التانى مسماش عليه وخبطه
عموما لما تبقى فى القاهرة خليك فى حالك واللى مستعجل يغور فى داهية بلا وجع دماغ

ومعلش واضح ان بتوع الإزاز اللى فى التوفيقية نصابين فبلاش تتعامل معاهم
فى واحد بتاع اكر وازاز فى الحرفيين عنده كل حاجة وبأرخص من التوفيقية كمان

انا عارف انك ماكنتش لوحدك فى مصر أكيد مشاوير الحاج ، صح ؟؟

المهم سلامى له كتييير اوى اوى

حاجة جديدة هقولكم عليها أستاز كار أدماير قاللى عليها الله يباركله
قاللى هات كيلو زيت موبيل بتاع الفتيس الاوتوماتيك والباور ATF220
حطيت منه نص كيلو على تفويله التنك ، علشان ينضف دورة البنزين والكربراتير والصبابات وغرف الحريق
وامبارح كان أخر التنك وماشاء الله العربية ماشية كويس فحبيت أقولكم للى عاوز يعمل كده
الزيت أهو وتمنه 30 جنيه الكيلو ، ومعايا نص كيلو فى العربية مش عارف اعمل بيه اه ، اللى عاوزه يكلمنى



أستاز مجدى محرم (Michohat) كنت كاتب على الفيسبوك ان الفتيس بتاعك تقييل جدا الصبح بدرى

بناءا على تعليمات السيد / كارز أدماير ، ربنا يباركله فى صحته وعافيته ويرزقه ويجازيه خير الجزاء
قالى تحط علبة أبرو (زيت الشمبر ) أو سيكلو او ستب مع الزيت الفلفالين ال140 فى الفتيس هيخلى الفتيس ناعم زى الحرير ويمنع تآكل التروس ، وجارى تجربة الموضوع الأسبوع ده بإذن الله قبل ما أطلع إسكندرية
وماتنساش تسخن العربية كويس الصبح عمود الدركت بيسخن معاك الزيت جوة الفتيس ويقلبه تحسن معاك النقل

[Hisham.Elgazzar]

يارب صاحبى مايكونش لسه زعلان منى

[محمدصلاح القاضى]

المشاركة الأصلية كتبت بواسطة Hisham.Elgazzar صباح الخير عليكم جميعا يارب تكونوا بخير معلش يا محمد أكيد بتاع البريليانس هو اللى ضايق الواد الخليجى وزنق عليه علشان كده لما وقف قدامه مرة واحدة التانى مسماش عليه وخبطه عموما لما تبقى فى القاهرة خليك فى حالك واللى مستعجل يغور فى داهية بلا وجع دماغ ومعلش واضح ان بتوع الإزاز اللى فى التوفيقية نصابين فبلاش تتعامل معاهم فى واحد بتاع اكر وازاز فى الحرفيين عنده كل حاجة وبأرخص من التوفيقية كمان انا عارف انك ماكنتش لوحدك فى مصر أكيد مشاوير الحاج ، صح ؟؟ المهم سلامى له كتييير اوى اوى حاجة جديدة هقولكم عليها أستاز كار أدماير قاللى عليها الله يباركله قاللى هات كيلو زيت موبيل بتاع الفتيس الاوتوماتيك والباور ATF220 حطيت منه نص كيلو على تفويله التنك ، علشان ينضف دورة البنزين والكربراتير والصبابات وغرف الحريق وامبارح كان أخر التنك وماشاء الله العربية ماشية كويس فحبيت أقولكم للى عاوز يعمل كده الزيت أهو وتمنه 30 جنيه الكيلو ، ومعايا نص كيلو فى العربية مش عارف اعمل بيه اه ، اللى عاوزه يكلمنى أستاز مجدى محرم (Michohat) كنت كاتب على الفيسبوك ان الفتيس بتاعك تقييل جدا الصبح بدرى بناءا على تعليمات السيد / كارز أدماير ، ربنا يباركله فى صحته وعافيته ويرزقه ويجازيه خير الجزاء قالى تحط علبة أبرو (زيت الشمبر ) أو سيكلو او ستب مع الزيت الفلفالين ال140 فى الفتيس هيخلى الفتيس ناعم زى الحرير ويمنع تآكل التروس ، وجارى تجربة الموضوع الأسبوع ده بإذن الله قبل ما أطلع إسكندرية وماتنساش تسخن العربية كويس الصبح عمود الدركت بيسخن معاك الزيت جوة الفتيس ويقلبه تحسن معاك النقل

اكيييييد يا اتش كانت مشاوير الحاج وانا قولت انتهزها فرصه واعمل الازاز
وان شاء الله اجيلكم القاهره فى يوم ونعمل الازاز وبالمره اللى ماشفش العربيه يشوفها
بس انت اللى هتسوق او ايمن عشان مليش طقطقان للسواقه فى مصرعندكم
دا عندنا فى طنطا مش مظروته كداا اوووى والواحد كاره نفسه
وان شاء هتكون المقابله قريب
ومن ناحيه الخناقه انا شايف كل حاجه لانى كنت وراهم ع طول
وغير دا ودا بقى المنطق السائد دلوقتى لو اتخبطت خد نفسك وامشى لانك كدا كدا منتش واخد حاجه وخصوصا لو فى مكان غريب عنك

[محمدصلاح القاضى]

وكان فى استفسار جديد
العربيه بتدخن من ورا دخان اسود ودا معناه بنزين زياده

لكن العربيه بتعمل مقياس مثالى فى البنزين يعنى يوم ما كنت فى القاهره رايح جاى غير الهرس اللى داخل القاهره العربيه كلت صفيحه بنزين بمعنى انها عملت ما يزيد 200 كيلو فى الصفيحه
لكن الدخان الاسود دا مجننى وغير دا ودا العربيه سحبها على الطريق حووووووت يعنى ممكن اجيب 130 على الرابع ولسه فى روح للموتور انى اكمل على الرابع واقرص لدرجه ان فى عربيات بتجنن منى وانا معديها زى اللانوس والفيرنا لكن مش عارف حل للدخان الاسود اللى طالع وخايف اضيق البكات اخنق العربيه