جمعة الغضب - تغطية لاحداث الثورة من 24 يناير 2011

[sad-bird]

المشاركة الأصلية كتبت بواسطة omarken انا جيت يارجاااااله عايز حاجة تشغل الفيس بوك لأنو متوقف عندى 100%

سيب الفيس بوك مقفول عندنا كلنا
احمد علاء وعمرو مصطفي هينقلوا منه
فكر في موقع تاني او استني لما تستلم الراية مني
واقعد اقرا في اخبار اليوم من اولها واوعي دماغك تشيط منها

[_amr.mostafa_]

أسفر الاجتماع الذي دعى إليه خالد الصاوي للتضامن مع المتظاهرين في الانتفاضة التي تشهدها مصر حاليا عن إعلان العشرات من الفنانيين عن مشاركتهم في مظاهرات يوم جمعة الغضب ومن الفنانيين الذين وقعوا على البيان الذي أعلنوا فيه مشاركتهم بالمظاهرات هم: منى زكي وخالد يوسف ونهى العمروسي وخالد الصاوي وأحمد رشوان ومحمد أبو سيف وفتحي ...عبد الوهاب وصفاء الطوخي وأحمد فؤاد سليم ووائل حمدي وبلال فضل وعماد البهات ومحمد فريد ونادين شمس ومريم ناعوم وأحمد عيد، فيما أكد المخرج السينمائي شريف عرفه مشاركته في المظاهرة وكذا الفنان عمرو واكد رغم عدم حضورهم الاجتماع.

[omarken]

المشاركة الأصلية كتبت بواسطة sad-bird كان هناك امبارح والنهاردة ورايح بكرة كمان عمر ده بطل

للأسف النهاردة كنت فى السمتشفى علشان ابنى
بس بكره ان شاء الله من الصبح هاكون فى الشارع
ومع ذلك انا لم اتوقف عن نشاطى النهارده وبعتت كميه كبيره من الصور والفيديو الى شبكات اعلاميه عالميه ومجالس حقوقيه كثيره ومستمرحتى الان فى عمل هذا

[sad-bird]

المشاركة الأصلية كتبت بواسطة omarken لا للأسف لأسباب قهريه ( ابنى مريض ) ولكن ان شاء الله هاكون موجود بكره --- مهما كنت الظروف

شفاه الله وعافاه شفاءا لا يغادر سقما
الف سلامة عليه وربنا يديله الصحة وتفرح بيه وما يكتب عليه الايام الي احنا شايفنها دي

[_amr.mostafa_]

المشاركة الأصلية كتبت بواسطة sad-bird سيب الفيس بوك مقفول عندنا كلنا احمد علاء وعمرو مصطفي هينقلوا منه فكر في موقع تاني او استني لما تستلم الراية مني واقعد اقرا في اخبار اليوم من اولها واوعي دماغك تشيط منها

اقعد قر مفتوح مفتوح لغداية ما يتقفل ....